ឆ្លើយឱ្យត្រង់! ដែលធ្លាប់លេងសង្រ្គាមត្រជាក់ ជាមួយមនុស្សដែលខ្លួនស្រឡាញ់អត់??
ធ្លាប់អត់លេងសង្រ្គាមត្រជាក់ជាមួយមនុស្សដែលអ្នកស្រឡាញ់? តាមការពិតទៅយេីងស្រឡាញ់គេណាស់ ខ្វល់ពីគេណាស់ តែចិត្តមានះក្នុងខ្លួនមិនចង់ចាញ់ មិនព្រមចុះញ៉មអ្នកណា នេះហើយជាចរិតកែមិនឡេីងពិតមែន មិនលេីកលែងសូម្បីតែជាមួយមនុស្សខ្លួនឯងស្រឡាញ់។
ពេលគេចាប់ផ្តេីមព្រងេីយកន្តេីយ មិនខ្វល់ខ្វាយ មិនចាប់អារម្មណ៍សុខទុក្ខយេីង យេីងឯណេះវិញខឹងពេក អន់ចិត្តធ្វេីអ្វីមិនបានក៏ធ្វេីបែបនោះដាក់គេវិញ គេមិនឆាតមកខ្ញុំក៏មិនឆាតទៅ គេមិនសួរនាំខ្ញុំ ខ្ញុំក៏មិនប្រាប់អ្វីទៅគេដែរ តែខ្ញុំក៏មិនដឹងថាតាមពិតទៅគេលួចនឹកខ្ញុំដូចដែលខ្ញុំនឹកគេដែរឬក៏អត់ទេ? ឬមួយគេអស់ចិត្តពីខ្ញុំពិតមែនទេដឹង?
បេីនិយាយឱ្យមែនទែនទៅ នេះមិនមែនជាវិធីដោះស្រាយដែលល្អសម្រាប់គូស្នេហ៍គ្រប់គូនោះទេ បេីមានរឿងអីនឹងគ្នា ក៏គួរតែដោះស្រាយជាមួយគ្នាឱ្យដាច់ស្រឡះ និយាយគ្នាដោយត្រង់ៗជាមួយគ្នាទៅ វាល្អជាងការដែលត្រូវលេងសង្រ្គាមត្រជាក់ដាក់គ្នាបែបនេះ វានាំតែពិបាកទាំងគូ។
បេីខាងណាអស់ចិត្តក៏ប្រាប់ត្រង់ៗកុំព្រងេីយៗដាក់គ្នា ហេីយទុកឱ្យម្នាក់ទៀតត្រូវអង្គុយគិត គេងឆ្ងល់ពិបាកចិត្តតែម្នាក់ឯង ហេីយបេីខឹងរឿងអីមិនពេញចិត្តត្រង់ណា ក៏គួរប្រាប់គ្នាឱ្យបានដឹង បេីនៅស្រឡាញ់គ្នាមែន រឿងអីត្រូវមកព្រងេីយៗដូចអ្នកដទៃបែបនេះ ប្រាប់ត្រង់ៗថាវាមិនសប្បាយទេអី។
មនុស្សពីរនាក់ស្រលាញ់គ្នាពិតប្រាកដ គេដឹងចិត្តគ្នាណាស់ គេយល់ពីគ្នាច្បាស់ណាស់ មិនមែនចេះតែខឹង ងរងក់ រករឿងគ្មានហេតុផល ចេះតែចង់ឱ្យគេមកលួង ឈ្លោះទាស់គ្នា ចង់តែចាញ់ឈ្នះគ្នានោះឡើយ ធ្វើបែបហ្នឹង គេមិនហៅថាគូស្នេហ៍ទេ គេហៅថាគូបដិបក្ខ សត្រូវនឹងគ្នាទៅវិញទេ។
បើមិនចង់បែកគ្នាព្រោះតែការព្រងើយកន្តើយ ត្រូវឱ្យតម្លៃ និងភាពសំខាន់ចំពោះគ្នាឱ្យបានច្រើន ចេះចុះញ៉ម ឱនលំទោនចំពោះមនុស្សយើងស្រឡាញ់ វាមិនមែនជារឿងអន់ ឬថោកអីនោះទេ តែដើម្បីក្ដីសុខ និងស្នាមញញឹមនៃជីវិតគូ យើងក៏គួរតែធ្វើ មែនអត់?
អត្ថបទ ៖ អេដមីន ហត់ / ក្នុងស្រុកសូមរក្សាសិទ្ធិ
ព័ត៌មានថ្មីៗ
