ជ្រើសរើសកាតមួយ ដើម្បីទម្លាយពីអារម្មណ៍សោកសៅដែលអ្នកកំពុងលាក់ទុក
តើអ្នកកំពុងមានអារម្មណ៍សោកសៅអ្វីនៅខាងក្នុងចិត្ត? ពេលនេះវាពិបាកនឹងទម្លាយចេញខ្លាំងណាស់មែនទេ? តាមរយៈការជ្រើសរើសកាតមួយ ក្នុងចំណោមកាតទាំង ៣ យើងសូមចូលរួមចំណែកដឹងលឺនូវរឿងរ៉ាវលំបាកមួយចំនួនរបស់អ្នកដូចខាងក្រោម៖
កាតទី ១
ភាពងងឹតនៅខាងក្នុងចិត្តរបស់អ្នកពេលនេះ គឺអ្នកកំពុងបន្ទោសខ្លួនឯង កំពុងអន់ចិត្តនឹងជីវិតខ្លួនឯង ធៀបទៅនឹងជីវិតរបស់អ្នកដទៃ។ ពេលខ្លះអ្នកសឹងតែបន្ទោសជោគវាសនា ថាហេតុអ្វីបានជាមិនអាចកើតមក អាចមានបាន រស់ស្រួលដូចជាគេ។
យ៉ាងណាការបន្ទោសលើជោគវាសនា ការគិតថាសំណាងមិនល្អចេះតែកើតមានមកលើអ្នកនេះ វាដល់ពេលហើយដែលអ្នកត្រូវបោះបង់វាចោល។ ក៏ដល់ពេលដែលត្រូវក្រោកឈរឡើង ហើយត្រូវចាំថាជីវិត នឹងមិនលំបាករហូតឡើយ មិនខុសពីផ្ទៃមេឃដែលតែងតែភ្លៀង ក៏នៅមានពេលខ្លះដែលស្រឡះ។ ចូរខិតខំប្រឹងប្រែងឡើង ថ្ងៃនេះយើងអត់ មិនប្រាកដថាថ្ងៃក្រោយទៅយើងអត់ទៀតនោះទេ ហើយចូរកុំច្រណែនជីវិតអ្នកដទៃខ្លាំងពេកអី ត្រឹមតែយកគេមកជំរុញទឹកចិត្ត និងបំផុសទឹកចិត្តយើងបានហើយ។
កាតទី ២
អ្នកហាក់កំពុងស្ថិតក្នុងការសម្រេចចិត្តមួយដ៏លំបាក ព្រោះវាត្រូវឆ្លងកាត់ការបែងចែករវាងបេះដូង និងខួរក្បាល។ ក្នុងស្ថានភាពនេះ អ្នកមិនអាចដំណើរការវាស្របគ្នាបានឡើយ។
យើងពិបាកនឹងណែនាំទៅកាន់អ្នកដែរ ព្រោះបញ្ហាមនុស្សយើងម្នាក់ៗគឺរមែងខុសពីគ្នា។ ចូរថ្លឹងថ្លែងឲ្យបានច្បាស់ ហើយសម្រេចចិត្តដោយមិនមានការស្តាយក្រោយ រួចបញ្ហាដែលនឹងកើតឡើងនៅពេលបន្ទាប់ សឹមប្រឈមតតាំងវាតាមក្រោយទៀត។
កាតទី ៣
អ្នកហាក់មានការខឹងសម្បា មានការច្រណែន ដែលគ្រប់យ៉ាងដែលអ្នកចង់បាន រមែងធ្លាក់ទៅក្នុងដៃអ្នកដទៃ។ អ្វីដែលអ្នកចង់បាន បែរជាមិនអាចយកបាន ទាំងអាជីពការងារ និងទំនាក់ទំនងស្នេហា។
អារម្មណ៍នេះអ្នកពិតជាពិបាកនឹងបកស្រាយ ពិបាកនឹងប្រាប់ទៅកាន់មនុស្សជុំវិញខ្លួន ហើយត្រឹមបៀមវាទុកក្នុងចិត្តម្នាក់ឯង។ យ៉ាងណាកុំបោះបង់ឆន្ទៈ និងមហិច្ឆតារបស់អ្នកអី ចូរសម្លឹងទៅក្រោយបន្តិច មើលអ្វីដែលអ្នកបានសម្រេចទាំងអស់នោះមក ហើយគិតជាថ្មី តើគួរបោះបង់វាចោល ឬសម្រាកបន្តិច សឹមបន្តដំណើរទៅមុខទៀត?
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
