បើមិនចង់ឱ្យខ្លួនឯងត្រូវឈឺចាប់ គួរតែជ្រើសមនុស្សដែលគេស្រឡាញ់យើង ជាងយើងស្រឡាញគេ ទើបគេចេះខ្លាចបាត់បង់យើង
ស៊ូធ្វេីជាមនុស្សអាត្មានិយម ជ្រេីសរេីសយកបុរសដែលស្រឡាញ់យេីងជាងយេីងស្រឡាញ់គេ ទេីបជីវិតស្នេហាមិនសូវជួបរឿងខកបំណង។ នៅពេលដែលយេីងស្រឡាញ់នរណាម្នាក់ខ្លាំងជាងខ្លួនឯង យេីងក៏រមែងលះបង់គ្រប់យ៉ាងដេីម្បីគេ គិតដល់គេមុនខ្លួនឯងជានិច្ច ហេីយយេីងក៏តែងតែរំពឹថាគេនឹងមេីលឃេីញទង្វេីស្រឡាញ់របស់យេីង ផ្តល់តម្លៃឱ្យយេីង មានមោទកភាពចំពោះវត្តមានយេីង ហេីយគេក៏ស្រឡាញ់យេីងដូចដែលយេីងស្រឡាញ់គេ។
ប៉ុន្តែគ្រប់យ៉ាងដែលយេីងរំពឹងថាវានឹងល្អ វាក៏មិនមែនបានល្អដូចយេីងរំពឹងគ្រប់ពេលនោះដែរ ដូចពាក្យគេថា រំពឹងខ្ពស់ប៉ុនណា ខកចិត្តក៏ខ្លាំងប៉ុណ្ណឹងដែរ។ ប្រសិនបេីគេមិនបានស្រឡាញ់យេីងដូចដែលយេីងស្រឡាញ់គេនោះទេ យេីងនេះហេីយជាអ្នកត្រូវមកអង្គុយខូចចិត្ត រួចក៏ត្រូវដេកយំព្រោះទង្វេីរបស់គេមិនចេះចប់មិនចេះហេីយ ក៏ដោយសារគេមិនដែលនឹកគិតខ្វល់ពីអារម្មណ៍យេីង មិនក្រែងចិត្ត មិនដែលខ្លាចបាត់បង់យេីង ដូចដែលយេីងខ្លាចបាត់គេ។
បើស្នេហាវាបែបនេះ យេីងគួរតែជ្រេីសរេីសមនុស្សដែលគេខ្លាចបាត់បង់យេីង ស្រឡាញ់យេីងលេីសយេីងស្រឡាញ់គេ ទេីបយេីងមិនចាំបាច់ត្រូវឈឺចាប់ សុខចិត្តអាត្មានិយម ចង់តែឈ្នះ ហេីយគេក៏ព្រមឱ្យយើងឈ្នះគ្រប់ពេលដេីម្បីថែរក្សាយេីង ដេីម្បីក្តីសុខយេីង វាក៏ល្អជាងរស់នៅជាមួយមនុស្សដែលឱ្យយេីងចាញ់គ្រប់ពេលឈ្លោះ ឱ្យយេីងជាអ្នកខុសមិនដែលត្រូវ ចំណែកគេវិញមិនដែលមេីលឃេីញថាខ្លួនគេខុស មិនចេះកែប្រែកំហុស តែងតែធ្វេីឱ្យយេីងត្រូវយំ ត្រូវខ្វល់ចិត្ត ព្រោះកំហុសដដែលៗរបស់គេ។
យេីងមានឈ្មោះជាមនុស្សស្មោះត្រង់ មនុស្សល្អពិតមែន តែក៏ត្រូវក្លាយជាទាសករស្នេហារបស់គេ កុំសោកស្តាយដែលមនុស្សស្រឡាញ់យេីង និងមនុស្សយេីងស្រឡាញ់មិនមែនជាមនុស្សតែម្នាក់ តែត្រូវរៀនចេះផ្តល់ និងទទួលក្តីស្រឡាញ់ឱ្យបានត្រឹមត្រូវ រេីសផ្លូវណាដែលយេីងដេីរហេីយមានស្នាមញញឹមច្រេីនជាងការសម្រក់ទឹកភ្នែក៕
អត្ថបទ ៖ អេដមីន ហត់ / Knongsrok
ព័ត៌មានថ្មីៗ
