បន្លែទិព្វទាំង ៧ ពោរពេញដោយជាតិកាល់ស្យូមដូចទឹកដោះគោ ល្អសម្រាប់អ្នកចង់លូតកម្ពស់
ក្រៅពីការទទួលទានទឹកដោះគោ និងអាហារសមុទ្រ តាមពិតទៅប្រសិនអ្នកចង់ទទួលបានជាតិកាល់ស្យូម អ្នកក៏អាចងាកមកទទួលទានប្រភេទបន្លែទាំង ៧ ដូចបង្ហាញខាងក្រោម៖
៧) ខាត់ណា
ខាត់ណាក៏សម្បូរទៅដោយជាតិកាល់ស្យូម ដែលងាយឲ្យរាងកាយស្រូបយកផងដែរ។ វាក៏មាននូវវីតាមីន K ដែលជួយបង្កើតអយស្ទូស៊ីន ពង្រឹងកាល់ស្យូមនៅក្នុងឆ្អឹង។
៦) សាឡាត់
សាឡាត់ក៏មានជាតិកាល់ស្យូម ដែលជួយឲ្យរាងកាយលូតលាស់ និងថែរក្សាឆ្អឹង ក៏ដូចជាធ្មេញឲ្យរឹងមាំ។ ក្រៅពីនេះវាសម្បូរទៅ ដោយវីតាមីន A និង B ក៏ដូចជាជាតិរ៉ែជួយជាពិសេសសម្រាប់មនុស្សចាស់ក្នុងការប្រឆាំងនឹងជំងឺបេះដូង។
៥) ផ្កាខាត់ណាខៀវ
វាសម្បូរទៅដោយវីតាមីន និងជាតិរ៉ែ ហើយក៏មានវីតាមីន K និងកាល់ស្យូម លាយឡំនឹងជាតិសរសៃជាច្រើន ដែលល្អសម្រាប់សុខភាព។ វាក៏ផ្តល់ឲ្យនូវសារធាតុប្រឆាំងអុកស៊ីតកម្មយ៉ាងល្អ ជួយរាងកាយប្រឆាំងនឹងការឆ្លងជំងឺផ្សេងៗ។
៤) ស្ពៃខ្មៅ
ស្ពៃខ្មៅ មានផ្ទុកនូវវីតាមីន C, K, ផូស្វ័រ, ប៉ូតាស្យម, កាល់ស្យម ជួយពង្រឹងដល់សាច់ដុំ ហើយក៏មានជាតិសេលេញ៉ូមការពារដល់ថ្លើម។ ដូច្នេះអ្នកមិនគួរមើលរំលងបន្លែដ៏ល្អមួយនេះឡើយ។
៣) សណ្ដែកបណ្ដុះ
វាមានផ្ទុកនូវបរិមាណកាល់ស្យូមខ្ពស់ ដោយសណ្ដែកបណ្ដុះ ១០០ ក្រាម មានផ្ទុកកាល់ស្យូមដល់ទៅ ៣៨ មិល្លីក្រាមឯណោះ។ វាល្អបំផុតសម្រាប់ឆ្អឹង ជាពិសេសសម្រាប់មនុស្សវ័យចំណាស់ ដែលមានឆ្អឹងទន់ខ្សោយ អាចបង្កើតទម្លាប់ទទួលទានសណ្ដែកបណ្ដុះបាន។
២) ទំពាំងបារាំង
ជាបន្លែដែលមានផ្ទុកនូវវីតាមីន A, C, E និងកាល់ស្យូម ជួយការពារសន្លាក់និងទ្រទ្រង់ឆ្អឹងឲ្យរឹងមាំ ហើយល្អបំផុតសម្រាប់អ្នកចង់លូតកម្ពស់បានល្អ និងតាមស្តង់ដារ។
១) គុយឆាយ
មានផ្ទុកនូវវីតាមីន និងសារធាតុរ៉ែជាច្រើន ដូចដែលមាននៅក្នុងស៊ុត និងទឹកដោះគោដែរ។ តាមពិតទៅអ្នកក៏អាចច្នៃវាទៅក្នុងអាហារប្រចាំថ្ងៃ ដូចជាបន្លែសាឡាត់ ស៊ុប និងប្រភេទអាហារបំពងមួយចំនួន ដែលផ្តល់ទាំងឱជារស និងចំណុចល្អសម្រាប់រាងកាយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
