កុំធ្វើជាមនុស្សក្បត់ ព្រោះតែចង់សងសឹកមនុស្សដែលធ្លាប់ក្បត់យើងឱ្យសោះ មិនមែនជាសេចក្ដីថ្លៃថ្នូរទេ
បេីគេក្បត់ចិត្ត យេីងត្រូវក្បត់គេវិញ ដេីម្បីជាការសងសឹកដែរទេ? ចម្លេីយគឺ អត់ទេ មនុស្សក្បត់ជាមនុស្សដែលអាត្មានិយម មិនចេះគ្រប់គ្រាន់ យល់តែក្តីសុខខ្លួនឯង មិនក្រែងចិត្តក្រែងអារម្មណ៍មនុស្សដែលស្រឡាញ់ខ្លួន។ ប្រសិនបេីយេីងជ្រេីសរេីសយកការសងសឹកដោយក្បត់ផិតគេវិញ យេីងក៏មិនខុសអីពីគេនោះដែរ។
ក្រែងយេីងជាមនុស្សម្នាក់ដែលធ្លាប់ទទួលអារម្មណ៍ព្រោះត្រូវគេក្បត់មែនទេ? បេីបែបហ្នឹងហេីយ យេីងក៏ដាច់ខាតកុំក្បត់គេតបវិញ កុំគ្រាន់តែគំនុំផ្ទាល់ខ្លួនទៅធ្វេីបាបបេះដូងអ្នកដទៃដែលគ្នាមិនដឹងខ្យល់អី ក្រែងយេីងបានដឹងរួចហេីយមិនអ៊ីចឹង ថាអារម្មណ៍ដែលត្រូវគេយកមកលេងសេីចវាបែបណាខ្លះ។
បេីចង់សងសឹកមនុស្សដែលក្បត់យេីង យេីងក៏គ្រាន់តែស្រឡាញ់ហេីយស្មោះត្រង់ជាមួយឱ្យដល់ទីបញ្ចប់ទៅ ព្រោះនៅទីបំផុត បន្ទាប់ពីយេីងបានដេីរចេញពីគេដោយសារអំពេីក្បត់របស់គេ គេនឹងត្រូវឈឺចាប់ជាងយេីងរាប់រយដង ព្រោះតែភាពស្មោះត្រង់របស់យេីង យេីងក៏បាត់បង់គេក៏បាត់បង់ តែបាត់បង់មិនដូចគ្នានោះទេ។
យេីងគ្រាន់តែបាត់បង់មនុស្សក្បត់ស្នេហ៍ មេីលមិនឃេីញតម្លៃរបស់យេីង ប៉ុន្តែគេវិញបានបាត់បង់មនុស្សស្មោះត្រង់ម្នាក់ដែលស្រឡាញ់គេខ្លាំងបំផុត។ គិតមេីលទៅថាជាយេីង ឬគេជាគេដែលត្រូវឈឺជាង? កុំព្រោះតែមនុស្សក្បត់ បែរជាបន្ទាបតម្លៃខ្លួនឯងធ្វេីជាមនុស្សក្បត់ដែរ ចូរមានមោទកភាពចំពោះភាពស្មោះត្រង់របស់យេីង ភាពស្មោះត្រង់មិនបានធ្វេីឱ្យយេីងត្រូវឈឺចាប់មួយជីវិតទេ តែមនុស្សដែលមិនចេះគ្រប់គ្រាន់ទៅវិញទេ ដែលផ្តល់ការឈឺចាប់មកឱ្យយេីង ហើយគេនឹងត្រូវទទួលយកនូវអំពើក្បត់តបទៅគេវិញនៅថ្ងៃណាមួយ។
ត្រូវជឿជាក់លើសេចក្ដីល្អ និងភាពស្មោះត្រង់ វានឹងនាំយើងឱ្យជួបមនុស្សដែលល្អ ស្រឡាញ់យើងពិត និងជាគូជីវិតយើងពិតប្រាកដ ចំណែកមនុស្សដែលក្បត់យើង ច្បាស់ណាស់ថាមួយជីវិតនេះ គេគ្មានថ្ងៃបានជួបមនុស្សដែលស្រឡាញ់គេពិតនោះឡើយ ហើយជីវិតគូរបស់គេ ក៏រកកោះត្រើយឱ្យច្បាស់លាស់គ្មានដែរ៕
អត្ថបទ ៖ អេដមីន ហត់ / ក្នុងស្រុកសូមរក្សាសិទ្ធិ
ព័ត៌មានថ្មីៗ
