ដើមខែដើមទ្រព្យ! ២-៨ សីហា អ្នកកើតឆ្នាំទាំង ៣ ដល់វេលាទទួលយកលាភសំណាងហើយ
សម្រាប់សប្តាហ៍ថ្មីនៃខែសីហា ចន្លោះពីថ្ងៃទី ២ ដល់ ៨ សីហាខាងមុខនេះ តាមហោរាសាស្ត្របានដំណាលមកថា អ្នកកើតឆ្នាំទាំង ៣ នឹងមានរាសីឡើងខ្ពស់ត្រដែត អាចជោគជ័យទាំងក្នុងអាជីពការងារ/ជំនួញ និងស្នេហា៖
អ្នកកើតឆ្នាំវក (ស្វា)
មានសញ្ញាល្អច្រើនដល់អ្នកកើតឆ្នាំវកនៅសប្តាហ៍ថ្មីនេះ ហើយបើនិយាយពីទំនាក់ទំនងគូស្វាមីភរិយាគឺឃើញថាល្អ ចេះមានការយោគយល់ ដែលអាចបង្កើតសុភមង្គលពេញលេញចូលដល់ក្រុមគ្រួសារ។
ជាងនេះក្នុងអាជីពការងារ ទោះមិនសូវស្ទាត់ជំនាញក្តី ក៏អ្នកនឹងឃើញឱកាសច្រើននៅសប្តាហ៍នេះ ហើយក៏ទទួលបានការចាប់អារម្មណ៍ច្រើនពីអ្នកដឹកនាំខាងលើផងដែរ។ សម្រាប់អ្នកមានអាជីវកម្មក្នុងដៃឯណោះ ក៏អាចបង្កើតផ្លែផ្កាចេញជាប្រាក់ចំណេញច្រើន ដើម្បីប៉ះប៉ូវនិងដោះស្រាយបញ្ហាធ្លាប់បានកើតឡើងកន្លងមក។
អ្នកកើតឆ្នាំជូត (កណ្តុរ)
នៅកន្លែងធ្វើការអាចជួបប្រទះបញ្ហាបន្តិចបន្តួចនៅដើមសប្តាហ៍ តែបញ្ហាទាំងឡាយនឹងអាចដោះស្រាយបានយ៉ាងរលូន ជាពិសេសនៅចុងសប្តាហ៍អ្នកនឹងទទួលបានអារម្មណ៍ល្អប្រសើរឡើងវិញ តាមរយៈលាភសំណាងដែលមកដល់។
និយាយពីផ្នែកទ្រព្យបន្តិច អ្នកកើតឆ្នាំជូត អាចថាមិនមានការប្រែប្រួលច្រើនឡើយ តែអ្នកនឹងទទួលបានរង្វាន់ ជាលាភចំណេញតបស្នងនៅការខិតខំប្រឹងប្រែងរបស់អ្នក ល្មមនឹងធ្វើឲ្យអ្នកជុំវិញខ្លួនមានការច្រណែននឹងអ្នកបន្តិចដែរ។ ជាពិសេសនៅពេលខាងមុខ ក៏នឹងមានឱកាសល្អ កាន់តែពិសេសជាងសប្តាហ៍នេះទៅទៀត ឲ្យតែអ្នកនៅបន្តខិតខំប្រឹងប្រែង។
បង្វែរទៅរឿងរ៉ាវស្នេហា អ្នកកើតឆ្នាំជូត ដ្បិតបើមានការទាស់ពាក្យនឹងដៃគូបន្តិច តែបើចេះអត់ធ្មត់ និងបញ្ចៀសការនិយាយពាក្យអាក្រក់ដាក់គ្នាបាន គ្រប់យ៉ាងនឹងល្អប្រសើរលើសដើម ហើយកាន់តែយល់និងស្រលាញ់គ្នាជាងមុនបន្ថែម។
អ្នកកើតឆ្នាំរោង (នាគ)
ជាសប្តាហ៍នាំសំណាងដ៏ធំបំផុតសម្រាប់ខែសីហា ដល់អ្នកកើតឆ្នាំរោង ហើយបើចង់វិនិយោគ ចាប់ផ្តើមអាជីវកម្មអ្វីមួយ គឺអ្នកដល់ពេលវេលាដែលគួរតែធ្វើហើយ។ អ្នកនឹងទទួលបានប្រាក់ចំណេញច្រើនជាងពេលមុន ហើយក៏មានដៃគូសហការល្អជាងមុនផងដែរ។
ទៅមើលទំនាក់ទំនងស្នេហា ដូចគេបានចារទុក បើមនុស្សអត់គូ នៅសប្តាហ៍នេះក៏ឃើញពន្លឺស្នេហ៍ជាបណ្តើរៗ ដែលល្មមនឹងរកបានអ្នកយល់ចិត្តដូចអ្វីដែលប្រាថ្នាចង់បាននៅពេលដ៏ខ្លីខាងមុខ។ រីឯអ្នកមានដៃគូស្រាប់ហើយនោះ ក៏កាន់តែល្អូកល្អិននឹងគ្នា ស្ថិរភាពស្នេហ៍ក៏រឹតបន្តឹងកាន់តែយូរអង្វែងបន្ថែមទៀត។ យ៉ាងណាជៀសឲ្យបាន កុំឲ្យមានជនទី ៣ ចូលមកលេងសើច៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
