បើស្រឡាញ់ខ្ញុំ កុំរំឭកពីអ្នកចាស់ ឬយកខ្ញុំទៅប្រៀបនឹងអ្នកចាស់ ព្រោះខ្ញុំមិនចូលចិត្ត
សង្សារចាស់ជាអតីត សង្សារថ្មីជាបច្ចុប្បន្ន ពាក្យថាអតីត និងបច្ចុប្បន្ននេះ ក៏បានបញ្ជាក់យ៉ាងច្បាស់ទៅហេីយថា ទាំងពីរនាក់ គឺស្ថិតនៅក្នុងទីកន្លែងដាច់ដោយឡែកពីគ្នា។
គ្រប់គ្នាសុទ្ធតែបានដឹងថា ពេលដែលមនុស្សពីរនាក់ឈ្លោះប្រកែកគ្នា ក៏តែងតែនិយាយចេញទៅប្រាវៗ ដោយមិនបានគិតល្អិតល្អន់អីនោះទេ ព្រោះចេះតែនិយាយទៅតាមកំហឹង។
អារម្មណ៍ដែលខឹងមួយឆាវ ក៏ចេះតែនិយាយទៅយកតែឈ្នះរៀងខ្លួនន តែកុំភ្លេចថាពាក្យមួយឃ្លាដែលឈឺចាប់បំផុត ហេីយអ្នកដែលជាសង្សារថ្មីមិនចង់ឮ ទោះនៅពេលត្រូវគ្នា ឬឈ្លោះគ្នាក៏ដោយនោះគឺ "អ្នកមិនល្អដូចសង្សារចាស់របស់ខ្ញុំ"។
ពាក្យមួយឃ្លានេះ ក្នុងនាមជាសង្សារថ្មី បើបានឮហេីយក៏ឈឺចុកចាប់រកប្រាប់មិនត្រូវ វាជាអ្វីដែលពិបាកនឹងទទួលយកបំផុត ហេីយនៅពេលដែលគេយកយេីងទៅប្រៀបធៀបជាមួយសង្សារចាស់របស់គេបែបនេះ ត្រូវចាំថា នៅពេលដែលអ្នកមកចាប់ផ្តេីមថ្មីជាមួយខ្ញុំ ខ្ញុំក៏មិនបានខ្វល់ពីអតីតកាលរបស់អ្នកដែរ អ្វីដែលសំខាន់ គឺបច្ចុប្បន្ន ថាអ្នកអាចមេីលថែខ្ញុំបានល្អប៉ុនណា។
ហេីយនៅពេលដែលអ្នកចូលមកនិយាយថាស្រឡាញ់ខ្ញុំ ខ្ញុំក៏ជឿជាក់ថាអ្នកបំភ្លេចអ្នកចាស់អ្នកបានហេីយ អ្នកបានលុបគេចេញពីបេះដូងទៅហេីយ ទេីបអ្នកមកស្រឡាញ់ខ្ញុំ ដូច្នេះហេីយមេត្តាកុំបំផ្លាញទំនុកចិត្ត និងមនោសញ្ចេតនារបស់ខ្ញុំអី។
ទោះឈ្លោះគ្នាយ៉ាងណា ខឹងខ្លាំងកម្រិតណា វាជារឿងយេីងទាំងពីរនាក់ កុំអូសអ្នកចាស់ ឬអ្នកដទៃណាមកពាក់ព័ន្ធ រឹតតែកុំយកខ្ញុំទៅប្រៀបធៀបនឹងអ្នកណា ខ្ញុំជាខ្ញុំនេះហេីយ បេីខ្ញុំដូចអ្នកដទៃ ម៉េចនឹងហៅថាខ្ញុំ ទទួលយកខ្ញុំបានឬមិនបាន ក៏ប្រាប់ខ្ញុំត្រង់ៗ រួចក៏ដេីរចេញចុះខ្ញុំមិនបង្ខំអ្នកទេ មិនឱ្យអ្នកណាត្រូវមករងសម្ពាធព្រោះស្រឡាញ់ខ្ញុំទេ។
ដូច្នេះហេីយក៏គ្មានហេតុផលអីត្រូវយកខ្ញុំទៅប្រៀបធៀបនឹងគេទេ បេីគេល្អក៏ទៅប្រាប់គេទៅ ខ្ញុំមិនបានចង់ដឹងរឿងអ្នកណាឡើយ បេីអ្នកចាស់អ្នកនៅតែចងចាំក៏ត្រឡប់ទៅវិញចុះ ខ្ញុំមិនបានជូនទៅទេ សុំតែម្យ៉ាងកុំយកខ្ញុំ និងគេមកប្រៀបធៀបគ្នា។ ស្រឡាញ់គ្នាជារឿងពីរនាក់ កុំអូសអ្នកដទៃចូលមកពាក់ព័ន្ធ ខ្ញុំមិនចូលចិត្តទំនាក់ទំនងបែបនេះឡើយ រឹតតែមិនចង់ឱ្យមានឈ្មោះអ្នកទី៣ ឬអ្នកចាស់មកឡូកឡំជាដាច់ខាត៕
អត្ថបទ ៖ អេដមីន ហត់ / ក្នុងស្រុកសូមរក្សាសិទ្ធិ
ព័ត៌មានថ្មីៗ
