គិតបន្តិច ហើយជ្រើសរើសស្លាបបក្សីមួយ ដើម្បីស្គាល់ពីខ្លួនឯងកាន់តែច្បាស់
តាមរយៈការតេស្តបែបវិទ្យាសាស្រ្តមួយនេះ ចូរអ្នកជ្រើសរើសស្លាបបក្សីមួយក្នុងចំណោមស្លាបបក្សីទាំង ៥ ដើម្បីទម្លាយថា តើអ្នកជាមនុស្សប្រភេទណា? ចូរផ្ទៀងផ្ទាត់ចម្លើយនៅខាងក្រោម៖
ស្លាបបក្សីទី ១
សន្តិភាព និងភាពស្ងប់ស្ងាត់ជាអ្វីដែលអ្នកចង់បានបំផុត ហើយអ្នកជាមនុស្សដែលចូលចិត្តជួយយកអាសាអ្នកដទៃ ហើយមិនងាយនិយាយថា "ទេ" នោះទេ ឲ្យតែគេពឹង។
អ្នកដទៃមើលមកពេលខ្លះគិតថាអ្នកជាមនុស្សទន់ខ្សោយ តែធាតុពិតនេះជាចរិតទន់ភ្លន់របស់អ្នក ដែលអ្នកគោរពទៅពួកគេប៉ុណ្ណោះ។ អ្នកមានមិត្តភ័ក្ដិច្រើនក្នុងជីវិត ហើយនោះក៏កើតឡើងដោយសារតែអ្នកចូលចិត្តយកចិត្តទុកដាក់លើអ្នកដទៃ។
ស្លាបបក្សីទី ២
អ្នកជាមនុស្សដែលងាយនឹងសម្របខ្លួន និងឆាប់រៀនសូត្រយល់ពីរឿងណាមួយបានលឿនខ្លាំងណាស់។
យ៉ាងណាពេលខ្លះអ្នកមិនសូវចូលចិត្តមានមនុស្សនៅក្បែរច្រើនឡើយ ហើយក៏ចូលចិត្តដកខ្លួនចេញពីការជួបជុំមិត្តភ័ក្ដិអីជាដើម ព្រោះអ្នកច្រើនតែយកពេលនោះទៅស្គាល់ពីខ្លួនឯងឲ្យកាន់តែច្បាស់ជាងមុន ដោយចូលចិត្តអង្គុយ ហើយគិតនូវផែនការណ៍ ឬការងារអ្វីថ្មីមួយដោយឯកឯង មិនសូវចង់មានមនុស្សច្រើនឡើយ។
ស្លាបបក្សីទី ៣
ភាពឯករាជ្យគឺជាចំណុចលេចធ្លោរបស់អ្នក អ្នកតែងតែដើរតាមគោលដៅ និងក្តីសុបិន្តនៃជីវិតរបស់អ្នក ដោយមិនសូវខ្វាយខ្វល់ពីសម្តីរបស់អ្នកដទៃពេកនោះទេ។ បើអ្នកដួល ក៏ងាយនឹងងើបមកវិញដោយខ្លួនឯងបានស្រួលដែរ ហើយអ្នកមិនខ្លាចនឹងខុសនោះទេ ព្រោះអ្នកពេញចិត្តនឹងយកកំហុសមកធ្វើជាបទពិសោធន៍។
អ្វីដែលអ្នកត្រូវយកចិត្តទុកដាក់បន្តិច គឺការជ្រើសរើសមិត្តភក្តិ ព្រោះមានមនុស្សជាច្រើនគេមិនយល់ច្បាស់ពីអ្នកឡើយ ដែលពេលខ្លះគេគិតថាអ្នកទន់ខ្សោយ តែការពិតអ្នកជាមនុស្សដែលពោរពេញដោយភាពជាអ្នកដឹកនាំខ្ពស់។
ស្លាបបក្សីទី ៤
អ្នកមានការស្រមើស្រមៃខ្ពស់ ហើយមានសមត្ថភាពក្នុងការប្រឈមគ្រប់បញ្ហា ដោយមិនខ្លាចរអាឡើយ។ អ្នកឆ្លាតក្នុងការរកដំណោះស្រាយបានលឿន និងចេះទាញរឿងធំឲ្យក្លាយជារឿងតូច។
យ៉ាងណាអ្នកពេលខ្លះទាមទារចង់បានភាពល្អឥតខ្ចោះគ្រប់រឿងពេក នាំឲ្យខ្លួនឯងទទួលរងសម្ពាធបន្តិច បែបនេះយើងសូមណែនាំឲ្យអ្នកគួរតែឆ្លៀតពេលសម្រាក ហើយពេញចិត្តនូវអ្វីដែលខ្លួនមានឲ្យបានច្រើន។
ស្លាបបក្សីទី ៥
ចរិតរឹងមាំ រឹងទទឹង ជាចរិតពីកំណើតរបស់អ្នក ដែលពិបាកនឹងកែបាន តែអ្នកជាមនុស្សដែលមានការច្នៃប្រឌិតខ្ពស់ ទើបពេលខ្លះមិនចូលចិត្តស្តាប់យោបល់អ្នកដទៃ។ យ៉ាងណាការគិតរបស់អ្នកពេលខ្លះក៏ល្អជាងអ្នកដទៃច្រើនដែរ តែរឿងមួយផ្នែកតូចក៏អ្នកគួរតែទទួលយកយោបល់ពីគេ។
អ្នកមានញាណពិសេសមួយ ដោយអ្នកតែងតែអាចដឹងពីការគិតរបស់មនុស្សមួយចំនួន ដោយត្រឹមតែនិយាយជាមួយពួកគេបន្តិច ឬមើលត្រឹមទឹកមុខរបស់ពួកគេ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
