បើកមើលកាតមួយ ដើម្បីទទួលបានសារណែនាំដ៏ល្អសម្រាប់ជីវិតនៅពេលនេះ
តាមរយៈកាត ៣ សន្លឹកដូចបង្ហាញក្នុងរូប ចូរអ្នកជ្រើសរើសយកមួយ ហើយយើងនឹងបង្ហាញចេញនូវសារដែលអ្នកគួរតែទទួលបានសម្រាប់ជីវិតមួយនេះ៖
កាតទី ១
ជីវិតអ្នកពេលនេះអាចថា ល្មមនឹងរស់នៅក្នុងកម្រិតដ៏សមល្មមមួយហើយ ប៉ុន្តែមិនទាន់អស់ទេ អ្នកសក្តិសមនឹងទទួលបានច្រើនជាងនេះ។ អ្នកប្រហែលជាមានអារម្មណ៍ថាច្បាស់លាស់ទៅក្នុងរឿងអ្វីមួយហើយ តែមិនទាន់ហ៊ានធ្វើ មិនទាន់ហ៊ានប្រលូកជាមួយវា។
ជាសារណែនាំសូមកុំខ្លាចការផ្លាស់ប្តូរ វាដល់ពេលហើយដែលអ្នកត្រូវទទួលយកភាពវិជ្ជមានថ្មីក្នុងជីវិត។ តើអ្នកមានសុបិន្តមកដែរឬទេ? បើគ្មានទេ ចូរដាក់ផែនការណ៍កំណត់គោលដៅមួយ ហើយចាប់ផ្តើមអនុវត្តវាពីពេលនេះទៅ។ ជាថ្មីម្តងទៀត "ក្លាហានឡើង កុំខ្លាចការផ្លាស់ប្តូរ"។
កាតទី ២
អ្នកមានសមត្ថភាព មានទេពកោសល្យ តែអ្នកមិនទាន់មានពេលវេលាសមស្របក្នុងការបង្ហាញ។ តាមរយៈការជ្រើសរើសកាតសន្លឹកទី ២ នេះ បង្ហាញថា ពេលវេលាដ៏ល្អបំផុតសម្រាប់អ្នក កៀកចូលមកដល់ហើយ ចូរត្រៀមខ្លួននឹងបញ្ចេញនូវអ្វីដែលអ្នកមានទៅឲ្យមនុស្សជុំវិញខ្លួនបានឃើញ។
តាមរយៈការបង្ហាញចេញនូវចំណុចទាំងអស់នោះ អ្នកនឹងទទួលបានការតបស្នងមកវិញនូវជោគជ័យជាទីគាប់ចិត្ត ហើយរង្វាន់ធំសម្រាប់ជីវិតដែលអ្នកមិនធ្លាប់ទទួលបានកន្លងមក។
កាតទី ៣
កាតចុងក្រោយនេះ បង្ហាញមកថា អ្នកហាក់ដូចហត់នឿយពេកហើយក្នុងជីវិតមួយរយៈកន្លងមកនេះ។ អ្នកបានខិតខំច្រើន សឹងតែលើសពីអ្វីដែលខ្លួនអាចធ្វើបានទៅទៀត។
ដល់ពេលដែលរាងកាយត្រូវការសម្រាកបន្តិចហើយ ដល់ពេលដែលត្រូវប្រមូលផ្តុំការគិតមកវិភាគ និងសម្រេចសារជាថ្មីហើយ ថាគួរតែបន្តដើរលើផ្លូវនោះទៀត ឬចាប់យកផ្លូវថ្មីណាមួយសម្រាប់ជីវិត។ តែកុំភ្លេចណា ពេលនេះចូរសម្រាកបន្តិចសិន!
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
