មនុស្សស្រីមានសញ្ញា ៥ នេះលើមុខ រមែងតែចាស់ទៅមានបាន ហើយជួបបុរសល្អក្នុងជីវិត
ប្រសិនជាអ្នកចង់ដឹងថាជោគវាសនារបស់អ្នកទៅថ្ងៃមុខនឹងទៅជាបែបណា អ្នកអាចទស្សន៍ទាយទុកជាមុនបាន តាមរយៈការមើលទម្រង់នៃផ្នែកមួយចំនួនលើផ្ទៃមុខ៖ (បញ្ជាក់: សម្រាប់តែស្រ្តីប៉ុណ្ណោះ រីឯបុរសក៏អាចស្តាប់បាន ហើយយកទៅផ្ទៀងផ្ទាត់លើទម្រង់មនុស្សស្រ្តីអ្នកធ្លាប់បានស្គាល់ ឬចែករំលែកទៅកាន់នាងបាន)
៥) ខ្ទង់ច្រមុះទាប បានរៀបការជាមួយបុរសអ្នកមាន
តាមដំណាលស្រ្តីដែលមានខ្ទង់ច្រមុះទាប មិនមានន័យថា រាសីរបស់ពួកនាងទាបនោះទេ ផ្ទុយទៅវិញគឺជារឿងល្អទៅវិញ ជាពិសេសសម្រាប់ប្រភេទខ្ទង់ច្រមុះទាបហើយមានរាងមូល។ ក្រឡេកមួយភ្លែតអាចថាមិនស្អាត មិនទាក់ទាញ ដូចគេមានទម្រង់ច្រមុះរាងខ្ពស់ស្រួច តែនិយាយអំពីផ្នែកសំណាង គឺមិនចាញ់គេនោះឡើយ។
ស្រ្តីដែលមានសញ្ញានៃទម្រង់បែបនេះ គឺច្រើនតែខិតខំខ្លាំងណាស់ក្នុងជីវិត ដែលងាយនឹងនាំឲ្យពួកនាងទទួលបានជោគជ័យនៅពេលអនាគត។ តាមដំណាល ច្រើនតែជួបបានស្វាមីដែលជាអ្នកមានទ្រព្យ ហើយវាសនារបស់នាងក៏ជួយលើកប្តីឲ្យកាន់តែខ្ពង់ខ្ពស់ និងកូនដែលកើតចាប់កំណើតមក អាចមានអនាគតល្អ ហើយដើរតាមគន្លងធម៌ឪពុកម្តាយយ៉ាងសមប្រកប។
៤) ខ្ទង់ច្រមុះខ្ពស់ មានមនុស្សស្រលាញ់រាប់អានច្រើន
ចំណែកអ្នកដែលមានខ្ទង់ច្រមុះខ្ពស់ឯណេះវិញ ក៏រមែងមានភាពចម្រុងចម្រើនក្នុងជីវិតដូចគ្នា។ ជាពិសេសគឺសំដៅទៅស្រ្តីដែលមានខ្ទង់ច្រមុះខ្ពស់ តែអាចមានប្រជ្រុយបន្ថែម នៅលើច្រមុះផង នោះគឺចាស់ទៅមានទ្រព្យហូរហៀរចូលជីវិត និងអាចជួយស្រោចស្រង់ស្វាមីផងដែរ។
តែយ៉ាងណា មនុស្សស្រីនេះ ភាគច្រើនទាមទារការខិតខំ ការអត់ធ្មត់ខ្ពស់ជាងស្រ្តីមានខ្ទង់ច្រមុះទាបបន្តិច ហើយក៏អាចជួបរឿងលំបាកច្រើនផងដែរ មុនឆ្លងដល់ដំណាក់កាលសុខសាន្ត ភាពមានបានក្នុងជីវិត។
៣) ទម្រង់មុខមូល សំបូរពរជ័យ
ស្រ្តីដែលមានទម្រង់មុខមូល មុខរាងពងក្រពើ អ្នកខ្លះហៅនាងថានារីមានសាច់ ខ្លះទៅថាមិនស្អាត តែតាមក្បួន ជាទូទៅរមែងមានចិត្តល្អ ចេះជួយយកអាសាអ្នកដទៃ ដែលទទួលបានពាក្យជូនពររាប់ភ្លេចពីមនុស្សជុំវិញខ្លួន គ្រប់វ័យ គ្រប់ស្រទាប់វណ្ណៈ។
