ទទួលសារណែនាំមួយពីបក្សីតូច ដើម្បីចាប់ផ្តើមថ្ងៃថ្មីរបស់អ្នកឲ្យបានល្អបំផុត
នៅក្នុងអត្ថបទតេស្តបែបវិទ្យាសាស្រ្តមួយនេះ យើងសូមឲ្យអ្នកធ្វើការជ្រើសរើសនូវសត្វបក្សីមួយក្នុងចំណោម បក្សីទាំង ៦ ដើម្បីទទួលបានសារណែនាំដ៏ល្អបំផុត ក្នុងការចាប់ផ្តើមថ្ងៃថ្មីរបស់អ្នក៖
សត្វបក្សីទី ១
ជាសត្វទីទុយដែលមានភាពស្មោះត្រង់ និងរមែងយកចិត្តទុកដាក់អំពីចំណុចខ្សោយរបស់ពួកគេ។ អ្នកដែលជ្រើសរើសបក្សីទី ១ នេះ គឺរមែងជាមនុស្សដែលមានប្រាជ្ញា ឈ្លាសវៃ ហើយតែងតែសម្រេចបាននូវគោលដៅ ដែលពួកគេចង់បាន។ គ្រប់យ៉ាងទាំងអស់ក្នុងលោក វាសុទ្ធតែមានម្ចាស់ មានកន្លែងរបស់វា ចូរបើកបេះដូងឲ្យទូលាយ ទទួលយកគ្រប់យ៉ាង ទោះរឿងខ្លះវិជ្ជមាន ឬអវិជ្ជមាន ក៏រាប់ថាកត់ទុកជាមេរៀនទៅថ្ងៃក្រោយ។
សត្វបក្សីទី ២
សត្វសេក តែងតែមានអារម្មណ៍ខ្ពស់ខ្លាំងណាស់ ហើយអ្នកដែលជ្រើសរើសបក្សីនេះជាប្រភេទមនុស្សដែលមិនខ្លាចប្រឈមមុខនឹងបញ្ហា។ ចូរគិតឡើងវិញអំពីជីវិតរបស់អ្នក និងគុណភាពដែលធម្មជាតិបានផ្តល់ឲ្យ ហើយធ្វើការវាយតម្លៃដោយយករឿងជាអាទិភាពមកធ្វើមុន រួចដើរតាមក្តីស្រមៃ របស់អ្នក។
សត្វបក្សីទី ៣
អ្នកដែលជ្រើសរើសសត្វបក្សីទី ៣ នេះ គឺផ្លូវដើររបស់ពួកគេត្រូវបានភ្ជាប់ទៅនឹងអនាគតកាលរួចជាស្រេចហើយ។ រយៈពេលចុងក្រោយនេះ ចូរស្តាប់លើអារម្មណ៍ខាងក្នុងច្រើនជាងសម្តីរបស់អ្នកដទៃនៅខាងក្រៅ ដោយអារម្មណ៍ខាងក្នុងរបស់អ្នកប្រហែលជាអាចផ្តល់ដំបូន្មានឲ្យអ្នកបានល្អជាង។
សត្វបក្សីទី ៤
បក្សីទី ៤ នេះ ជាសត្វមានភាពសប្បាយរីករាយនិងស្រលាញ់សេរីភាពជាទីបំផុត។ ពួកគេមិនអាចរស់នៅក្នុងជីវិត ដែលគ្មានភាពផ្អែមល្ហែមពីស្នេហានោះទេ។ អ្នកដែលជ្រើសរើសបក្សីទី ៤ ប្រៀបដូចជាដំណក់នៃទឹកសមុទ្ររួមគ្នាមួយអ៊ីចឹង បែបនេះត្រូវចាំថា អ្នកមិនមែនធ្វើអ្វីតែឯកឯងនោះទេ អ្នកមិនមែនដើរលើផ្លូវនោះតែឯកឯងនោះទេ ពោលគឺមានការប្រកួតប្រជែងឥតឈប់ បែបនេះកុំបណ្តែតបណ្តោយខ្លួនហួសប្រមាណពេក ទោះហត់ក៏សម្រាកបន្តិចបានហើយ តែកុំទាញភាពខ្ជិលច្រអូសមកដាក់ខ្លួន។
សត្វបក្សីទី ៥
ជីវិតមនុស្សប្រៀនដូចជាខ្សែសង្វាក់វេទមន្តមួយដែលគេបានចងក្រងទុក តែពេលខ្លះក៏រមែងកើតមាននូវរឿងអភិនិហាមិនគួរឲ្យជឿមួយចំនួនដែរ។ ជាសារណែនាំចូរបើកបេះដូងរបស់អ្នក ហើយត្រូវតែជឿជាក់លើអភិនិហាក្នុងលោកនេះ ប្រសិនជាអ្នកខិតខំអស់ហើយនោះ។
សត្វបក្សីទី ៦
សត្វព្រាបត្រូវបានគេតំណាងថា ជាមេដឹកនាំពិតប្រាកដ។ អ្នកដែលជ្រើសរើសបក្សីទី ៦ នេះ គឺរមែងជាមនុស្សដែលមានភាពជាអ្នកដឹកនាំ ហើយស្រលាញ់ភាពស្មោះត្រង់ខ្លាំងបំផុត ទោះស្ថិតក្នុងកាលៈទេសៈណាក៏ដោយ។ ចូរបន្តប្រើប្រាស់សមត្ថភាពរបស់អ្នក ទៅជួយស្រោចស្រង់មនុស្សជុំវិញខ្លួន និងទាញពួកគេចេញពីរណ្តៅនៃភាពក្រីក្រ នោះទើបជាគុណតម្លៃដ៏ធំបំផុតក្នុងជីវិតដែលអ្នកត្រូវការ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
