ជ្រើសរើសកាតមួយ ដើម្បីដឹងថានឹងមានរឿងអ្វីកើតឡើងក្នុងជីវិតអ្នកនៅពេលខាងមុខ?
តាមរយៈការជ្រើសរើសនូវកាតមួយ ក្នុងចំណោមកាតទាំងបួន (ដូចបង្ហាញក្នុងរូប) យើងក៏នឹងអាចទស្សន៍ទាយដឹង ថាក្នុងជីវិតអ្នកនៅពេលខាងមុខនេះ នឹងត្រូវជួបប្រទះរឿងបែបណាខ្លះ?
កាតទី ១
បង្ហាញថា ពេលវេលាស្ងប់ស្ងាត់សម្រាប់ជីវិតអ្នកកៀកនឹងចូលមកដល់ហើយនៅពេលខាងមុខ ដោយពេលនេះទោះអ្នកត្រូវជួបបញ្ហាអ្វីក៏ដោយ វាក៏មិនទាមទារឲ្យអ្នកចាំបាច់ត្រូវប្រឈម ឬដោះស្រាយដោយខ្លួនឯងដែរ។
បញ្ហាខាងមុខនេះ វាមិនជាជះឥទ្ធិពលខ្លាំងពេកទេដល់ជីវិតអ្នក ត្រឹមតែអ្នកបន្តប្រកាន់ខ្ជាប់នូវគោលជំហរការគិតវិជ្ជមាន នោះពេលវេលានឹងជាអ្នកដោះស្រាយវាដោយខ្លួនឯង។ យើងសូមជំរុញឲ្យអ្នក បន្តជឿជាក់លើខ្លួនឯង ហើយបន្តភាពអត់ធ្មត់ខ្ពស់ ដោយជោគជ័យដែលអ្នកចង់បាន ក៏កៀកនឹងកើតឡើងដែរក្រោយចប់បញ្ហាសារនេះ។
កាតទី ២
នៅពេលខាងមុខនេះ រឿងរ៉ាវមួយចំនួនដែលអ្នកចង់បាន វាទាមទារឲ្យអ្នកធ្វើវា ឬសម្រេចវាដោយខ្លួនឯង ហើយប្រសិនអ្នកឲ្យមានបុគ្គលដទៃចូលមកជាទីពឹងពាក់ នោះរឿងនោះ នឹងមិនអាចសម្រេចទៅបានឡើយ ហើយបើទោះបីជាសម្រេចបាន ក៏អ្នកមិនទទួលបានតម្លៃពិតប្រាកដរបស់វាដែរ។
មេរៀននៃជីវិតចង់បង្រៀនឲ្យអ្នក រៀនពឹងផ្អែកទៅលើខ្លួនឯងទាំងស្រុង ហើយបន្តអនុវត្តដោយម៉ឺងម៉ាត់ នូវកាតព្វកិច្ចដែលអ្នកកំពុងមានក្នុងដៃ ហើយនៅថ្ងៃដែលអ្នកសម្រេចវាបានដោយដៃខ្លួនឯង នោះអ្នកនឹងឃើញតម្លៃពិតប្រាកដនៃការខិតខំប្រឹងប្រែង។
កាតទី ៣
អ្នកដែលជ្រើសរើសកាតទី ៣ គឺជាកាតដែលល្អបំផុត។ នៅរយៈពេលដ៏ខ្លីខាងមុខ អ្នកនឹងមានអារម្មណ៍ថាខ្លួនឯងប្រៀបបានដូចជាឡើងដល់ចំណុចកំពូល ពោលអ្វីដែលអ្នកចង់បាន ចង់ឲ្យកើតមាន វាក៏នឹងរំលេចចេញមកដូចចិត្ត។
យ៉ាងណាវាក៏ដល់ពេលហើយដែរ ដែលអ្នកត្រូវឆ្លៀតពេលសម្រាកបន្តិច ហើយរីករាយជាមួយអ្វីដែលនៅជុំវិញខ្លួន ជាមួយមនុស្សល្អៗដែលបារម្ភយកចិត្តទុកដាក់នឹងអ្នក។ ចូរសម្រាកបន្តិចទៅ ព្រោះអ្នកខិតខំច្រើនណាស់មកហើយកន្លងមក។
កាតទី ៤
អរគុណចំពោះភាពប៉ិនប្រសព្វរបស់អ្នក និងសមត្ថភាពដែលអ្នកមាន ដោយលទ្ធផលជោគជ័យដែលឆ្លងកាត់ការខិតខំរបស់អ្នកច្រើនឆ្នាំមកនេះ នឹងលេចចេញជាផ្លែផ្កានៅពេលខាងមុខនេះហើយ។
ត្រូវចាំថា នៅពេលដែលអ្នកជោគជ័យលើចំណុចមួយហើយ ទោះវាធំតូចក្តី ក៏កុំភ្លេចចែករំលែកបទពិសោធន៍ និងចំណេះដឹងល្អៗទៅកាន់អ្នកបន្ទាប់ផង ដោយបន្ថែមលើទំនាក់ទំនងល្អឥតខ្ចោះនោះទៀត ទៅថ្ងៃមុខជីវិតអ្នកនឹងកាន់តែល្អប្រសើរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
