ទៅណាក៏ប្រាប់! ធ្វើអ្វីក៏ប្រាប់! នៅជាមួយអ្នកណាក៏ប្រាប់! ទង្វើទាំងនេះ គូស្នេហ៍គ្រប់គូ គួរតែធ្វើ
តេីការដែលយេីងប្រាប់ពីសកម្មភាពប្រចាំថ្ងៃរបស់យេីង ទៅកាន់សង្សាររបស់យេីង វាចាត់ទុកថាជាការរាយការណ៍របស់កូនចៅទៅកាន់ចៅហ្វាយនាយដែរឬទេ? ចម្លេីយនោះគឺ ប្រាកដជាអត់ទេ! ការដែលយេីងផ្តល់ដំណឹងឱ្យគ្នាទៅវិញទៅមក ថាយេីងកំពុងធ្វេីអ្វី នៅជាមួយអ្នកណា នៅទីកន្លែងណា ចាត់ទុកថាជាការដែលយេីងបានបំពញតួនាទីជាសង្សារល្អផងដែរ។
ការដែលយេីងធ្វេីបែបនេះ វាបានបង្ហាញថា ទោះយេីងនៅទីណា កំពុងធ្វេីអ្វី ជាមួយអ្នកណា ក៏យេីងនៅតែនឹកដល់សង្សារ ហេីយទុកគេនៅក្នុងចិត្តជានិច្ច។ ហេីយការដែលយេីងទៅមកណាមកណា យេីងត្រូវសុំការអនុញ្ញាតពីសង្សារយេីង នោះក៏ចាត់ទុកថាជាទង្វេីដ៏ល្អមួយ ដែលយេីងគួរតែធ្វេី ទង្វេីមួយនេះបានបញ្ជាក់ថា យេីងគោរពគ្នាទៅវិញទៅមក។
ក្នុងនាមជាសង្សារ ត្រូវចេះផ្តល់តម្លៃឱ្យគ្នាទៅវិញទៅមក មិនមែនចេះតែចង់ធ្វេីអ្វី ចង់ទៅណា តាមអំពេីចិត្តដោយមិនគិតខ្វល់ពីអារម្មណ៍មនុស្សដែលខ្លួនស្រឡាញ់នោះឡេីយ មិនមែនទុកឱ្យសង្សារត្រូវអង្គុយរង់ចាំ នឹកបារម្ភខ្វល់ខ្វាយ ព្រោះមិនដឹងថាសង្សារបាត់ទៅណា កំពុងធ្វេីអ្វីក៏មិនដឹងនោះទេ។
និយាយបែបនេះ ក៏មិនមែនបានន័យថា ត្រូវប្រាប់គ្នា ឬសុំអនុញ្ញាតគ្រប់ជំហាន គ្រប់ពេលវលា សូម្បីតែចូលបន្ទប់ទឹកក៏ត្រូវសុំដែរនោះទេ តែមនុស្សក្នុងវ័យដែលមានស្នហាហេីយនោះ ខ្ញុំជឿថាប្រាកដជាយល់សាច់ការ យល់កាលៈទេសៈថារឿងណាគួរតែប្រាប់ គួរតែសុំហេីយ។
ជាងនេះទៅទៀត នៅក្នុងទំនាក់ទំនងស្នេហា ការគោរពគ្នាទៅវិញទៅមក ការផ្តល់តម្លៃឱ្យគ្នាជារឿងសំខាន់ដែលគូស្នេហ៍គ្រប់គូត្រូវតែមានឱ្យគ្នា មិនមែនចេះតែនិយាយថាស្រឡាញ់ តែធ្វេីអ្វីមិនគិតពីចិត្តគ្នា មិនខ្វល់ពីអារម្មណ៍នោះទេ ស្រឡាញ់គ្នាត្រូវចេះបង្កេីនភាពស្និទ្ធិស្នាលជាមួយគ្នាជារៀងរាល់ថ្ងៃ ធ្វេីនូវទង្វេីដែលសង្សារល្អគួរតែធ្វេី ធ្វេីឱ្យមនុស្សដែលយេីងស្រឡាញ់មានអារម្មណ៍ថា គេពិសេសជាងអ្នកផ្សេង ដែលមិនត្រូវជាអ្វីនឹងអ្នក ហេីយក៏ពិសេសសមនឹងឈ្មោះថាជាសង្សារគ្នា៕
អត្ថបទ ៖ អេដមីន ហត់ / ក្នុងស្រុករក្សាសិទ្ធិ
ព័ត៌មានថ្មីៗ
