ជ្រើសរើសស្រទាប់ផ្កាមួយ ដើម្បីដឹងពីចំណុចលេចធ្លោ ដែលធ្វើឲ្យមនុស្សជុំវិញខ្លួនចូលចិត្តអ្នក
មនុស្សយើងម្នាក់ៗមានចំណុចលេចធ្លោផ្សេងពីគ្នា ខ្លះទៅពូកែសម្តី ខ្លះពូកែយកចិត្តទុកដាក់អ្នកដទៃ និងចំណុចផ្សេងជាច្រើន ដែលអាចទាក់ទាញចិត្តមនុស្សនៅជុំវិញខ្លួន ឲ្យគេចូលចិត្តមកនៅក្បែរអ្នកនិងរាប់អានអ្នក។
ចុះអ្នកវិញ តើគិតថាចំណុចលេចធ្លោរបស់ខ្លួនឯងគឺជាអ្វី? តាមរយៈការទស្សន៍ទាយបែបវិទ្យាសាស្រ្តមួយនេះ យើងសូមឲ្យអ្នកជ្រើសរើសនូវស្រទាប់ផ្កាមួយក្នុងចំណោមស្រទាប់ផ្កាទាំង ៤ ហើយផ្ទៀងផ្ទាត់ចម្លើយដូចខាងក្រោម៖
ស្រទាប់ផ្កាទី ១
មើលពីសំបកក្រៅអ្នកជាមនុស្សថ្លៃថ្នូរ តែរៀនអឹមអៀមបន្តិច ដែលធ្វើឲ្យអ្នកដទៃគេល្មមៗមិនសូវហ៊ានចូលមកនិយាយរកអ្នកឡើយ។ ប៉ុន្តែអារម្មណ៍នេះវានឹងបាត់ទៅវិញ ក្រោយគេស្គាល់អ្នកកាន់តែច្បាស់ ហើយទាក់ទងដឹងចិត្តគ្នា។
ពេលគេស្គាល់អ្នកច្បាស់ហើយ គេនឹងភ្ញាក់ផ្អើលពីអត្តចរិតដែលចេះលេងសើចរបស់អ្នក និងការដែលពូកែនិយាយទៅមក ដោយខុសពីអ្នកជាខ្លួនឯងទាំងស្រុងកាលស្គាល់គ្នាដំបូង។ វាមានរឿងរ៉ាវខ្លះទៀត ដែលធ្វើឲ្យពួកគេពិបាកទស្សន៍ទាយទុកជាមុនអំពីអត្តចរិតរបស់អ្នក ប្រសិនមិនទាន់ស្គាល់គ្នាច្បាស់។
ស្រទាប់ផ្កាទី ២
អ្នកតែងតែពាំនាំនូវកម្លាំងវិជ្ជមានមកកាន់មនុស្សជុំវិញខ្លួន ដោយអ្នកមានភាពជាអ្នកដឹកនាំនិងមនុស្សមានទំនួលខុសត្រូវតាំងពីដើមរៀងមក។ បើក្នុងក្រុមដើរជុំគ្នា ហើយកំណត់ចង់ធ្វើអ្វីមួយនោះ ម្នាក់ៗតែងតែរុញឲ្យអ្នកឡើងជាមេក្រុម ដើម្បីរៀបចំនិងសម្រេច ព្រោះពួកគេជឿជាក់លើភាពរឹងមាំ និងការគិតរបស់អ្នក។
អ្នកក៏ជាមនុស្សដែលផ្សងព្រេង ហើយមិនខ្លាចនឹងការសាកល្បងក៏ដូចជាប្រឈមនូវបទពិសោធន៍ថ្មី។ បើកាលណាជួបបញ្ហា អ្នកមិនអង្គុយត្អូញហើយស្រែកថា ខ្លាច នោះទេ ផ្ទុយទៅវិញអ្នករមែងស្វះស្វែងរកដំណោះស្រាយបានយ៉ាងរហ័ស។
ស្រទាប់ផ្កាទី ៣
អ្នកជាមនុស្សរួសរាយ ពូកែខាងបង្កើតទំនាក់ទំនង ដែលអាចជជែកនិងនិយាយជាមួយមនុស្សគ្រប់ភេទ គ្រាប់វណ្ណៈ ដែលមនុស្សល្មមៗមិនអាចធ្វើបានឡើយ។ ជាទូទៅអ្នកមានខ្សែបណ្តាញច្រើនណាស់។ យ៉ាងណាអ្នកក៏ជាប្រភេទមនុស្សចាស់ទុំ និងពោរពេញដោយភាពច្នៃប្រឌិត។
បើក្នុងទំនាក់ទំនងស្នេហាវិញ អ្នករាងងប់ងុលបន្តិច ហើយក៏ពូកែខាងបង្កើតអារម្មណ៍រ៉ូមែនទិកជាមួយដៃគូណាស់ដែរ។ ជាទូទៅការទាក់ទងគ្នារបស់អ្នក អ្នកច្រើនគិតពីអារម្មណ៍របស់គេដោយប្រុងប្រយ័ត្នបំផុត។
ស្រទាប់ផ្កាទី ៤
អ្នកជាមនុស្សស្មោះត្រង់ ហើយមិនចេះលាក់ចរិត ពោលគឺតែងតែបង្ហាញចរិតធម្មជាតិទៅកាន់មនុស្សគ្រប់គ្នា។ នរណារាប់បាន ក៏បាន នរណារាប់មិនបាន ក៏ហី តែអ្នកដែលជាមនុស្សស្គាល់អ្នក គឺរមែងជាមនុស្សត្រង់ទៅត្រង់មកដូចគ្នា មិនចេះពុតត្បុតចង់ខ្សែលើលើគ្នាឡើយ។
នៅក្បែរអ្នកពួកគេមានអារម្មណ៍ថា ទទួលបានសុវត្ថិភាព ដ្បិតបើជាមនុស្សសាមញ្ញ តែពោរពេញដោយផាសុកភាព និងភាពស្ថិតស្ថេរ។ ក្នុងន័យស្នេហា អ្នកជាមនុស្សមិនចេះក្បត់គេឡើយ ហើយមានបេះដូងបើកទូលាយ មិនសូវប្រកាន់ទៅលើដៃគូម្ខាងទៀតនោះទេ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
