ជ្រើសរើសថ្មគ្រីស្ទាល់មួយ ដើម្បីទទួលបានសារណែនាំសម្រាប់អនាគតខាងមុខរបស់អ្នក
សម្លឹងមើលទៅថ្មគ្រីស្ទាល់ទាំង ៤ ដ្បិតអ្នកស្រលាញ់ចង់បានវាទាំងអស់ក៏ដោយ តែដាច់ខាតជ្រើសយកបានតែមួយប៉ុណ្ណោះ។ ចូរស្មោះត្រង់ជាមួយការជ្រើសរើសនេះ ហើយទៅផ្ទៀងផ្ទាត់ចម្លើយនៅខាងក្រោម ដើម្បីទទួលបានសារពង្រឹងពីអនាគតរបស់អ្នក៖
គ្រីស្ទាល់ទី ១
ដល់ពេលដែលអ្នកត្រូវបម្លាស់ទីទៅមុខហើយ ឬអភិវឌ្ឍខ្លួនទៅកម្រិតថ្មីមួយទៀតហើយ។ ដ្បិតការងារ ឬការរកស៊ីបច្ចុប្បន្ន វាបានធ្វើឲ្យអ្នករស់នៅក្នុងកម្រិតសមរម្យមួយក៏ដោយ តែការដែលបន្តនៅ Comfort Zone រយៈពេលយូរពេក វាមិនជារឿងល្អទៅវិញ។
ទាន់អ្នកមានពេលវេលា អ្នកមានផ្លូវក្រោយសម្រាប់បក អ្នកក៏ដល់ពេលបោះជំហានទៅកាន់អាជីពថ្មីមួយទៀត ឬការងារថ្មី ដើម្បីចាប់យកក្តីស្រមៃធំដែលចង់បានពិតប្រាកដ។ អ្នកត្រូវចាំថា ដើម្បីបានត្រីធំ អ្នកក៏ត្រូវលះបង់នុយតូចៗមួយចំនួនដែរ ដូច្នេះមិនអាចចាប់យកគ្រប់យ៉ាងបានឡើយក្នុងជីវិត។
គ្រីស្ទាល់ទី ២
បើមិនប្រឈមហានិភ័យ មិនបានទេលាភធំ។ យើងមិនណែនាំឲ្យអ្នកបោះបង់គ្រប់យ៉ាងនោះទេ តែគួរបន្ថែម ឬរកមធ្យោបាយថ្មី ដែលល្អប្រសើរជាងនេះ។
បើកចិត្តឲ្យទូលាយ មើលឃើញពិភពលោកឲ្យធំ ហើយដើរតាមក្តីស្រមៃដែលបានគ្រោងទុក។ ភាពនឹងនពេលនេះ ក៏រាប់បានជាជំហានមួយ ដែលនឹងជួយត្រួសត្រាយអ្នកទៅកាន់វិថីថ្មី ជាជាងបន្តនៅកន្លែងដដែល នោះថ្ងៃណាមួយនឹងមានគេមកប្រជែង គេមកទម្លាក់អ្នកជាមិនខាន។ ត្រូវចាំថា ជីវិតគឺរត់ជានិច្ច កុំទាន់ឆាប់សម្រាកលឿនពេក បើមិនទាន់សម្រេចគោលដៅធំ។
គ្រីស្ទាល់ទី ៣
បើអ្នកកំពុងគិតពីការចង់រកស៊ីអ្វីមួយ ឬបោះជំហានទៅក្នុងវិស័យថ្មីណាមួយ អ្នកគួរដល់ពេលដែលត្រូវចេញដំណើរទៅហើយ ព្រោះអ្នកបានជាប់គាំងរយៈពេលយូរពេក ដែលសឹងតែនាំឲ្យខ្លួនឯងបាត់បង់មហិច្ឆតា និងភាពរឹងមាំពិតប្រាកដ។
ក្រោយការវិភាគ និងគូសវាសកន្លងមក បើអ្នកយល់ថា អ្នកត្រៀមខ្លួនហើយនោះ គួរដល់ពេលហើយដែលអ្នកត្រូវចេញទ័ព ក្នុងការច្បាំងជាមួយការប្រកួតប្រជែងក្នុងជីវិត។
គ្រីស្ទាល់ទី ៤
អ្នកជាមនុស្សដែលជឿជាក់លើខ្លួនឯងខ្លាំងពេក រហូតធ្វើឲ្យពេលខ្លះ ខ្លួនឯងហ្នឹងហើយជាអ្នកបិទផ្លូវខ្លួនឯង។ តាមពិតទៅក្នុងកាលៈទេសៈខ្លះ អ្នកគួរតែស្តាប់ការណែនាំរបស់អ្នកដទៃ ឬយោបល់របស់អ្នកដទៃ ព្រោះកុំមើលតែមួយជ្រុងនៃការគិតរបស់អ្នក ពេលខ្លះគំនិតគិតមកផ្សំគំនិតអ្នក វាកាន់តែល្អថែមទៀតក៏មាន។
នៅពេលខាងមុខនេះ អ្នកមិនអាចបន្តភាពរឹងរូស ឬចចេសមិនស្តាប់អ្នកដទៃទៀតនោះទេ អ្នកគួរតែលំអន់ខ្លួនបន្តិច បន្ទន់ការគិត ការសម្រេចចិត្ត ដោយគិតឲ្យបានធំទូលាយជាងពេលមុន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