ភាពស្មោះត្រង់របស់នាងនេះហើយជួយឲ្យស្វាមីកាន់តែស្រលាញ់ ហើយក៏តបមកវិញនូវភាពស្មោះត្រង់នោះដូចគ្នា ក្រោយការរៀបអាពាហ៍ពិពាហ៍។ គូព្រេងរបស់នាង ច្រើនតែជាបុរសដែលមានទំនួលខុសត្រូវខ្ពស់ និងអាចជួយឲ្យគ្រួសារពោរពេញដោយសុភមង្គល។ យ៉ាងណានាងក៏ជាមនុស្សដែលស្រលាញ់ស្វាមី ចេះបារម្ភ យកចិត្តទុកដាក់ សួរនាំនេះនោះ ដោយឡែកនិយាយអំពីការមើលថែកូន គឺកាន់តែល្អឥតខ្ចោះ ពិបាកប្រទះ រកបាននារីសឹងល្អឥតខ្ចោះដូចជានាង នេះហើយគេហៅថា ស្រ្តីសំបូរពរជ័យ។
២) ចង្កាពេញ ជួបតែសំណាងល្អ
មនុស្សដែលមានទម្រង់សណ្ឋានលើមុខបែបនេះ ជាទូទៅគឺជាស្រ្តីដែលមានទេពកោសល្យក្នុងភាពជាអ្នកដឹកនាំ។ នាងរមែងនាំសំណាង នាំលាភចូលដល់ស្វាមី ហើយដ្បិតបើចំណុចចាប់ផ្តើមពិបាក តែទីបញ្ចប់ក៏នៅតែជួបរឿងល្អដែរ។
ជាងនេះ មនុស្សស្រីមានចង្កាពេញ រាងធំ ភាគច្រើនជាមនុស្សមានមុខមាត់ មានឋានៈខ្ពស់ក្នុងសង្គម។ ពួកគេចូលចិត្តជីវិតដែលសប្បាយរីករាយ និងស្រលាញ់ការងារ។ ជាមួយនឹងភាពរឹងមាំ និងមហិច្ឆតាខ្ពស់ តែងធ្វើឲ្យគេអាចសម្រេចនូវក្តីស្រមៃ ដឹងថាពេលណាត្រូវផ្អាក ប៉ុន្តែមិនដែលរាថយដាច់ខាត ហើយក៏តែងរិះរកវិធីប៉ះប៉ូវ ស្តារជីវិតខ្លួនឯងត្រលប់មកវិញ។
១) បបូរមាត់ធំ ពូកែខាងទំនាក់ទំនង
មនុស្សស្រីដែលមានមាត់ធំ គឺពូកែខាងទំនាក់ទំនង ហើយដូចអ្នកដឹងស្រាប់ហើយមនុស្សដែលមានកិច្ចប្រាស្រ័យទាក់ទងល្អ គឺរមែងជោគជ័យលឿនណាស់នៅសម័យកាលនេះ។ ក្នុងជីវិតអាពាហ៍ពិពាហ៍របស់នាងវិញ រមែងប្រកបដោយសុភមង្គលនិងភាពរុងរឿង។
តែចំណាំមើល មនុស្សស្រីបបូរមាត់ធំ ក៏ជាមនុស្សនិយាយត្រង់ៗ ហ៊ានទទួលយកពាក្យរិះគន់ តែចេះអត់ធ្មត់។ ពួកគេស្រលាញ់លះបង់ដើម្បីគ្រួសារ សាច់ញាតិនិងមិត្តភ័ក្តិខ្លាំងណាស់ ហើយក៏ចេះចាត់ចែងគ្រប់គ្រងបានល្អផងដែរ។ ហេតុនេះហើយ ទើបអាជីពការងារ មានភាពនឹងន ដោយសារមានការដឹកនាំល្អ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
