មានអ្នកកើតឆ្នាំទាំង ៥ នេះទេ? ដល់ពេលកើបលុយចូលផ្ទះហើយ នៅរយៈពេល ១៥ ថ្ងៃចុងក្រោយ
នៅរយៈពេល ១៥ ថ្ងៃចុងក្រោយនៃខែកក្កដា សម្រាប់អ្នកកើតឆ្នាំទាំង ៥ ដូចបង្ហាញខាងក្រោម នឹងមានរាសីឡើងខ្ពស់ត្រដែត មានទ្រព្យហូរចូលលឿន ហើយមិនខ្វះលុយក្នុងហោប៉ៅនោះទេ។
៥) អ្នកកើតឆ្នាំម្សាញ់ (ពស់)
ជាទូទៅមនុស្សកើតឆ្នាំពស់ រមែងជាមនុស្សសុភាពរាបសា និងដឹងចាស់ទុំ។ នៅ ២ សប្តាហ៍ចុងក្រោយនេះ ពួកគេដល់ពេលកើបលុយធំហើយ ដោយឱកាសនឹងមានច្រើនសម្រាប់អ្នកកើតឆ្នាំពស់ ហើយតុល្យភាពសាច់ប្រាក់របស់គេ គឺមានតែសញ្ញាបៃតងឡើងទៅលើ។
៤) អ្នកកើតឆ្នាំខាល (ខ្លា)
ជាទូទៅអ្នកកើតឆ្នាំខាល ជីវិតរបស់ពួកគេអាចថារាងពិបាកបន្តិច តែមិនលំបាករហូតទេ ក៏គង់តែមានពេលស្រណុកខ្លះដែរ។
មនុស្សនេះក្លាហាន មានឆន្ទៈរឹងមាំ មិនងាយមាននរណាមករារាំងគោលដៅរបស់ពួកគេបានឡើយ។ នៅរយៈពេល ១៥ ថ្ងៃចុងក្រោយនៃខែកក្កដា សម្រាប់អ្នកកើតឆ្នាំខាល មិនបាច់បារម្ភរឿងលុយកាក់នោះទេ ពួកគេដល់ពេលក្លាយជាអ្នកមានហើយ ពោលគឺចំណូលនឹងមានការកើនឡើងគួរឲ្យកត់សម្គាល់។ វាជាពេលវេលាដ៏ល្អក្នុងការកើបលុយចូលផ្ទះ។
៣) អ្នកកើតឆ្នាំមមី (សេះ)
ពួកគេរមែងជាមនុស្សចេះជួយយកអាសាអ្នកដទៃ ហើយក៏ចូលចិត្តស្វែងរកសាកល្បងអ្វីដែលថ្មីក្នុងជីវិត។ អ្នកកើតឆ្នាំមមី ដែលពេលវេលាទទួលយកលាភសំណាង ដែលកំឡុងពេល ១៥ ថ្ងៃចុងក្រោយ ពួកគេនឹងមានទេវតាទ្រព្យតាមថែរក្សា ហើយជាពិសេសអ្នកមានអាយុដែលស្រករមនុស្សកំពុងពេញកម្លាំងរកបាន នឹងកើនទ្រព្យកាន់តែលឿន។
២) អ្នកកើតឆ្នាំមមែ (ពពែ)
អ្នកកើតឆ្នាំពពែ ដ្បិតបើជួបបញ្ហា ក៏មានគេគង់ចាំជួយ ហើយបញ្ហាអ្វីក៏មិនអាចនៅជាមួយមនុស្សនេះបានយូរដែរ។ ពួកគេក៏ខិតខំប្រឹងប្រែងណាស់ដែរ ក្នុងអាជីពការងារនិងការរកស៊ី។
នៅរយៈពេល ១៥ ថ្ងៃចុងក្រោយ សម្រាប់អ្នកកើតឆ្នាំពពែ អាជីពការងារនឹងអំណោយផលល្អ ហើយបើនិយាយពីកិច្ចកុងត្រា អាចនឹងមានការចុះហត្ថលេខាលើកិច្ចសន្យាធំមួយទៀត។ ផ្នែកហិរញ្ញវត្ថុរបស់ពួកគេ នឹងចូលដូចជាទឹក តែគ្រប់គ្រងឲ្យបានល្អផង កុំចាយខ្ជះខ្ជាយនៅរយៈពេលនោះ។
១) អ្នកកើតឆ្នាំច (ឆ្កែ)
ភាគច្រើនជាមនុស្សឆ្លាតនិងរហ័សរហួន ហើយពួកគេក៏រមែងទទួលបានជោគជ័យតាមធម្មជាតិកំណត់ឲ្យផងដែរ។ មនុស្សនេះព្យាយាមណាស់ មិនចេះនៅមួយកន្លែងអង្គុយចាំសំណាងធ្លាក់ពីលើមេឃឡើយ។
តាមហោរាសាស្រ្តនៅរយៈពេល ១៥ ថ្ងៃចុងក្រោយនៃខែកក្កដា (ពីថ្ងៃទី ១៦ ដល់ ៣១ កក្កដា) អ្នកកើតឆ្នាំច នឹងមានសំណាងច្រើន ហើយប្រាក់ខែអាចនឹងមានការដំឡើងពីថ្នាក់លើ ហើយបើអ្នករកស៊ីនឹងមានដៃគូសហការធំគេមកជឿទុកចិត្ត និងផ្តល់ប្រយោជន៍ឲ្យច្រើនជាងមុន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
