អ្វីដែលអ្នកឃើញមុនគេក្នុងរូប? អាចបង្ហាញពីអារម្មណ៍ភ័យខ្លាចរបស់អ្នកពេលនេះ
មើលទៅក្នុងរូបភាពបំភ័ន្តភ្នែកមួយនេះ តើអ្នកចាប់អារម្មណ៍ឃើញអ្វីមុនគេ? តើជាកាំបិត ដង្កូវ មេអំបៅ ឬផ្លែប៉ោម។ តាមរយៈចម្លើយរបស់អ្នក យើងអាចបង្ហាញឲ្យអ្នកដឹងច្បាស់ ថាអ្នកកំពុងមានអារម្មណ៍ភ័យខ្លាចអ្វី៖
ប្រសិនអ្នកមើលឃើញកាំបិត
ការភ័យខ្លាចជាចម្បងរបស់អ្នក គឺទាក់ទងនឹងជំងឺ។ អ្នកមានអារម្មណ៍ថា ខ្លាចទៅពេលខាងមុខណាមួយ កើតមានជំងឺជាប់ខ្លួនដែលអ្នកមិនអាចដឹងទុកជាមុនបាន។ អ្នកខ្លាចទទួលរងការឈឺចាប់នៅគ្រានោះ រហូតឈានដល់ចំណុចមួយដែលមានទ្រព្យក៏ពិបាកនឹងចាយ។
ប្រសិនអ្នកមើលឃើញដង្កូវ
ការភ័យខ្លាចរបស់អ្នក គឺត្រូវបានគេហៅថា វិសាលគមកម្ម។ វាគឺជាអារម្មណ៍ដែលខ្លាចមានវិញ្ញាណអាក្រក់មកតាមលងបន្លាច ធ្វើទុក្ខបុកម្នេញ នាំឲ្យអ្នកខ្សោយថាមពលអស់ពីខ្លួន។
ប្រសិនអ្នកមើលឃើញមេអំបៅ
ការភ័យខ្លាចរបស់អ្នក គឺខ្លាចការក្បត់បោកប្រាស់ពីបុគ្គលណាម្នាក់។ ប្រហែលមកពីធ្លាប់មាននរណាដែលធ្វើឲ្យអ្នកឈឺចាប់ ឬទទួលរងអារម្មណ៍បោកបញ្ឆោតច្រើនដងច្រើនសារ។
អ្នកក៏ធ្លាប់ប្រឈមនឹងការបដិសេធ នៅក្នុងវិស័យការងារ ឬក្នុងការស្រមៃណាមួយ។ យ៉ាងណាអារម្មណ៍ទន់ខ្សោយមួយនេះ អ្នកមិនអាចលាក់បាំងជិតឡើយ។
ប្រសិនអ្នកមើលឃើញផ្លែប៉ោម
ការភ័យខ្លាចរបស់អ្នក គឺខ្លាចសេចក្ដីស្លាប់។ ការខ្លាចនេះខុសពីមនុស្សទូទៅ ដោយអ្នកបារម្ភខ្លាំង អង្គុយគិតខ្លាំង សឹងតែពេលខ្លះធ្វើឲ្យប៉ះពាល់ដល់អារម្មណ៍ផ្លូវចិត្តខាងក្នុងរបស់អ្នកក៏មាន។ អ្នកកាន់តែខ្លាចនឹងបាត់បង់មនុស្សនៅក្បែរខ្លួន ឬមនុស្សដែលធ្លាប់តែជិតស្និទ្ធនឹងអ្នកបំផុត៕
បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
