ស្នេហា ការស្រឡាញ់សម្រាប់អ្នក តើមានន័យបែបណាទៅ?
អន់ចិត្តណាស់ នៅពេលមនុស្សម្នាក់ដែលយេីងទុកគេជាមនុស្សសំខាន់ តែគេបែរជាមិនខ្វាយខ្វល់ ឬចាប់អារម្មណ៍ជាមួយយេីង ពេលខ្លះក៏ងក់ងរ រករឿងចង់ឱ្យគេលួង តែគេបែរជាមិនលួង ហេីយថែមធ្វេីមិនដឹងទៀត។
មាត់បង្ហេីរពាក្យថាស្រឡាញ់ តែហេតុអីខ្ញុំបែរជាមិនទទួលបានទង្វេីបញ្ជាក់ថាស្រឡាញ់បែបនេះ? ពាក្យថាស្រឡាញ់របស់អ្នក វាមានន័យយ៉ាងម៉េចវិញទៅ? សាកប្រាប់ខ្ញុំបន្តិចមេីល ថានិយមន័យនៃពាក្យថាស្រឡាញ់របស់អ្នក វាដូចនឹងនិយមន័យរបស់ខ្ញុំដែរឬក៏អត់ទេ?
សម្រាប់ខ្ញុំ ស្រឡាញ់គឺជាការផ្តល់ឱ្យនូវការយកចិត្តទុកដាក់ ការដែលអាចស្តាប់ឮពីគ្នាបានដោយម្នាក់ទៀតមិនចាំបាច់និយាយ។ ការដែលហ៊ានធ្វេីគ្រប់យ៉ាងដេីម្បីឱ្យមនុស្សដែលយេីងស្រឡាញ់មានក្តីសុខ ចុះអ្នកវិញមានន័យបែបនេះទេ? ឬការស្រឡាញ់របស់អ្នកគ្រាន់តែសម្តូីនិយាយឱ្យតែរួចពីមាត់។
អ្នកនិយាយទាំងដែលមិនស្គាល់ថាអ្វីជាក្តីស្រឡាញ់ពិតប្រាកដ? ស្រឡាញ់គ្នា មិនមែនចេះតែស្រឡាញ់ មិនមែនត្រូវព្រងេីយកន្តេីយដាក់គ្នាទេ តែត្រូវរៀនយល់ពីអារម្មណ៍គ្នាទៅវិញទៅមក មានភាពផ្អែមល្ហែមខ្លះទេីបស្នេហាយេីងមិនសោះអង្គេីយ តែបេីចេះតែនិយាយថាស្រឡាញ់ហេីយ មិនខ្វាយខ្វល់ពីគ្នាផងនោះ វាមិនមែនជាស្នេហាទេ ហៅវាថាជាការល្បែងកម្សាន្តវិញទៅសមទំនងជាង៕
អត្ថបទ ៖ អេដមីន ហត់ / ក្នុងស្រុកសូមរក្សាសិទ្ធិ
ព័ត៌មានថ្មីៗ
