រៀងរាល់ព្រឹកបើចេញសញ្ញាព្រមានទាំងនេះ គឺជាជំងឺដែលអ្នកត្រូវយកចិត្តទុកដាក់ច្បាស់ណាស់
នៅរៀងរាល់ព្រឹក បើរាងកាយអ្នកចេញសញ្ញាទាំង ៥ នេះមក នោះវាអាចជាសញ្ញាព្រមានពីជំងឺមួយចំនួន ដែលអ្នកត្រូវតែយកចិត្តទុកដាក់ជាពិសេស៖
៥) អញ្ចាញធ្មេញហូរឈាម
ជាធម្មតានៅពេលដែលអញ្ចាញធ្មេញហូរឈាមនៅពេលអ្នកដុសធ្មេញ វាអាចមកពីបញ្ហាសុខភាពមាត់ធ្មេញ ប៉ុន្តែបើវាមិនស្ថិតក្នុងជំពូកបញ្ហានោះ វាក៏អាចមកពីបញ្ហាឈាមកក ដែលនេះទាក់ទងនឹងជំងឺថ្លើមវិញ។
៤) ក្អកយូរ ហើយក្អកជាមួយស្លេស
នៅពេលដែលអ្នកងើបពីព្រលឹម ហើយឧស្សាហ៍ក្អកឥតឈប់ ៣-៤ សប្តាហ៍ហើយមិនបាត់សោះ វាជាសញ្ញាគួរឲ្យបារម្ភហើយ ដោយនេះអាចទាក់ទងនឹងបញ្ហាសួត ពោលអាចជារលាកទងសួត។
៣) ទឹកនោមពណ៌ប្លែក
ក្រោយក្រោកពីគេង ពេលអ្នកនោមលើកដំបូងប្រចាំថ្ងៃ ទឹកនោមគួរតែចេញពណ៌លឿងស្រាល តែបើប្រែទៅជាពណ៌លឿងងងឹត នោះមានន័យថា អាចមកពីអ្នកមានបញ្ហាប្លោកនោម ឬតម្រងនោម។
២) បេះដូងលោតឈប់ និងឃ្លាន
ប្រហែលម៉ោង ៤-៥ ព្រឹក អ្នកស្រាប់តែងើបមកកូរពោះ ហើយបេះដូងអ្នកលោតញាប់ នោះអាចជាអាការៈនៃជំងឺទឹកនោមផ្អែម ដែលអ្នកគួរតែយកចិត្តទុកដាក់ទៅពិនិត្យឲ្យបានលឿន។
១) តែងតែមានអារម្មណ៍ហត់នឿយ
ងើបមកមិនទាន់ធ្វើអ្វីផង ខួរក្បាលស្រាប់តែឈឺ មានអារម្មណ៍ហត់នឿយចង់សម្រាកបន្តទៀត។ អាការៈនេះជាសញ្ញាព្រមាននៃជំងឺផ្សេងៗពីគ្នា ដូចជាមកពីអ្នកឈឺក្បាលធម្មតា ឬក្លាយទៅជាជំងឺថ្លើម និងតម្រងនោមបើវាកើតឡើងញឹកញាប់៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
