ជ្រើសរើសរូបភាពទេវតា ដើម្បីទទួលយកសារណែនាំដ៏ល្អសម្រាប់ជីវិតនៅពេលនេះ
តើក្នុងចំណោមរូបភាពទាំង ៣ រូបភាពណាមួយដែលទាក់ទាញចិត្តអ្នកបំផុត? តាមរយៈការជ្រើសរើសមួយរបស់អ្នក យើងអាចបង្ហាញឲ្យអ្នកបាននូវសារណែនាំដ៏ល្អបំផុតសម្រាប់ជីវិតនៅពេលនេះ៖
ទេវតាទី ១
អ្នកគឺជាមនុស្សដែលទទួលបានពរនៃអំណាច កម្លាំងខាងក្នុង និងភាពឈ្លាសវៃ។ អ្នករមែងអាចប្រឈមនិងដោះស្រាយបញ្ហាមួយចំនួន ក្នុងស្ថានភាពដែលមនុស្សទូទៅមិនអាចនឹងប្រឈម។
ជាសារណែនាំមួយសម្រាប់អ្នក៖ អ្នកត្រូវចាំថា គ្មានការលំបាកណាមួយដែលនឹងបន្តជារៀងរហូតឡើយ ដរាបណាអ្នកមិនបោះបង់ការខិតខំប្រឹងប្រែង ហើយការប្រកាន់ខ្ជាប់នៅសន្តិភាពផ្លូវចិត្ត នោះជោគជ័យនៃជីវិតក៏នឹងរំកិលចូលមកដល់នៅពេលដ៏ខ្លីខាងមុខជាក់ជាមិនខាន។
ទេវតាទី ២
ជាមនុស្សដែលមានគេស្រលាញ់រាប់អានច្រើន រមែងទទួលបានការអាណិតអាសូរពីមនុស្សជុំវិញខ្លួន និងអ្នកខ្ពស់ជាងខ្លួន។
យ៉ាងណាយើងក៏មានសារណែនាំសម្រាប់អ្នកពេលនេះ៖ ចូរបន្តជឿជាក់លើខ្លួនឯង កុំឆាប់បាក់ទឹកចិត្តខ្លាំងពេក ព្រោះរឿងខ្លះអ្នកបម្រុងនឹងសម្រេចបានទៅហើយ បើអ្នកប្រញាប់តែបោះបង់ វាក៏ស្មើនឹងអ្នកបានបំផ្លាញនូវសមិទ្ធផលដែលខ្លួនឯងអាចបានសម្រេចពាក់កណ្តាលទីមកហើយ។
ទេវតាទី ៣
ជាមនុស្សដែលមានសមត្ថភាពក្នុងការជម្នះរាល់ការលំបាក និងឧបសគ្គក្នុងជីវិត គ្រាន់តែពេលខ្លះពួកគេត្រូវការកម្លាំងចិត្ត និងការយល់ចិត្តពីមនុស្សក្បែរខ្លួនបន្តិច។
ជាសារណែនាំ៖ អ្នកប្រហែលជាឯកាបន្តិចហើយ ដ្បិតបើជីវិតអ្នកកំពុងសម្រេចបាននូវរឿងល្អៗជាច្រើនមកហើយក៏ដោយ។ ចូរសម្លឹងមើលឲ្យឆ្ងាយបន្តិច ហើយស្វែងរកអ្នកយល់ចិត្ត និងដៃគូជីវិត ដើម្បីជំរុញឲ្យដំណើរជីវិតមួយនេះកាន់តែប្រព្រឹត្តិទៅបានល្អបន្ថែមទៀត៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
