ជិតៗនេះមិនដែលដឹងសោះ! ជ្រោះដំបង(ម្លេច) ខ្យល់អាកាសល្អជាប់ជើងភ្នំ កន្លែងកម្សាន្តសម្បូរបែប
ចង់រកកន្លែងកម្សាន្តលំហែអារម្មណ៍សប្បាយៗ ហើយមានទីតាំងជិតៗទីក្រុងភ្នំពេញ ពិតជារឿងងាយណាស់ថ្ងៃនេះ « ក្នុងស្រុក » សូមណែនាំកន្លែងកម្សាន្តមួយកំពុងតែល្បីលើទឹកដីខេត្តកំពត ជាប់ខេត្តតាកែវ នោះគឺ « រមណីយដ្ឋាន ជ្រោះដំបង(ម្លេច) »។
« រមណីយដ្ឋាន ជ្រោះដំបង (ម្លេច) » គឺជារមណីយដ្ឋានដែលមានទេសភាពធម្មជាតិព្រៃភ្នំជុំវិញ មាននៅកន្លែងសម្រាកជាប្រភេទផ្ទះលំ កន្លែងអង្គុយទទួលទានអាហារខ្យល់អាកាសល្អនៅជាប់ជើងភ្នំ កន្លែងថតរូបស្អាតៗ ហើយក៏មានម៉ូតូកង់បួនសម្រាប់ជួលជិះលេងកំសាន្តផងដែរ។
គួរឱ្យដឹងផងដែរថា រោះដំបង(ម្លេច) ឬ ទំនប់ម្លេច មានទីតាំងស្ថិតនៅ ព្រំប្រទល់រវាងខេត្តកំពតនិង តាកែវ ក្នុងទឹកដី ស្ថិតនៅឃុំ ជ្រេស ស្រុក ជុំគិរី ខេត្ត កំពត មានចម្ងាយប្រមាណ ៩០គីឡូម៉ែត្រពីរាជធានីភ្នំពេញ ធ្វើដំណើរតាមផ្លូវជាតិលេខ៣ ដោយបត់ស្ដាំចូលប្រវែងប្រហែល៦គីឡូម៉ែត្រនឹងទៅដល់ទីនោះ៕
អត្ថបទ៖ ក្នុងស្រុក
ប្រភពរូបភាពផ្តល់សិទ្ធដោយ៖ Khüm Mïk ThüNä
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ Writers
Tel:
ព័ត៌មានថ្មីៗ
