ឈុត ៩៥ ភាគរយ! ជ្រើសរើសសត្វឆ្មាមួយ អាចទាយដឹងថា តើអ្នកជាមនុស្សបែបណា?
សត្វឆ្មាជាសត្វចិញ្ចឹមដ៏គួរឲ្យស្រលាញ់មួយ ហើយជាទូទៅបងប្អូនភាគច្រើនតែងមានចិញ្ចឹម ខ្លះទុកកម្ចាត់កណ្ដុរ ខ្លះទៅក៏ទុកដើម្បីកម្សាន្តអារម្មណ៍។ យ៉ាងណាក្នុងអត្ថបទនេះ យើងលើកយករូបភាពសត្វឆ្មាចំនួន ៩ ដើម្បីជាតំណាង ហើយអាចទស្សន៍ទាយបង្ហាញច្បាស់អំពីអ្នក ថាជាមនុស្សបែបណា?
ឆ្មាទី ១
មានរឿងរ៉ាវអ្វីក៏ដោយអ្នកមិនសូវចេះចែករំលែកឲ្យអ្នកដទៃដឹងនោះទេ ហើយច្រើនតែទុកវាសប្បាយក៏សប្បាយម្នាក់ឯង កើតទុក្ខក៏កើតទុក្ខម្នាក់ឯង។
អ្នកតែងតែចង់រក្សាសន្តិភាពផ្លូវចិត្ត ព្រោះកាលពីអតីតកាលអ្នកធ្លាប់ជួបរឿងឈឺចាប់មួយចំនួនរួចមកហើយ។ ជាញឹកញាប់អ្នកមានលក្ខណៈពិសេសដែលអាចធ្វើសមាធិចិត្តគំនិតឲ្យឈរតែលើភាពវិជ្ជមាន។
ឆ្មាទី ២
អ្នកជាមនុស្សដែលចូលចិត្តជួយអ្នកដទៃ និងមានបេះដូងធំទូលាយ ហើយតែងតែបើកចំហនូវទំនាក់ទំនងថ្មីចូលមកក្នុងជីវិត។ អ្នកមិនខ្លាចក្នុងការប្រថុយទៅលើរឿងអ្វីមួយនោះទេ បើដឹងថាវាឈឺចាប់ក៏ដោយ និយាយទៅអ្នកជាមនុស្សមិនសូវចេះភ័យខ្លាច ហើយមានជំនឿជាក់ក្នុងការប្រឈមនឹងបញ្ហា។
ឆ្មាទី ៣
អ្នកតែងតែចង់ក្លាយជាមនុស្សល្អបំផុតក្នុងភ្នែករបស់អ្នកដទៃ ហើយអ្នកប្រើប្រាស់សកម្មភាពគ្រប់បែបយ៉ាង ដើម្បីចង់ឲ្យអ្នកដទៃច្បាស់ក្នុងចិត្តថា អ្នកពិតជាមានភាពស្មោះត្រង់ និងជាមនុស្សដ៏ត្រឹមត្រូវម្នាក់ពិតមែន។
ឆ្មាទី ៤
អ្នកជាមនុស្សដែលមានការពិពណ៌នា និងមានគំនិតទស្សនវិជ្ជាខ្ពស់។ អ្នករីករាយនឹងដំណើរជីវិតបច្ចុប្បន្ន បើទោះបីជាដឹងថាទៅផ្លូវខាងមុខវាមានរឿងលំបាកមួយចំនួនក៏ដោយ។
ទៅលើរឿងអ្វីមួយ បើអ្នកចង់ដឹងហើយ គឺអ្នកព្យាយាមយកការគិតចាក់វាទៅក្នុងជម្រៅដ៏ជ្រៅ ហើយស្វែងយល់ពីវាយ៉ាងល្អិតល្អន់ បើទោះបីជារឿងនោះតូចតាចក៏ដោយ។
ឆ្មាទី ៥
អ្នកដូចជាមានញាណពិសេស ដែលច្រើនតែដឹងមុននូវអ្វីដែលបម្រុងនឹងកើតឡើងនៅពេលខាងមុខ។ បែបនេះហើយវាតែងតែធ្វើឲ្យអ្នកដំណើរការនូវកិច្ចការងារអ្វីមួយ ឬសកម្មភាពអ្វីមួយដោយយកចិត្តទុកដាក់ខ្ពស់ និងមិនងាយឲ្យមានកំហុសឆ្គងកើតឡើងនោះឡើយ។
ឆ្មាទី ៦
ជីវិតរបស់អ្នកពេលខ្លះហាក់ច្របូកច្របល់ខ្លាំងណាស់ តែអ្នកនៅតែមានវិធីបន្លប់វា ហើយបង្កើតស្នាមញញឹមលួងខ្លួនឯង។ យ៉ាងណាសុខទុក្ខបែបណា អ្នកមិនងាយបង្ហាញទៅកាន់មជ្ឈដ្ឋានខាងក្រៅឲ្យបានដឹងនោះទេ។
ឆ្មាទី ៧
អ្នកចូលចិត្តនូវការគិត និងការអនុវត្តអ្វីដែលប្លែកៗពីគេ ហើយវិធីធ្វើរបស់អ្នកវាមិនពិបាកនោះទេ តែពេលខ្លះមនុស្សមួយចំនួនគិតមិនដល់។ អ្នកមិនសូវចេះខ្វល់ពីសម្តីអ្នកដទៃទេ ទោះគេវាយតម្លៃមកលើអ្នកបែបណាក៏ដោយ ព្រោះអ្នកជឿថា មនុស្សម្នាក់ៗមានការគិតខុសពីគ្នា ហើយបើនិយាយមិនចុះសម្រុងក៏អ្នកមិនចំណាយពេលនៅនិយាយឥតប្រយោជន៍ដែរ។
ឆ្មាទី ៨
អ្នកដូចជាមានវិញ្ញាណទី ៦ ដែលអាចឲ្យដឹងពីមនុស្សជុំវិញខ្លួនបានងាយ។ អ្នកអាចយល់ពីពួកគេបានលឿន ពេលខ្លះត្រឹមតែសម្លឹងមើលទឹកមុខក៏អាចដឹងបានដែរ។ យ៉ាងណាអ្នកក៏ជាអ្នកដែលចូលចិត្តការស្តាប់រាល់ការនិយាយរឿងល្អៗនានា។
ឆ្មាទី ៩
អ្នកជាមនុស្សដែលធ្វើការសម្រេចចិត្តលឿន ហើយច្បាស់លាស់បំផុត។ ក្នុងកិច្ចការងារអ្វីក៏អ្នកសកម្ម និងមានភាពឈ្លាសវៃក្នុងការធ្វើដែរ នាំឲ្យមនុស្សនៅជាច្រើនរមែងសរសើរអ្នកអំពីចំណុចមួយនេះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
