លើសពីសម្អាតធ្មេញ ថ្នាំដុសធ្មេញមានប្រយោជន៍អាថ៌កំបាំង ៦ នេះដែលមិនសូវមានអ្នកដឹង
ថ្នាំដុសធ្មេញជារបស់ចាំបាច់ដែលយើងត្រូវមានជាប្រចាំ តែលើសពីការសម្អាតធ្មេញ វាក៏មានប្រយោជន៍អាថ៌កំបាំងមួយចំនួនផ្សេងទៀត ដែលជារឿងល្អសម្រាប់ការរស់នៅប្រចាំថ្ងៃ។
មិនថាតែថ្នាំដុសធ្មេញនោះទុកចោលយូរហើយឬអត់ទេ អ្នកអាចច្នៃវាមកប្រើប្រាស់លើគោលបំណង ៦ យ៉ាងដូចខាងក្រោម៖
៦) លាងសម្អាតបាតស្បែកជើងប៉ាតា
ស្បែកជើងប៉ាតាពេលខ្លះពិបាកនឹងសម្អាតខ្លាំងណាស់ នៅពេលដែលវាជាប់ប្រឡាក់ដីឬធូលីស្នឹមរយៈពេលយូរ។ យ៉ាងណាអ្នកអាចយកថ្នាំដុសធ្មេញ មកដាក់លើច្រាសហើយដុសសម្អាតវាបាន សឹមយកក្រណាត់សើមមកជូតថ្នមៗរហូតដល់អស់ស្នាមប្រឡាក់។
៥) សម្អាតដបទឹកដោះគោរបស់ទារក
ដបដែលត្រូវបានប្រើប្រាស់រយៈពេលយូរ ងាយនឹងមានជាប់ក្លិនមិនល្អ។ ថ្នាំដុសធ្មេញអាចជួយដោះស្រាយបញ្ហានេះ ដោយច្របាច់ថ្នាំដុសធ្មេញនូវបរិមាណសមល្មមមួយចូលទៅក្នុងដប ហើយដុសលាងធម្មតា គ្រាន់ថ្នាំដុសធ្មេញជួយឲ្យកម្ចាត់ក្លិនបានលឿនជាង។
៤) កម្ចាត់ស្នាមប្រឡាក់លើជញ្ជាំង
ក្មេងៗរពឹសដែលបានយកខ្មៅដៃទៅគូសលើជញ្ជាំង អ្នកយកក្រណាត់សើមធម្មតាទៅជូតគឺមិនជ្រះនោះទេ។ ប៉ុន្តែថ្នាំដុសធ្មេញ អាចលុបស្នាមប្រឡាក់នេះ ដោយគ្រាន់តែយកមកច្របាច់លើកូនក្រណាត់ហើយជូតវាឲ្យខ្លាំងលើទីតាំងដែលប្រឡាក់ នោះអ្នកនឹងឃើញលទ្ធផល។
៣) កម្ចាត់ស្នាមក្រែមពីលើអាវ
ស្នាមប៊ិច ស្នាមទឹកហ្វឺត ឬស្នាមក្រែម ដែលជាប់លើអាវ អ្នកក៏អាចយកថ្នាំដុសធ្មេញមកសម្អាតបានដែរ។ ដោយអ្នកគ្រាន់តែច្របាច់ថ្នាំដុសធ្មេញទៅលើទីតាំងប្រឡាក់ ហើយយកក្រណាត់មួយមកជូតដុសនៅលើនោះ ព្យាយាមធ្វើវា ២-៣ ដងរហូតដល់ចេញលទ្ធផល។
២) ព្យាបាលមុខមុន
មុនពេលចូលគេង អ្នកអាចយកថ្នាំដុសធ្មេញ មកច្របាច់លើម្រាមដៃហើយញីលើទីតាំងដែលកើតមុន ឬមានមុនក្បាលខ្មៅ ព្រោះជាទូទៅវាអាចព្យាបាលកន្លែងរលាក ឬស្នាមរលាកលើស្បែកបាន។
១) លាងស្នាមច្រេះលើដែក
ដូចជាឆ្នាំងអ៊ុត ឬប្រភេទលោហធាតុមួយចំនួន ដែលឡើងស្នាមច្រេះ ឬចាស់ អ្នកអាចយកថ្នាំដុសធ្មេញមកត្រដុសហើយយកក្រណាត់ស្ដើង មកជូតសម្អាត នោះអ្នកនឹងឃើញវាឡើងសភ្លឺជាងមុន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
