បើមិនបានស្រឡាញ់ខ្ញុំទេ សូមកុំផ្ដល់ក្ដីសង្ឃឹមក្លែងក្លាយមកឱ្យខ្ញុំអី
បេីមិនស្រឡាញ់ សូមកុំផ្តល់ក្តីសង្ឃឹម មនុស្សដែលស្រឡាញ់គេតែងតែធ្វេីគ្រប់យ៉ាងដេីម្បីបាននៅក្បែរមនុស្សខ្លួនឯងស្រឡាញ់ ចង់ឱ្យគេព្រមទទួលក្តីស្រឡាញ់ ចង់ទទួលបានអារម្មណ៍ស្រឡាញ់តបមកវិញ ប៉ុន្តែសុំជាក្តីស្រឡាញ់ពិតប្រាកដ មិនមែនសម្តែង មិនមែនបោកប្រាស់នោះឡើយ។
ខ្ញុំត្រូវការក្តីស្រឡាញ់ដែលចេញពីបេះដូងរបស់អ្នកយ៉ាងពិតប្រាកដ មិនមែនត្រូវមកបង្ខំចិត្ត រឹតតែកុំបង្ហាញទង្វេី កាយវិការដូចជាស្រឡាញ់ខ្ញុំអី បេីមិនបានមានចិត្តលេីខ្ញុំទេនោះ សូមកុំធ្វើដូចជាស្រឡាញ់ ហើយក៏កុំបង្ហាញកាយវិការ ឬការអាណិតអាសូរចំពោះខ្ញុំ។
ខ្ញុំប្រហែលជាឈឺមិនយូរប៉ុន្មានទេ ប្រសិនបេីអ្នកបដិសេធក្តីស្រឡាញ់របស់ខ្ញុំត្រង់ៗ ប៉ុន្តែប្រសិនជាអ្នកបែរជាផ្តល់ក្តីសង្ឃឹមឱ្យខ្ញុំ ធ្វេីឱ្យខ្ញុំយល់ថា អ្នកក៏មានចិត្តស្រឡាញ់ខ្ញុំដែរនោះ ទាំងដែលអ្នកមិនបានស្រឡាញ់ខ្ញុំសូម្បីតែបន្តិច ខ្ញុំពិតជាឈឺចាប់ឆ្លងខែឆ្លងឆ្នាំប្រាកដណាស់។
អ្នកកាន់តែផ្តល់សង្ឃឹម ខ្ញុំក៏កាន់តែលង់ស្រឡាញ់អ្នកខ្លាំងទៅៗ ហេីយចុងក្រោយអ្នកក៏និយាយថាអ្នកមិនបានស្រឡាញ់ខ្ញុំ អ្វីដែលអ្នកធ្វេីកន្លងមកអ្នកគ្រាន់តែមានអារម្មណ៍ល្អជាមួយខ្ញុំ តែមិនបានស្រឡាញ់នោះឡើយ។
ប្រសិនបេីបែបនេះមែន បេះដូងខ្ញុំប្រាកដជាត្រូវបែកខ្ទេចខ្ទីរកបំណែកមិនឃេីញមិនខាននោះទេ ដូច្នោះហេីយ សូមកុំយកក្តីស្រឡាញ់របស់ខ្ញុំទៅលេងសេីច កុំលលេងនឹងអារម្មណ៍ខ្ញុំអី ស្រឡាញ់អ្នកតែម្ខាងខ្ញុំឈឺពេកណាស់ទៅហេីយ អ៊ីចឹងសូមកុំផ្តល់ក្ដីង្ឃឹមក្លែងក្លាយមកឱ្យខ្ញុំបន្ថែមទៀត បេីអ្នកមិនបានស្រឡាញ់ខ្ញុំទេនោះ៕
អត្ថបទ ៖ អេដមីន ហត់ / ក្នុងស្រុកសូមរក្សាសិទ្ធិ
ព័ត៌មានថ្មីៗ
