១ សប្ដាហ៍ស្រក ៣ គីឡូ! បើអាចអនុវត្តត្រូវតាមក្បួនខ្នាត នៃរបៀបហាត់ប្រាណទាំង ១០
មនុស្សជាច្រើនចង់ស្រកទម្ងន់ខ្លាំងណាស់ តែមិនដឹងត្រូវធ្វើបែបណា ណាមួយបើនិយាយពីការហាត់ប្រាណ កំឡុងពេលមានស្ថានភាពរាតត្បាតជំងឺ COVID-19 ផង អ៊ីចឹងយើងមិនអាចទៅកន្លែងហាត់ប្រាណ (Gym) បាននោះឡើយ។ ដូច្នេះការហាត់នៅផ្ទះ ក៏អ្នកនៅតែអាចធ្វើទៅបានដែរ គ្រាន់តែទាមទារឲ្យមានក្បួនខ្នាតច្បាស់លាស់។
តាមរយៈអត្ថបទនេះ Knongsrok ណែនាំនូវរបៀបហាត់ប្រាណទាំង ១០ សម្រាប់អ្នកអាចសាកល្បងអនុវត្តបាននៅផ្ទះ ហើយបើធ្វើបានត្រឹមត្រូវនិងអនុវត្តជាប្រចាំ នោះធានាត្រឹម ១ សប្តាហ៍អ្នកនឹងឃើញលទ្ធផលហើយអាចស្រកដល់ ៣ គីឡូក្រាមក៏មាន៖
១) ចលនាបង្វែរខ្លួន
ចលនាទី ១ នេះគឺស្រួលទេ ដោយអ្នកតម្រូវឲ្យឈរនៅមួយកន្លែង ហើយបង្វែរខ្លួនចុះឡើង ហើយរក្សាជំហរជើងឲ្យនៅនឹងដដែល។ ធ្វើវាយឺតៗ ហើយបង្កើនល្បឿនម្តងបន្តិចៗ ដោយម្ខាងរយៈពេល ៣-៦ នាទី។
២) ចលនាតុល្យភាព
រក្សាជំហរជើងឆ្វេង ហើយលើកជើងស្តាំឡើង រួចប្តូរមកជើងខាងឆ្វេងវិញម្តង។ លើកជើងមកលើឲ្យខ្ពស់តាមដែលអាចធ្វើទៅបាន ហើយដៃរបស់អ្នកក៏ត្រូវលើកឡើងតាមចង្វាក់នោះដូចគ្នា តែត្រូវរក្សាលំនឹងខ្លួនប្រាណ។ អនុវត្តបែបនេះ ៣-៥ ដងនៃជើងម្ខាង។
៣) ចលនារមៀល
ចលនានេះមិនត្រឹមតែស្រកទម្ងន់លឿនប៉ុណ្ណោះទេ តែវាថែមទាំងជួយដល់ឆ្អឹងនិងសន្លាក់ផងដែរ។ អ្នកតម្រូវឲ្យដេកនៅលើផ្ទៃរាបស្មើ ហើយលើកជើងទាំងសងខាងរបស់អ្នកឡើង រួចផ្គុំដៃរបស់អ្នកមកប៉ះជើងនោះ ដោយអនុវត្តបែបហ្នឹងចុះឡើង ១២ ដង អ្នកនឹងចាប់អារម្មណ៍ការប្រែប្រួលសន្លាក់សាច់ដុំពោះនិងខ្នង។
៤) ចលនាញ័រ
អ្នកតម្រូវឲ្យដេកនៅលើផ្ទៃរាបស្មើ ហើយឱបដៃទាំងសងខាងចូលគ្នានៅកម្ពស់ស្មា រួចជង្គង់រាងបត់បន្តិច បន្ទាប់មកលើកក្បាលនិងស្មាឡើងយឺតៗ តែរក្សាជំហរខ្នងឲ្យប៉ះនឹងឥដ្ឋដដែល។ រក្សាជំហរបែបនេះរយៈពេល ៣០ វិនាទីជាប់។
៥) ចលនាលាតសន្ធឹងខ្លួន
តម្រេតខ្នងរបស់អ្នកទៅលើផ្ទៃរាបស្មើ រួចលើកដៃសន្ធឹងទៅលើក្បាលរបស់អ្នក ហើយជើងទាំងពីរត្រូវរក្សាជំហរឲ្យត្រង់។ រក្សាជំហរតួខ្លួនបែបហ្នឹងឲ្យជាប់រយៈពេល ១ នាទី។
៦) ចលនាលើកត្រកៀក
អ្នកគេងរាបស្មើធម្មតា ហើយលើកជើងរបស់អ្នកឡើងលើយឺតៗ ហើយដាក់ដៃរបស់អ្នកទៅទប់នៅផ្នែកត្រកៀក ហើយភ្នែករបស់យើងសម្លឹងទៅលើ រួចដកដង្ហើមវែងៗ។ បន្តចលនាបែបហ្នឹងចន្លោះពី ៣០ វិនាទី ទៅ ១ នាទីតាមដែលអាចធ្វើទៅបាន។
៧) ចលនាដង្ហើម
ផ្កាប់ខ្លួនយើងទៅលើផ្ទៃរាបស្មើ រួចលើកតួខ្លួនផ្នែកខាងលើដូចជាពស់ តែរក្សាកំភួនដៃឲ្យប៉ះនឹងផ្ទៃរាបស្មើ ហើយភ្នែកសម្លឹងទៅមុខ។ រក្សាជំហរបែបនេះរយៈពេល ៣០ វិនាទី។
៨) ចលនាកោងខ្លួន
អ្នកអង្គុយនៅលើផ្ទៃរាបស្មើ ហើយខ្វែងជើងរបស់អ្នកដូចក្នុងរូប ដោយដៃខាងស្តាំដាក់មកលើភ្លៅខាងឆ្វេង ហើយបង្វែរចុះឡើងរយៈពេល ៣០ វិនាទីនៃម្ខាង។
៩) ចលនាខ្វែងខ្លួន
ប្រៀបដូចជាការហាត់ប្រាណធម្មតា ដោយទម្លាក់ដៃមកស្មើចុងម្រាមជើងខ្វែងខ្លួនទៅមក ហើយព្យាយាមឱនឲ្យដល់ក្រោមតាមដែលអាចធ្វើទៅបាន។ អនុវត្តបែបនេះ ១០ ដងសងខាងទៅមក។
១០) ចលនាពត់ខ្លួន
អង្គុយឱនមុខចុះទៅលើឥដ្ឋ ហើយបត់ជើងរបស់អ្នក រួចលាតសន្ធឹងដៃទាំងពីរទៅខាងលើឲ្យអស់ ហើយរក្សាជំហរបែបនេះរយៈពេល ៣០ វិនាទី៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
