ជ្រើសរើសស្លាបបក្សីមួយ ដើម្បីលាតត្រដាងនូវអំណោយទានពីធម្មជាតិរបស់អ្នក
តើអ្នកស្គាល់ពីខ្លួនឯងច្បាស់ដល់កម្រិតណា? តាមរយៈការជ្រើសរើសនៅស្លាបបក្សីមួយ ក្នុងចំណោមស្លាបបក្សីទាំងបួន នោះយើងអាចបង្ហាញអ្នកបាននូវអំណោយទានពីធម្មជាតិដែលអ្នកមានក្នុងជីវិត។
ស្លាបបក្សីទី ១
អ្នកជាមនុស្សដែលមានមនសិការខ្ពស់ មានការជឿជាក់លើខ្លួនឯង និងមិនខ្លាចនឹងការប្រឈមបញ្ហានោះទេ។ ចំណុចខ្លាំងនេះហើយ ជាអំណោយទានពីធម្មជាតិរបស់អ្នក ដោយជាទូទៅបញ្ហាខ្លះ មនុស្សជាច្រើន រមែងរារែកចង់ដើរចេញ តែអ្នកមិនខ្លាចនឹងចូលទៅដោះស្រាយវាឡើយ។
អ្នកយកចិត្តទុកដាក់លើគ្រប់រឿងរ៉ាវដែលជួបប្រទះខ្លាំងណាស់ ទោះរឿងធំតូចក្តី ក៏រមែងគិតល្អិតល្អន់ដែរ មុនសម្រេចធ្វើអ្វីមួយ។
ស្លាបបក្សីទី ២
អ្នកជាមនុស្សដែលរឹងមាំ ប៉ុន្តែមិនចូលចិត្តសភាពអ៊ូអរ ហើយចូលចិត្តការរស់នៅបែបស្ងប់ស្ងាត់។ ជាមួយមនុស្សដែលអាចនៅក្បែរអ្នកបាន ស្និទ្ធនឹងអ្នកបាន លុះត្រាតែគេជាមនុស្សរបៀបហ្នឹងដែរ។
ចំណុចខ្លាំងមួយរបស់អ្នកតាំងពីដើមមក គឺអ្នកពូកែយល់ពីមនុស្សជុំវិញខ្លួនបានឆាប់រហ័សបំផុត អ្នកមិនចាំបាច់ប្រើពេលយូរទេក្នុងការស្គាល់ពីនរណាម្នាក់ ហេតុផលហ្នឹងហើយដែលនាំឲ្យអ្នកមិនសូវចូលចិត្តរាប់អានមនុស្សច្រើន ហើយបើច្បាស់ថានរណាល្អ អាចរាប់អានបានគឺរមែងស្និទ្ធតែជាមួយអ្នកហ្នឹងតែប៉ុណ្ណោះ។
ស្លាបបក្សីទី ៣
ការរាប់អានមនុស្សអ្នកយកចិត្តទុកដាក់គិតគូរល្អិតល្អន់ខ្លាំងណាស់ មិនចេះតែហាមាត់ហៅគេជាមិត្ត ឬជាមនុស្សជិតដិតនឹងគ្នាបានឡើយ ហេតុផលហ្នឹងហើយអ្នកមិនងាយនឹងចាញ់បោកឬ ទទួលរងការឈឺចាប់ដោយសារនរណានោះឡើយ។
អ្នកធ្វើអ្វីក៏ពឹងផ្អែកលើខ្លួនឯង ដោយគិតថាខ្លួនឯងអាចជួយខ្លួនឯងបាន មិនចាំបាច់នរណាមកជួយស្រោចស្រង់ឡើយ។ យ៉ាងណាភាពចចេសមួយនេះ ពេលខ្លះក៏ធ្វើឲ្យអ្នកពិបាកនឹងដោះខ្លួនចេញពីបញ្ហាផងដែរ។
ស្លាបបក្សីទី ៤
នៅពេលដែលអ្នកអាចបង្កើតលទ្ធផលដ៏ល្អមួយ អ្នករំពឹងចង់ឲ្យមនុស្សជុំវិញខ្លួនអាចធ្វើបានយ៉ាងដូច្នោះដែរ។ ការដែលរំពឹងភាពល្អឥតខ្ចោះខ្លាំងពេកនៅក្នុងជីវិត ពេលខ្លះក៏ធ្វើឲ្យអ្នកទទួលរងអារម្មណ៍ហ្មងសៅ និងចុងក្រោយឈឺចាប់តែខ្លួនឯង។
យ៉ាងណាវាក៏ជាចំណុចពិសេសមួយរបស់អ្នកដែរ នោះគឺការចេះវិភាគនិងគន់គូរបានល្អខ្លាំងណាស់ ក្នុងការធ្វើកិច្ចការងារអ្វីមួយ។ ហេតុផលហ្នឹងហើយដែលមនុស្សជុំវិញខ្លួនអ្នក រមែងគោរពឲ្យតម្លៃអ្នកប្រៀបបានដូចជាមេដឹកនាំមួយរបស់ពួកគេ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
