សម្លឹងចុះក្រោមមើលប្រអប់ជើងតិចមើល អនាគតទៅអ្នកអាចមានបាននឹងគេអត់?
តាមរយៈទម្រង់ប្រអប់ជើង ក៏មានក្បួនដែលគេអាចទស្សន៍ទាយពីជោគជតារាសីទៅពេលអនាគតផងដែរ។ ចូរសម្លឹងមើលប្រអប់ជើងខ្លួនឯង ហើយធៀបនឹងទម្រង់ ៤ ដូចបង្ហាញក្នុងរូប។ ចម្លើយរបស់អ្នក យើងអាចទស្សន៍ទាយនូវអនាគតនាពេលខាងមុខបាន៖
១) កម្ពស់ម្រាមមេជើង និងទី ២ ឬទី ៣ ដំបូងស្មើគ្នា
រមែងជាមនុស្សដែលមានចរិតសុភាពរាបសា ចេះជួយយកអាសាអ្នកដទៃ។ ពួកគេរស់នៅក្នុងទិសដៅជីវិតដ៏ត្រឹមត្រូវ ហើយធ្វើអំពើល្អដាក់អ្នកដទៃ ដោយមិនចង់បានផលតបស្នងត្រលប់មកវិញឡើយ។
ដោយសារធម្មជាតិអំណោយទាននេះហើយ ដែលនាំឲ្យជីវិតពួកគេរមែងមានការអភិវឌ្ឍនិងទទួលបានផ្លែផ្កាខ្ពស់ទៅពេលខាងមុខ។ តែចំណាំមើល មនុស្សនេះចូលចិត្តភាពអ៊ូអរ និងកិច្ចប្រាស្រ័យទាក់ទងច្រើន មិនចូលចិត្តភាពស្ងៀមស្ងាត់ពេកនោះទេ។
២) មេជើងនិងកូនជើងនៅប្រវែងស្មើគ្នា
ជាមនុស្សកម្រខ្លាំងណាស់ ដែលមានប្រអប់ជើងទម្រង់បែបនេះ ហើយបើមាន គេតែងតែជាមនុស្សដែលមានឆន្ទៈខ្ពស់ និងចេះក្រោកឈរដោយខ្លួនឯង មិនសូវចាំបាច់មានគេជួយជ្រោមជ្រែងច្រើនឡើយ។
ពួកគេមិនអនុញ្ញាតឲ្យខ្លួនធ្លាក់ទឹកចិត្ត ឬបាត់បង់ឆន្ទៈរបស់ខ្លួនឯងនោះទេ ចំណុចហ្នឹងហើយជាដើមចមនាំឲ្យពួកគេរីកចម្រើនខ្ពស់ទៅមុខបាននៅពេលខាងមុខ។
៣) ម្រាមជើងទីពីរ បន្ទាប់ពីមេជើងមានប្រវែងខ្ពស់ជាងគេ
យើងអាចនិយាយថា ម្រាមជើងចង្អុល គឺមានប្រវែងខ្ពស់ជាងគេ។ ពួកគេតែងតែជាមនុស្សដែលងាយទទួលរងឥទ្ធិពលពីពាក្យសម្តី និងអារម្មណ៍របស់អ្នកដទៃ ហេតុនេះនាំឲ្យតែងបរាជ័យក្នុងកិច្ចការងារមួយចំនួនជារឿយៗ។
ទន្ទឹមនឹងជីវិតការងារមិនសូវរីកចម្រើនផង ទៅមើលទំនាក់ទំនងស្នេហា ក៏រាងរដាក់រដុបខ្លាំងដែរ។ និយាយទៅមនុស្សនេះនៅឯកោយូរណាស់ ទម្រាំមានគេនឹងគេ។
៤) មេជើងមានកម្ពស់ខ្ពស់ជាងគេ
អ្នកដែលមានកម្ពស់មេជើងខ្ពស់ជាងគេធៀបនឹងម្រាមជើងឯទៀត ភាគច្រើនតែងតែសំណាងហើយទទួលបានជោគជ័យក្នុងមារគាជីវិត។ មិនថាតែពួកគេចង់ធ្វើកិច្ចការងារ ឬរកស៊ីអ្វីក៏ដោយ រមែងមានអ្នកគាំទ្រ ចាំជួយជ្រោមជ្រែងជានិច្ច។ ចាស់ទៅអ្នកមានប្រអប់ជើងទម្រង់ទី ១ នេះ អាចរស់នៅស្រួលក្នុងជីវិតបែបអភិជន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
