ជ្រើសរើសដើមឈើមួយ ដើម្បីដឹងថា តើអ្នកមានអំណោយទានអ្វីពីធម្មជាតិ?
តាមរយៈដើមឈើទាំង ៣ ដូចបង្ហាញក្នុងរូបភាព ចូរអ្នកជ្រើសរើសមួយ ហើយយើងនឹងបង្ហាញចម្លើយមកវិញនូវភាពខ្លាំងពីធម្មជាតិរបស់អ្នក ឬអំណោយទានដែលអ្នកមានស្រាប់តាំងពីកំណើត៖
ដើមឈើទី ១
ពីកំណើតមក ហាក់ដូចជាដូនតាផ្តល់ឲ្យ អ្នករមែងអាចដោះស្រាយនៅគ្រប់បញ្ហាទាំងអស់ ហើយអាចឆ្លងកាត់រឿងរ៉ាវលំបាកៗបាន ដ្បិតបើពេលខ្លះវាទាមទារពេលវេលាយូរបន្តិចក្តី។
អាចថានេះជាអ្វីដែលអ្នកខ្លាំងពីធម្មជាតិ មួយទៀតគួបផ្សំព្រេងសំណាងរបស់អ្នក ដែលរាល់ពេលជួបបញ្ហា ក៏រមែងជួបសំណាងមកវិញដូចគ្នា។ ម្យ៉ាងទៀតយើងអាចនិយាយបានថា ក្នុងគ្រោះតែងតែមានលាភសម្រាប់អ្នក។ យ៉ាងណានៅស្ថានភាពខ្លះ អ្នកពិបាកក្នុងការបែងចែកបន្តិច ពោលមិនអាចយករឿង ៣ ជាអាទិភាពព្រមគ្នាតែមួយបានឡើយ មានផ្នែកហិរញ្ញវត្ថុ ស្នេហា និងមិត្តភ័ក្ដិ។
ដើមឈើទី ២
អំណោយទានពីធម្មជាតិរបស់អ្នក ក៏ការមើលឃើញធ្លុះចិត្តមនុស្ស។ ជាទូទៅអ្នកមិនងាយឲ្យនរណាមកបោកបញ្ឆោត ឬចាក់ខ្សែជាមួយអ្នកបានទេ ពោលគឺពួកគេអាចនឹងមានគំនិតមិនល្អ តែរាល់សកម្មភាពបង្ហាញចេញមកបន្តិច អ្នកហាក់មានវិញ្ញាណអ្វីមួយប្រាប់ឲ្យដឹងមុន។
ហេតុផលនេះហើយអ្នករមែងជួបមនុស្សមិនល្អ តែអ្នកមិនងាយនឹងទទួលបានផលអវិជ្ជមានពីគេមកឡើយ លុះត្រាតែម្នាក់នោះ អ្នកទុកចិត្តគេខ្លាំង ឬជាមនុស្សដែលធ្លាប់ស្និទ្ធខ្លាំងពីមុនមក។
ដើមឈើទី ៣
មនុស្សដូចជាអ្នក គឺឈ្លាសវៃតាំងពីនៅក្មេង ហើយមានចិត្តគំនិតភាពជាអ្នកដឹកនាំ តាំងតែមិនទាន់មានអ្វីសោះ។ និយាយទៅបើអ្នកមានការងារល្អមួយហើយ អ្នករមែងបង្កើតវាឲ្យកាន់តែជោគជ័យបន្ថែមទៀត ពោលមិនងាយឲ្យខូចការងារ ឬបាត់បង់វាទៅឡើយ។
ហេតុនេះហើយអំណោយទានពីធម្មជាតិរបស់អ្នក គឺអាចថាផ្នែកហិរញ្ញវត្ថុ នោះគឺមានន័យថា អ្នកជាមនុស្សទាក់ទាញទ្រព្យ ដ្បិតវាមិនបានជាហូរហៀរច្រើនដូចគេ តែអ្នកក៏រមែងបានផលចំណេញតក់ៗជាប់រហូតដែរ ហើយមិនអត់ចាយសោះនោះទេ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
