ជួយឲ្យក្បាលពោះរាបស្មើ បណ្តេញជាតិពុល នេះភេសជ្ជៈ ៣ ប្រភេទ អាចធ្វើដោយខ្លួនឯងបាននៅផ្ទះ
ភេសជ្ជៈបណ្តេញជាតិពុលគឺជារបស់ដែលល្អបំផុតសម្រាប់សុខភាព ព្រោះវាអាចចូលទៅលាងសម្អាតជាតិខ្លាញ់លើស និងជាតិពុលក្នុងរាងកាយ ហើយបន្សល់មកវិញនូវក្បាលពោះរាបស្មើ លែងពិបាកក្នុងការស្លៀកពាក់ ឬបង្ហាញសាច់ដ៏ស្រស់ស្អាតរបស់នៅខាងក្រៅ។
Knongsrok ណែនាំភេសជ្ជៈ ៣ ប្រភេទ ដែលអ្នកអាចធ្វើដោយខ្លួនឯងបាននៅផ្ទះ ដោយត្រឹមអនុវត្តរូបមន្តដូចខាងក្រោម៖
រូបមន្តទី ១ ទឹកក្រូចឆ្មា + ទឹកក្ដៅឧណ្ហ៍ៗ
រូបមន្តងាយបំផុតគឺអ្នកគ្រាន់តែហាន់ក្រូចឆ្មាមួយផ្លែ ហើយច្របាច់យកទឹកដាក់ចូលក្នុងកែវដែលមានទឹកក្ដៅឧណ្ហ៍ៗ ទម្លាប់ទទួលទានវា ១ កែវ/ថ្ងៃ រៀងរាល់ពេលព្រឹកបន្ទាប់ពីភ្ញាក់ពីគេង (មុនទទួលទានអាហារពេលព្រឹក) ត្រឹមតែរយៈពេលខ្លីអ្នកនឹងឃើញលទ្ធផល។
រូបមន្តទី ២ ទឹកឃ្មុំ + ក្រូចឆ្មារ + យ៉ាអួរ + ទឹកដោះគោស្រស់
មិនសូវមានអ្នកដឹងទេពីរូបមន្តទី ២ នេះ តែវាមានប្រយោជន៍ខ្លាំងពិតមែន។ ប្រសិនអ្នកទទួលទានវានៅពេលព្រឹក វានឹងជួយដល់ចលនាពោះវៀន ហើយបើទទួលទានពេលរសៀល នឹងជួយរំលាយកាក់សំណល់ក្នុងពោះវៀនតូចមកប្រែក្លាយជាវីតាមីន B12 ដើម្បីចិញ្ចឹមខួរក្បាល ហើយបើទទួលទានពេលយប់ នឹងជួយកាត់បន្ថយការដុះក្បាលពោះ និងជួយឲ្យដង្ហើមដកចេញចូលបានល្អ។
វិធីធ្វើ គឺច្របាច់ក្រូចឆ្មា ១/២ នៃផ្លែចូលទៅក្នុងកែវ ហើយដាក់ទឹកឃ្មុំ ១ ស្លាបព្រា លាយជាមួយយ៉ាអួរសុទ្ធកន្លះពែង និងទឹកដោះគោស្រស់ (សីតុណ្ហភាពធម្មជាតិ មិនយកទឹកដោះគោដែលទើបចេញពីទូទឹកកក) រួចកូរវាឲ្យសព្វ។ ទទួលទានវារួចហើយ ចូរទទួលទានទឹកក្ដៅឧណ្ហ៍ៗ ១ កែវតាមក្រោយជាការស្រេច។
រូបមន្តទី ៣ គ្រាប់ជី + ទឹកក្ដៅឧណ្ហ៍ៗ
គ្រាប់ជីវាអាចបំបាត់ជាតិខ្លាញ់មិនល្អនៅក្នុងរាងកាយ ដែលវិធីធ្វើគឺងាយបំផុត ដោយអ្នកគ្រាន់តែយកវាមកត្រាំទឹកក្ដៅឧណ្ហ៍ៗរយៈពេល ៣០ នាទី ហើយទទួលទានវាមុនពេលចូលដំណេករៀងរាល់យប់។ ធ្វើបែបនេះ ៣-៤ ថ្ងៃក្នុងមួយសប្តាហ៍ ត្រឹមតែរយៈពេលខ្លីអ្នកនឹងឃើញលទ្ធផល៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
