ក្ដីស្រឡាញ់ពិត គឺជាការផ្ដល់ឱ្យ ដោយមិនគិតពីការតបស្នងនោះឡើយ!
អារម្មណ៍មនុស្សក្រោយខ្នង បានត្រឹមតែតាមលួចមេីល លួចថែគេពីក្រោយ ព្រោះខ្ញុំមិនមែនជាមនុស្សសំខាន់នៅក្នុងចិត្តគេ ខ្ញុំបានត្រឹមតែជាមនុស្សម្នាក់ដែលគេមេីលរំលង តែក៏មិនដែលមានអារម្មណ៍ថាខឹង ឬស្អប់គេនោះដែរ។
មនុស្សស្រឡាញ់គេ ទោះគេមិនស្រឡាញ់វិញក៏ដោយ ឱ្យតែបាននៅជិតៗគេក៏ពេញចិត្តហេីយ សុំត្រឹមបានឃេីញគេមានក្តីសុខ ខ្ញុំក៏អបអរគេពីចម្ងាយ ទោះគេផ្តល់ឋានៈឱ្យត្រឹមជាមិត្ត ក៏ស្ម័គ្រចិត្តគ្រាន់បានថែគេនៅពេលណាគេជួបទុក្ខ ជួបការលំបាក។
ដឹងច្បាស់ថាជាមនុស្សដែលគេនឹកឃេីញតែពេលណាគេពិបាកចិត្ត ដឹងថាយើងមានមុខតែពេលដែលគេត្រូវការ តែក៏ព្រមឱ្យស្មាគេខ្ចីទៅផ្អែក ឃេីញគេមិនសប្បាយចិត្តក៏កេីតទុក្ខទៅតាមគេ ក្នុងចិត្តចង់ឱ្យតែគេញញឹម បេីមាននរណាមកធ្វេីឱ្យគេយំ ក៏ខឹងជំនួស សឹងថាច្រានគេទៅឱ្យផុតពីផែនដី កុំឱ្យមកធ្វេីបាបមនុស្សដែលខ្ញុំស្រឡាញ់បានទៀត។
ពេលខ្លះក៏លួចមានសង្ឃឹមបន្តុិចបន្តួច នៅពេលគេស្និទ្ធិស្នាលជាមួយក៏គិតថា គេអាចនឹងមេីលឃេីញយេីង ហេីយស្រឡាញ់យេីងវិញនៅថ្ងៃណាមួយ។ តែប្រសិនបេីវាមិនអាចទៅរួចនោះទេ ខ្ញុំក៏បន់ស្រន់ឱ្យគេបានជួបមនុស្សល្អៗ មនុស្សដែលស្រឡាញ់គេ បារម្ភពីគេស្មេីខ្ញុំ ឬខ្លាំងជាងខ្ញុំ មនុស្សដែលអាចធ្វេីឱ្យអ្នកមានក្តីសុខបាន ខ្ញុំក៏មានក្តីសុខជាមួយដែរ។ បើទោះបីម្នាក់ដែលអ្នកជ្រេីសមិនមែនជាខ្ញុំក៏ដោយចុះ។
ប៉ុន្តែបេីថ្ងៃណាមួយគេធ្វេីឱ្យអ្នកទឹកភ្នែក ខ្ញុំនឹងមិនអត់ឱនឱ្យគេជាដាច់ខាត ហេីយអ្នកត្រូវចាំថា ខ្ញុំនៅត្រង់នេះរង់ចាំអ្នកជានិច្ច អ្នកនៅមានខ្ញុំម្នាក់ដែលស្រឡាញ់អ្នកមិនប្រែប្រួល។ ក្តីស្រឡាញ់ពិតប្រាកដមិនមែនជាការទាមទារ តែជាការផ្តល់ឱ្យ ឱ្យតែមនុស្សដែលយេីងស្រឡាញ់មានក្តីសុខ យេីងក៏សប្បាយចិត្ត សុខចិត្តឈឺម្នាក់ឯង ឱ្យតែគេញញឹមបាន ខ្ញុំក៏ឈឺដោយពេញចិត្ត៕
អត្ថបទ ៖ អេដមីន ហត់/ក្នុងស្រុកសូមរក្សាសិទ្ធិ
ព័ត៌មានថ្មីៗ
