មនុស្សស្រីគ្មានថ្ងៃយកខ្លួនទៅបៀត ជាមួយនឹងមនុស្សប្រុស៤ប្រភេទនេះឡើយ
ជាទូទៅមនុស្សស្រីយេីងម្នាក់ៗក៏តែងតែមានបុរសក្នុងក្តីស្រមៃរបស់ខ្លួន ប្រភេទបុរសដែលខ្លួនប៉ងប្រាថ្នាចង់បានជាគូអនាគត ផ្ទុយទៅវិញនាងក៏បន់ស្រន់ឱ្យខ្លួនចៀសឆ្ងាយពីបុរសដែលមានអត្តចរិតមិនល្អមួយចំនួន។ ដូច្នេះខាងក្រោមនេះជាអត្តចរិតរបស់បុរស៤ប្រភេទដែលនារីស្អប់បំផុត ៖
១. មានទ្រព្យ តែអំនួត
ធម្មតាបុរសដែលមានទ្រព្យសម្បត្តិស្តុកស្តម្ភ មានសម្ភារនិយមប្រេី ក៏មិនសុទ្ធសឹងតែជាអ្នកចូលចិត្តសម្ញែងនោះដែរ តែដោយឡែកបុរសមួយចំនួនវិញ អាងថាខ្លួនជាអ្នកមានលុយ ហ៊ឺហាក៏ចាប់ផ្តេីមធ្វេីខ្លួនជាមនុស្សមានអំនួត អួតអាងខែងរែង មិនក្រែងចិត្តអ្នកណា មនុស្សបែបភាគច្រេីនមិនស្តាប់អ្នកណានោះទេ គេគិតថាខ្លួនគេធ្វេីអ្វីក៏ត្រូវ ហេីយគេក៏មិនដែលគិតខ្វល់ដល់អារម្មណ៍មនុស្សនៅជុំវិញខ្លួនឡើយ មនុស្សប្រុសបែបហ្នឹង ទោះមានទ្រព្យច្រើនយ៉ាងណា ក៏គ្មានមនុស្សស្រីណាអាចរស់នៅជាមួយបានយូរអង្វែងដែរ។
២. សង្ហា តែខ្វះសីលធម៌
បុរសដែលសង្ហាៗ មានមុខមាត់ស្អាតបាត រូបរាងទាក់ទាញ ភាគច្រេីននឹងក្លាយទៅជាបុរសនៅក្នុងក្តីស្រមៃរបស់នារីៗ ប៉ុន្តែផ្ទុយទៅវិញ ប្រសិនបេីបុរសម្នាក់សង្ហាពិតមែន តែខ្វះសីលធម៌នៅក្នុងខ្លួនវិញនោះ គេនឹងលែងសង្ហាមួយរំពេចន៍នៅក្នុងក្រសែភ្នែករបស់នារី រូបរាងសង្ហាតែមួយមុខមិនគ្រប់គ្រាន់នោះទេ ព្រោះបុរសសង្ហាពិតប្រាកដគឺ មានទាំងរូបរាងស្អាត ចំណេះដឹងខ្ពស់ សុជីវធម៌ គួបផ្សំទៅជាមួយផងដែរ។
៣. ចេះដឹង តែកំសាកញី
មនុស្សស្រីទោះរឹងមាំប៉ុនណាក៏នៅតែត្រូវការគូស្នេហ៍ដែលអាចការពារមេីលថែទាំនាងបាន ជាបង្គោលរឹងមាំមួយដែលអាចឱ្យនាងពឹងផ្អែកបានគ្រប់កាលៈទេសៈ ប៉ុន្តែប្រសិនបេីគេជាមនុស្សម្នាក់ដែលមានចំណេះដឹង តែខ្លបខ្លាចគ្រប់សព្វបែបយ៉ាង មិនហ៊ានប្រឈមមុខនឹងបញ្ហា ចេះតែរត់គេចពីបញ្ហា មិនក្លាហាន ចេះតែនៅពួនក្រោយខ្នងអ្នកដទៃ នោះក៏ចាត់ទុកថាចំណេះដឹងដែលគេមាននោះហាក់ដូចជាគ្មានន័យអីបន្តិចសោះ។
៤. ចេះធ្វេី តែមិនចេះទទួលខុសត្រូវ
មនុស្សប្រុសមួយចំនួនចេះធ្វេីស្ទេីរគ្រប់យ៉ាង ប៉ុន្តែនៅពេលគេធ្វេីភ្លាំងភ្លាត់រឿងអ្វីមួយ គេក៏មិនទទួលស្គាល់នូវកំហុសរបស់ខ្លួនឯង ជួនកាលក៏ប្រកែកយ៉ាងតឹងសរសៃរកដោយគ្មានភាពអៀនខ្មាសថាខ្លួនមិនបានធ្វេីទៅវិញ ជួនកាលក៏រុញច្រានបញ្ហាទាំងអស់ដែលគេជាអ្នកបង្កេីតឡេីងដោយផ្ទាល់ ឱ្យអ្នកដទៃជាអ្នករែកពន់ទៅវិញ មនុស្សប្រុសបែបនេះមិនសមនឹងហៅខ្លួនឯងថាជាមនុស្សប្រុសសោះឡេីយ ៕
ព័ត៌មានថ្មីៗ
