អ្វីដែលអ្នកចាប់អារម្មណ៍មុនគេក្នុងរូបនេះ ជាចម្លើយប្រាប់ពីអ្វីដែលអ្នកត្រូវផ្លាស់ប្ដូរក្នុងជីវិត!
នៅក្នុងរូបភាពដ៏ស្រស់បំព្រងមួយនេះ មានលាយឡំនៅបង្គំរូបផ្សំជាច្រើន ចុះសម្រាប់ការចាប់អារម្មណ៍ភ្លាមៗរបស់អ្នក តើអ្នកចាប់ចិត្តទៅលើរូបភាពត្រង់ណាមុនគេ? តាមរយៈចម្លើយរបស់អ្នក យើងអាចបង្ហាញច្បាស់ពីអ្វីដែលអ្នកត្រូវផ្លាស់ប្តូរក្នុងជីវិតនៅពេលនេះ៖
រូបភាពព្រះពុទ្ធ
ប្រសិនអ្នកមើលឃើញព្រះពុទ្ធមុនគេបង្អស់ នោះមានន័យថា អ្នកជាមនុស្សសុទិដ្ឋិនិយម ដែលជឿជាក់លើគ្រប់យ៉ាងដែលអ្នកបានធ្វើ។ ការខិតខំរបស់អ្នក រមែងនាំឲ្យអ្នកជួបលទ្ធផលជោគជ័យជារឿយៗ តែទន្ទឹមនោះអ្នកក៏មានបញ្ហាជាច្រើនផ្សេងទៀតក្នុងជីវិតប្រចាំថ្ងៃ បញ្ហាស្នេហា ការងារ ហើយវាបានរាំងស្ទះដំណើរជីវិតរបស់អ្នក។
ជាសារណែនាំ ទោះផ្លូវទៅមុខអ្នកជ្រើសរើសខុស អ្នកដើរខុសមួយជំហានក៏ដោយក្តី ចូរអ្នករឹងមាំឡើង ហើយកុំបោះបង់នូវអ្វីដែលបានឆ្លងកាត់កន្លងមក ពោលត្រូវរៀនសម្របខ្លួននឹងស្ថានភាពថ្មី ហើយក្លាហានប្រឈមនឹងវាជានិច្ច។
រូបភាពសត្វកំប្រុក
សត្វកំប្រុកពណ៌សនៅលើដើមឈើ បើអ្នកបានសម្លឹងឃើញវាមុនគេ នោះអ្នកជាមនុស្សដែលមិនចូលចិត្តចង់រស់នៅក្នុងតំបន់សុខស្រួល (Comfort Zone)។ អ្នកតែងតែចង់ឃើញពិភពលោកថ្មី ចង់សាកល្បងការប្រកួតប្រជែងថ្មី ដែលទាំងអស់នេះហើយនាំឲ្យអ្នកជួបបញ្ហាជាច្រើន។
តាមពិតទៅធម្មជាតិមិនបានឲ្យយើងខិតខំខ្លាំងពេកនោះទេ ព្រោះក្នុងស្ថានភាពខ្លះ វាធ្វើឲ្យយើងក្លាយទៅជាមនុស្សលោភលន់ទៅវិញ។ ដូច្នេះហើយយើងមើលតាមផលដែលទទួលបានដែរ ប្រសិនវាសមល្មមគិតថាគ្រប់គ្រាន់ហើយ សល់ឯទៀតក៏ព្រលែងវាទៅ រួចរស់នៅជាមួយអ្វីដែលមាននោះទើបជាក្តីសុខពិតនៃជីវិត។
រូបភាពឫសដើមឈើ
បើអ្នកឃើញឫសនៃមេឃធាង ឬដើមឈើ ក្នុងរូបភាពខាងលើ មានន័យថា អ្នកជាមនុស្សដែលមិនសូវបានយកចិត្តទុកដាក់មើលថែអារម្មណ៍ខ្លួនឯង ហើយរវល់តែរស់នៅដើម្បីបំពេញអារម្មណ៍អ្នកដទៃ។
មួយរយៈមុននេះអ្នកខ្លួនឯងបាន ធ្វើបាបអារម្មណ៍ខ្លួនឯង ឲ្យទទួលរងភាពសោកសៅ និងគិតថាខ្លួនឯងឯកោ ហើយពេលនេះអ្នកទុកវាចោល មិនទាន់ព្យាបាលវាឲ្យជាសះស្បើយទេ។ ដល់ពេលហើយ ដែលអ្នកត្រូវដកឃ្លាបន្តិច មើលថែខ្លួនឯងទាំងផ្លូវចិត្តនិងកាយឲ្យបានល្អ ដូចដែលមើលថែអ្នកដទៃ។
រូបភាពផ្កាឈូក
បើអ្នកចាប់អារម្មណ៍ឃើញដើមឈូកកំពុងបណ្តែតតាមខ្សែទឹក នោះមានន័យថា អ្នកជាមនុស្សមានភាពច្នៃប្រឌិតខ្ពស់ និងពោរពេញដោយទេពកោសល្យក្នុងជីវិត ដែលរមែងនាំឲ្យអ្នកតែងតែទទួលបានជោគជ័យ បើដាក់ចិត្តចង់សម្រេចការងារអ្វីមួយ។
យ៉ាងណាអ្វីដែលជាបញ្ហា គឺការជឿទុកចិត្តមនុស្សអស់ពីខ្លួន ដែលអ្នកនៅពេលបានស្គាល់នរណាហើយ រមែងដាក់ចិត្តជឿទៅលើគេ អនុវត្តតាមគេ ហើយកន្លងមករាប់ថាប៉ះមនុស្សល្អ ដែលគេគ្មានបំណងចង់មកកូរជីវិតអ្នក តែពេលទៅមុខមិនដឹងនោះទេ ដូច្នេះហើយចូរប្រុងប្រយ័ត្នបន្តិច៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
