និយាយត្រង់ ខ្ញុំពិតជាហត់នឿយ ជាមួយនឹងក្ដីស្រឡាញ់មួយនេះណាស់!
ខ្ញុំក៏ហត់ ខ្ញុំក៏ឈឺ ខ្ញុំក៏ជាមនុស្សស្រីដែលត្រូវការ ការបារម្ភ យកចិត្តទុកដាក់ពីមនុស្សខ្លួនឯងស្រឡាញ់ ខ្ញុំក៏ចង់ឱ្យគេទុកខ្ញុំសំខាន់ តែគ្រប់យ៉ាងខ្ញុំក៏មិនដែលទទួលបាន ខ្ញុំបានត្រឹមតែធ្វេីជាអ្នកផ្តល់ឱ្យ ផ្តល់ឱ្យគេនូវក្តីស្រឡាញ់អស់ពីចិត្ត ផ្តល់នូវការព្រួយបារម្ភយ៉ាងជ្រាលជ្រៅ ជ្រៅរហូតដល់ថ្នាក់គេបែរជាមានអារម្មណ៍ថារំខាន មានអារម្មណ៍ថាធុញទ្រាន់នឹងវត្តមានរបស់ខ្ញុំទៅវិញ។
កុំភ័យ កុំព្រួយ កុំបារម្ភ បេីក្តីស្រឡាញ់ដែលខ្ញុំមានឱ្យអ្នកវារំខានជីវិតអ្នកដល់ថ្នាក់នេះ ខ្ញុំនឹងទៅ មិននៅឱ្យអ្នកទេីសទាល់ក្នុងចិត្តទៀតទេ។ តែខ្ញុំគ្រាន់តែចង់ផ្តាំថា ថ្ងៃណាមួយអ្នកនឹកឃេីញទង្វេីល្អៗរបស់ខ្ញុំ នឹកដល់មនុស្សរំខានម្នាក់នេះ ហេីយអ្នកនឹងដឹងថា អ្នកពិតជាមិនអាចរកបានមនុស្សដូចគ្នាពីរដងក្នុងមួយជីវិតនោះឡើយ...។
ក្តីស្រឡាញ់ដែលខ្ញុំមានឱ្យអ្នក អ្នកនឹងមិនអាចទៅរកវាបានពីអ្នកផ្សេងទេ...ហេីយអ្នកក៏នឹងដឹងថាគ្មានអ្នកណាស្រឡាញ់ ហេីយបារម្ភពីអ្នកស្មេីខ្ញុំទេ...ទម្រាំតែអ្នកដឹងគ្រប់យ៉ាងក៏ហួសពេល ព្រោះខ្ញុំទៅហេីយ ខ្ញុំនឹងមិនត្រឡប់មកឱ្យអ្នកជាន់ឈ្លីក្តីស្រឡាញ់ខ្ញុំម្តងទៀតឡេីយ...។
ពេលនេះខ្ញុំអាចមិនសំខាន់ តែពេលក្រោយអ្នកនឹងបានត្រឹមតែញញឹមនឹកដល់ការស្រឡាញ់របស់ខ្ញុំចំពោះអ្នក រួចក៏ងេីយមេីលទៅលេីមេឃហើយនិយាយថា "ខ្ញុំនឹកគេម្នាក់នោះ"។ ទោះខ្ញុំមិនមែនជាមនុស្សដែលអ្នកស្រឡាញ់ ទោះអ្នកមិនឱ្យតម្លៃខ្ញុំ តែខ្ញុំនឹងក្លាយជាមនុស្សដែលស្ថិតក្នុងការចងចាំរបស់អ្នកពេញមួយជីវិត ខ្ញុំនឹងក្លាយជាចំណែកដែលអ្នកមិនអាចបំភ្លេចបាន៕
អត្ថបទ ៖ អេដមីន ហត់ / ក្នុងស្រុកសូមរក្សាសិទ្ធិ
ព័ត៌មានថ្មីៗ
