ត្រូវប៉ាន់ហើយខេត្តបាត់ដំបង! អ្នកឧកញ៉ា ឡេង ណាវ៉ាត្រា បង្កើតតំបន់ទេសចរណ៍ថ្មី “កោះចាក់សោបេះដូង”
នៅរយៈពេលប៉ុន្មានឆ្នាំចុងក្រោយវិស័យអចលនទ្រព្យនៅទីរួមខេត្តបាត់ដំបងហាក់មានសក្ដានុពលខ្លាំង ដែលនាំឲ្យក្រុមហ៊ុនធំៗមានឈ្មោះបោះសំឡេងលើវិស័យនេះ ចាប់ផ្ដើមចូលមកប្រលូកជាបន្តបន្ទាប់។
ជាក់ស្ដែងដូចជាក្រុមហ៊ុន បុរី ឡេង ណាវ៉ាត្រាគ្រុប របស់អ្នកឧកញ៉ា ឡេង ណាវ៉ាត្រា ក៏បានមកបោះទុនវិនិយោគនៅដីរាប់រយហិចតា នាំឲ្យបងប្អូននៅទីរួមខេត្តបាត់ដំបងជាច្រើនសម្លឹងមើលឃើញឱកាសបង្កើតផលចំណេញ។
អ្វីដែលកាន់តែភ្ញាក់ផ្អើលទៅទៀតនោះ នៅរសៀលថ្ងៃទី ១៩ ឧសភា ឆ្នាំ ២០២១ អ្នកឧកញ៉ា ឡេង ណាវ៉ាត្រា ក៏បានប្រកាសពីតំបន់ទេសចរណ៍ថ្មីដែលលោកសម្រេចនឹងបង្កើតនៅទឹកដីទីរួមខេត្តបាត់ដំបង (មិនទាន់បញ្ជាក់ទីតាំងច្បាស់លាស់) ដោយមានឈ្មោះថា "កោះចាក់សោរបេះដូង"។
តាមការបញ្ជាក់ពីគណនីផ្លូវការ Leng Navatra ឡេង ណាវ៉ាត្រា បានរៀបរាប់ថា៖ "តំបន់ទេសចរណ៍សប្បនិមិត្ត
កោះចាក់សោរបេះដូង ដែលអភិវឌ្ឈន៍លើផ្ទៃដីសរុបជាង500ហិចតា នៅទីរួមខេត្តបាត់ដំបង
ដោយសារមើលឃើញថា ទីរួមខេត្តបាត់ដំបង មិនសូវមានតំបន់កម្សាន្តច្រើន ហើយពុកម៉ែបងប្អូននៅក្នុងខេត្ត តែងតែស្វែងរកកន្លែងកំសាន្តនានានៅចុងសប្តាហ៍ ខ្ញុំបាទសម្រេចបង្កើតតំបន់ទេសចរណ៍សប្បនិមិត្ត
👉កោះចាក់សោរបេះដូង
👉ស្ទឹងសាងស្នេហ៍បាត់ដំបង
👉និងរមណីយដ្ឋាន វាលស្រែធម្មជាតិ"៕
ប្រភព៖ Leng Navatra ឡេង ណាវ៉ាត្រា
ព័ត៌មានថ្មីៗ
