ចំណាំមើលចុះ! មនុស្សប្រុសទំហំ ៣ នេះធំនឹងងាយមានបាន តែទំហំ ១ នេះតូច គឺងាយនឹងចាញ់កលគេ
ប្រសិនអ្នកជាមនុស្សប្រុសដែលមានផ្នែកទាំង ៣ នេះលើរាងកាយទំហំធំ នោះអ្នកស្ថិតក្នុងប្រភេទមនុស្សដែលមានវាសនាល្អ អាចមានបានរស់ស្រួលទៅពេលខាងមុខ។ ប៉ុន្តែបើមានផ្នែក ១ ដូចបង្ហាញខាងក្រោម ស្ថិតនៅទំហំតូច នោះតាមតំណាលចាស់ពីបុរាណ គេជឿថា ជាមនុស្សបានត្រឹមមួយរស់ និងមិនអាចមានបានខ្លាំង ហើយងាយនឹងចាញ់កលល្បិចរបស់គេខ្លាំងណាស់។
៤) ជើងធំ
បុរសដែលមានជើងធំ ច្រើនតែជាបុរសដែលមានភាពរឹងមាំ ចរិតលក្ខណៈរបស់ពួកគេបើតាំងចិត្តធ្វើអ្វីមួយហើយ គឺច្បាស់លាស់នឹងធ្វើវាឲ្យបាន ដើម្បីសម្រេចក្តីសុបិន។
ដោយសារតែភាពស្មោះត្រង់ ឧស្សាហ៍ព្យាយាមរបស់ពួកគេនេះហើយ ក៏រមែងនាំឲ្យភាពជោគជ័យងាយកើតឡើងសម្រាប់ជីវិតរបស់ពួកគេ។ និយាយទៅមនុស្សប្រភេទនេះ ដរាបណាដង្ហើមនៅមាន គឺមានផ្លូវដើរសម្រាប់ខ្លួនឯងរហូត ហើយបើនិយាយពីការរកលុយគឺរមែងមានប្រៀបជាងមនុស្សប្រុសទូទៅ។
៣) ច្រមុះធំ
អ្នកដែលមានខ្ទង់ច្រមុះទាំងសងខាងបើកចំហធំ ហើយរន្ធច្រមុះរាងតូច នោះជាមនុស្សឯករាជ្យ និងចេះគ្រប់គ្រងខ្លួនឯងបានល្អ។ ការបង្កើតអាជីព ចាប់ផ្តើមជំនួញអ្វីពួកគេគិតបានល្អិតល្អន់ណាស់ ហើយរមែងធ្វើវាអស់ពីសមត្ថភាពមិនខ្ជិលច្រអូសឡើយ។
ជាមួយភាពអត់ធ្មត់ពីកំណើត លាយឡំនឹងសមត្ថភាពនៃការគ្រប់គ្រង ក៏នាំឲ្យពួកគេរមែងដាក់អី ជោគជ័យហ្នឹង ហើយបើនិយាយពីទ្រព្យគឺចេះតែកើតមានជាប់រៀងរហូតដល់ទីបញ្ចប់នៃជីវិត។
២) ចង្អូរធំ
នោះគឺសំដៅដល់ចង្អូរ ដែលនៅចន្លោះនៃបបូរមាត់និងច្រមុះរបស់អ្នក។ បើវាមានទំហំ នោះជាបុរសដែលរមែងមានអាជីពការងារល្អ ហើយមានសំណាងក្នុងជីវិត។
បុរសនេះដែរក៏តែងតែមានថាមពលវិជ្ជមានហូរចូលមកក្នុងចិត្ត លាយឡំនឹងភាពអត់ធន់ ហើយការចាប់ផ្ដើមអាជីវកម្មបើចាប់ផ្ដើមដៃទទេ ក៏រមែងងាយនឹងបានផលមកវិញថ្កុំថ្កើងផងដែរនៅថ្ងៃខាងមុខ។
១) ត្រចៀកតូច
មនុស្សដែលមានស្លឹកត្រចៀកស្តើង ទំហំតូច នឹងមិនសូវមានសំណាងទេ ក្នុងអាជីពការងារ និងការរកស៊ីផ្សេងៗ។ ជាទូទៅពួកគេប្រឹងប្រែងខ្លាំងណាស់ តែបានត្រឹមមួយរស់ៗ មានបានស្លៀកពាក់ ហូបចុកដូចគេ តែមិនអាចមានសំណាងឡើងដល់ចំណុចកំពូលនោះឡើយ។ ជាពិសេសមនុស្សនេះ ងាយនឹងចាញ់ឧបាយកលគេខ្លាំងណាស់ បើមិនមានការប្រុងប្រយ័ត្នខ្ពស់ និងវិភាគឲ្យមែនទែន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
