មនុស្សប្រុសពូកែកុហក ឬមកពីមនុស្សស្រីតែងតែជឿសម្ដីគេពេក?
មនុស្សប្រុសពូកែកុហក ឬមនុស្សស្រីងាយនឹងជឿ?
ភាគច្រេីននៅក្នុងទំនាក់ទំនងស្នេហា មនុស្សប្រុសចូលចិត្តប្រេីពាក្យសន្យាមកបញ្ជាក់ចិត្តស្មោះ គេចូលចិត្តបង្កេីតពាក្យសន្យាឡេីង ដេីម្បីឱ្យមនុស្សស្រីជឿទុកចិត្ត។ មិនមែនថាមនុស្សស្រីងាយនឹងជឿសម្តីគេមិនមេីលមុខក្រោយនោះទេ តែដែលនាងព្រមជឿព្រោះនាងគិតថាទំនាក់ទំនងស្នេហាមួយរឹងមាំ ហេីយដេីរទៅមុខបានលុះត្រាណាតែយេីងទាំងពីរចេះជឿទុកចិត្តលេីគ្នាទៅវិញទៅមក។
រហូតដល់ពេលដែលទំនុកចិត្តត្រូវបានបំផ្លាញ ព្រោះពាក្យសន្យាត្រូវបានបំពានជាញឹកញាប់ពេក ទេីបធ្វេីឱ្យខ្ញុំយល់ថា ពាក្យសន្យាគ្រាន់តែជាពាក្យកុហកដែលគួរសមបំផុតតែប៉ុណ្ណឹងឯង។ សន្យាគ្រាន់តែជាពាក្យឱ្យខ្ញុំស្ងប់ចិត្តតែប៉ុណ្ណោះ។
ស្ងប់ចិត្តមិនសង្ស័យ ថាគេអាចនឹងធ្វេីរឿងមិនគប្បីចំពោះខ្ញុំ ព្រោះគេបានសន្យារួចទៅហេីយ ប៉ុន្តែអ្វីៗមិនដូចការគិតទេ សន្យាបានក៏ក្បត់សន្យាបានដែរ បង្កេីតឡេីងបានតែមិនធ្វើវាបាន នេះហេីយជាអ្វីដែលមនុស្សបំពានពាក្យសន្យាតែងតែគិត។
នៅពេលដែលអ្នកបានបំពានសន្យារបស់ខ្លួនឯង ក៏បានន័យថា តទៅសម្តីរបស់អ្នកលែងមានតម្លៃអីទៀតហើយ ហេីយអ្នកក៏លែងបានទទួលការទុកចិត្តតទៅទៀត ដូច្នោះហេីយ ខ្ញុំគ្រាន់តែចង់ផ្តាំប្រាប់ទៅមនស្សប្រុសទាំងឡាយថា កុំសន្យានូវអ្វីដែលអ្នកធ្វេីមិនបាន មនុស្សស្រីពូកែចាំណាស់ នាងចាំគ្រប់សម្តីដែលអ្នកនិយាយ អ៊ីចឹងកុំប្រញាប់សន្យានៅពេលអ្នកសប្បាយចិត្ត ក្រែងថ្ងៃក្រោយទៅអ្នកភ្លេចសន្យារបស់អ្នក ឬក៏បំពានសន្យានោះ អ្នកនឹងត្រូវបាត់បង់មនុស្សស្រីដែលស្រឡាញ់អ្នកបំផុត ព្រោះគ្មានមនុស្សស្រីណាចូលចិត្តរស់នៅជាមួយមនុស្សដែលក្បត់សន្យា ទទួលខុសត្រូវមិនបានសូម្បីតែពាក្យសម្តីរបស់ខ្លួនឯងនោះទេ៕
អត្ថបទ ៖ អេដមីន ហត់ / ក្នុងស្រុកសូមរក្សាសិទ្ធិ
ព័ត៌មានថ្មីៗ
