មនុស្សស្រីគួរឱ្យខ្លាចបំផុត គឺនៅពេលដែលនាង និងឈឺចាប់ខ្លាំង តែបែរជាស្ងាត់ មិននិយាយអ្វីសោះ
មនុស្សស្រីគួរឱ្យខ្លាចបំផុត នៅពេលដែលនាងដឹងរឿងគ្រប់យ៉ាង តែនាងជ្រេីសយកការស្ងៀមស្ងាត់ជំនួសការស្រែកឡូឡា។ ខ្ញុំមិនមាត់ មិននិយាយស្តីបរិយាយរៀបរាប់ ជីកកកាយពីទង្វេីដែលអ្នកធ្វេីក្រោយខ្នងខ្ញុំ មិនមែនមានន័យថា ខ្ញុំមិនដឹងខ្យល់អីនោះទេ ខ្ញុំគ្រាន់តែចង់ផ្តល់ឱកាសដល់មនុស្សដែលខ្ញុំស្រឡាញ់ ក្រែងអ្នកអាចភ្ញាក់រឭកចេះក្រែងដល់ចិត្តខ្ញុំ ហេីយចេះកែប្រែកំហុសរបស់អ្នកឡេីងវិញ។
ខ្ញុំមិនចង់វែកញែកច្រេីន ព្រោះតែខ្ញុំមិនចង់បាត់បង់ ព្រោះតែស្រឡាញ់ទេីបខ្ញុំមិនចង់និយាយអ្វីទាំងអស់ ខ្ញុំយល់ព្រមស្តាប់ពាក្យកុហកចេញពីមាត់អ្នកទាំងញញឹម ខ្ញុំសុខចិត្តធ្វេីគថ្លង់ព្រោះតែចង់នៅក្បែរអ្នក ខ្ញុំញញឹមនៅនឹងមុខអ្នកក៏ពិតមែន តែខ្ញុំតែងលួចយំនៅក្រោខ្នងអ្នកយ៉ាងឯកាបំផុត។
ខ្ញុំស្ងប់ស្ងាត់មិនមែនខ្ញុំល្ងង់ ហេីយក៏មិនមែនខ្ញុំគ្មានអារម្មណ៍អី ឬមិនចេះឈឺនោះទេ តែខ្ញុំកំពុងតែរង់ចាំមេីល ថាអ្នកនឹងសម្តែងឆាកល្ខោនស្នេហាមិនសមប្រកបមួយនេះដេីម្បីបោកប្រាស់ខ្ញុំដល់ពេលណា ហេីយក៏គិតថាអ្នកអាចនឹងកែប្រែ ឬនឹកគិតអាណិតដល់ចិត្តខ្ញុំខ្លះដែរទេ។
ប្រសិនបើដល់ពេលវេលាកំណត់មួយដែលខ្ញុំទ្រាំទ្រធ្វេីជាមនុស្សល្ងង់តទៀតលែងបាន ខ្ញុំក៏នឹងដេីរចេញ ដេីរចេញយ៉ាងស្ងៀមស្ងាត់បំផុត ហេីយអ្នកក៏មិនចាំបាច់សួរថា ហេតុអីសុខៗខ្ញុំដេីរចេញ ទាំងដែលពួកយេីងមិនដែលឈ្លោះប្រកែកគ្នាសោះបែបនេះ? ចម្លេីយនេះ អ្នកក៏គួរតែឆ្លេីយដោយខ្លួនឯងចុះ អ្នកបានធ្វេីអ្វីខ្លះអ្នកដឹងខ្លួនឯងហេីយ ខ្ញុំត្រូវការមនុស្សដែលស្រឡាញ់ខ្ញុំពិតប្រាកដ ផ្តល់តម្លៃដល់ខ្ញុំក្នុងនាមជាដៃគូជីវិត មិនមែននិយាយថាស្រឡាញ់តែនឹងមុខខ្ញុំ តែការពិតក្នុងចិត្តអ្នកខ្ញុំក៏បានត្រឹមតែជាមនុស្សស្រីល្ងង់មិនដឹងខ្យល់អីនោះទេ៕
អត្ថបទ ៖ អេដមីន ហត់ / ក្នុងស្រុកសូមរក្សាសិទ្ធិ
ព័ត៌មានថ្មីៗ
