កុំមើលស្រាលឲ្យសោះ! ពេលបត់ជើងតូច បើចេញសញ្ញាព្រមាន ៤ នេះ ប្រញាប់ទៅរកពេទ្យជាបន្ទាន់
ប្រសិនអ្នកកត់សម្គាល់ឃើញថា នៅពេលបត់ជើងតូច រាងកាយចេញសញ្ញា ៤ នេះមក នោះមានន័យថា វាជាសញ្ញាព្រមានចំពោះសុខភាពធ្ងន់ធ្ងរ ដែលអ្នកគួរតែឆ្លៀតពេលទៅពិនិត្យសុខភាព ឬពិគ្រោះជាមួយគ្រូពេទ្យឲ្យបានទាន់ពេលវេលា៖
៤) ទឹកនោមពពុះ
ប្រសិនពេលអ្នកបត់ជើងតូច ទឹកនោមនោះឡើងទៅជាពពុះ នោះជាសញ្ញាមួយបង្ហាញច្បាស់ថាតម្រងនោមមិនអាចច្រោះសារធាតុបញ្ចេញចោលបានល្អ ហើយវាអាចវិវត្តទៅជាជំងឺរលាកផ្នែកតម្រងនោម (Proteinuria)។
៣) ពេលនោមចេញទឹកតិចតួច
យោងតាមអ្នកជំនាញបានឲ្យដឹងថា មនុស្សយើងយ៉ាងហោចណាស់រយៈពេល ២៤ ម៉ោងក៏នឹងបញ្ចេញទឹកនោម ៥០០ មីលីលីត្រអីដែរ ប៉ុន្តែអ្នកនោមមកតិច ត្រឹមតែ ៥០ មីលីលីត្រអីនោះ មានន័យថា អ្នកកំពុងកើតជំងឺម្យ៉ាងឲ្យឈ្មោះថា "Anuria"។ វាជាសញ្ញាព្រមាននៃបញ្ហាខ្សោយតម្រងនោម ហើយជាពិសេសគឺពេលអ្នកព្យាយាមផឹកតិចច្រើន តែនោមតិច។
២) ទឹកនោមមានក្លិនមិនល្អ
ជាធម្មតាទឹកនោមនៅពេលចេញពីរាងកាយមនុស្ស វាមិនជាមានក្លិនអ្វីគួរឲ្យកត់សម្គាល់នោះទេ ជាពិសេសប្រសិនអ្នកមិនទទួលទានកាហ្វេ ខ្ទឹម ឬតែ។
ប៉ុន្តែបើនៅក្នុងទឹកនោមមានក្លិនស្អុយ ឬក្លិនមិនល្អដែលគួរឲ្យចាប់អារម្មណ៍ នោះក៏មានន័យថា ក្រលៀនអ្នកមានបញ្ហា ហើយអាចនឹងកើតទៅជាចជំងឺឲ្យឈ្មោះថា Cystitis និង Pyelonephritis ដែលអ្នកគួរតែទៅពិនិត្យសុខភាពដូចគ្នា។
១) នោមមកចេញឈាម
ជាធម្មតាទឹកនោមរបស់មនុស្សមានសុខភាពល្អធម្មតា គឺចេញពណ៌លឿងស្រាល ប៉ុន្តែបើប្រែទៅជាពណ៌ត្នោតខ្មៅ ឬក្រហម នោះជាសញ្ញាគ្រោះថ្នាក់នៃសុខភាពមួយដ៏ធ្ងន់ធ្ងរ។ ជាពិសេសទៀត បើនោមចេញមកមានលាយឈាម នោះអ្នកកំពុងកើតជំងឺតម្រងនោម ឬដុះដុំសាច់ ឬអាចជាបញ្ហាក្រពេញប្រូស្តាតជាដើម៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
