ផ្អើលខ្លាំងនៅថៃ! ដើមចេកពណ៌ចម្លែកៗលក់បានថ្លៃ កូនចេកមួយដេីម ជាង ១ពាន់ដុល្លារឯណោះ
ថៃ៖ ពិតជារឿងចម្លែកខ្លាំងណាស់ ថ្មីៗនេះនៅក្នុងប្រទេសថៃ កំពុងតែនាំគ្នាល្បីរឿងដើមចេកពណ៌ចម្លែក មានពណ៌សប្រពាលលើស្លឹកពណ៌បៃតង ដោយយើងសង្កេតឃើញថាដើមចេកនេះគ្មានអ្វីពិសេសក្រៅពីស្លឹកពណ៌ចម្លែកបែបនេះទេ តែភាពចម្លែកនេះបែរជាធ្វើឱ្យដើមចេកប្រភេទនេះមានតម្លៃថ្លៃទៅវិញ។
រឿងហេតុដំបូងកើតឡើង ដោយសារតែបុរសម្នាក់គឺលោក ថាក់ឡាន់ រស់នៅ ខេត្តសុរិន ប្រុងកាប់ដើមចេកបែបនេះចោល ដោយគិតថាដើមចេកនេះមានមេរោគ ឬខូចបានជាប្រែពណ៌បែបនេះ ស្រាប់កូនស្រីរបស់គាត់ពេលទៅស្រោចទឹកកៅស៊ូរបស់នាង ហើយដើរកាត់ចំការដើម្បីមើលដំណាំផ្សេងៗ ស្រាប់តែបានប្រទះឃើញដើមចេកណាំវ៉ាចម្លែកមួយដើម ពណ៌ប្លែកៗ ដែលឪពុកដាំទុកចោលជាយូរឆ្នាំ ។
ដោយមានចម្ងល់មិនដឹងថាដើមចេកនេះជាប្រភេទអ្វី ប្រភេទ អាល់កាឡាំង (alkaline) ឬ យ៉ាងណា ទើបនាងថតរូបឱ្យអ្នកស្គាល់មើល គេថា ប្រាកដជាប្រភេទដើមចេក អាល់កាឡាំង ពិតប្រាកដមែន បន្ទាប់មកក៏មានអ្នកទាក់ទងមកទិញភ្លាមៗ ហ៊ានឱ្យតម្លៃមួយដើមជាង 1,600$ ឯណោះ។
ក្រោយកើតរឿងបែបនេះមក ឪពុករបស់នាងភ្ញាក់ផ្អើលជាខ្លាំង ព្រោះតែមានដើមចេកប្រភេទនេះច្រើនណាស់ តែគាត់កាប់អោយគោសុីរហូតស្មានតែចេកកើតរោគអី មិនដឹងថាចេកប្រភេទមានតម្លៃសោះ។
គួរឱ្យដឹងផងដែរថា ចេកនេះមិនមានអ្វីចម្លែក ឬប្រយោជន៍អ្វីលើសពីចេកយើងធម្មតានោះទេ ដោយភាគច្រើនគេយកវាមកដាំលម្អព្រោះតែពណ៌ស្រស់ស្អាតរបស់វាតែប៉ុណ្ណោះ ឯការដាំក៏ងាយៗដូចដើមចេកធម្មតា ហើយផ្លែរបស់វាក៏អាចទទួលទានដូចចេកធម្មតាដែរ។
បន្ថែមពីចេកប្រពាល ឥឡូវនេះថៃក៏កំពុងផ្អើលដាំដើមចេកចម្លែកៗទៀតផងដែរ ដោយពេលនេះផេកថៃមួយ បានផុសថាខ្លួនបានលក់ដើមចេកប្រភេទឥណ្ឌូឈ្មោះថា ចេកក្រហមឥណ្ឌូ ដែលលក់បានមួយដើមក្នុងតម្លៃ 14,000$ ជាងឯណោះ។
ការឡើងថ្លៃនៃដើមចេកប្រភេទចម្លែកនេះ មកពីប្រជាជនថៃចូលចិត្តដាំអ្វីចម្លែកៗ ហើយវាអាចឡើងថ្លៃដោយសារតែតារាថៃល្បីៗបានលក់វា និងដាំវាលម្អផងដែរ៕
ដូច្នេះសាកចូលឆែកមើលចំការរបស់អ្នកទៅមើល តើមានដើមប្រភេទនេះទេ ក្រែងឱកាសក្លាយជាសេដ្ឋីដល់ណា!
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
