គ្រាន់ចង់បានស្នេហាបែបងាយៗ ខ្ញុំស្រឡាញ់អ្នក អ្នកស្រឡាញ់ខ្ញុំ មិនបាច់ហត់ចិត្ត មិនបាច់ប្រឹង ប៉ុណ្ណឹងធ្វើបានទេ?
ទទួលស្គាល់ ថាខ្ញុំមិនបានល្អគ្រប់ដប់ មិនបានស្អាតឥតខ្ចោះ តែខ្ញុំយកកិត្តិយសជាកូនស្រីដេីមទ្រូងបីហត្ថមកធានា ថាបេះដូងខ្ញុំបរិសុទ្ធផូរផង់ ស្មោះត្រង់ភក្តីភាពក្នុងរឿងស្នេហា ប៉ុន្តែប្រសិនបេីអ្នកមិនគ្រប់គ្រាន់នឹងស្នេហាដែលខ្ញុំមានឱ្យអ្នក អ្នកចង់ទាក់ទងស្នេហានឹងអ្នកណាមេត្តាដោះលែងខ្ញុំចុះ បេះដូងមិនមែនសម្រាប់លេងទេ វាជាសាច់មែនទែនមិនមែនសិប្បនិម្មិត...។
ស្នេហាមិនមែនចេះតែស្រឡាញ់ តែត្រូវខ្វល់ខ្វាយពីអារម្មណ៍គ្នាទៅវិញទៅមក មិនមែនចាំតែបន្ទោស តែត្រូវនឹករកកំហុសខ្លួនឯងសិន មិនមែនចេះតែព្រងេីយ កន្តេីយបានតាមចិត្ត មិនមែនបែបនិយាយល្អជាមួយគេគ្រប់គ្នា តែគំរោះគំរេីយជាមួយមនុស្សខ្លួនស្រឡាញ់ ចេះនិយាយល្អ ធ្វេីរឿងល្អ កុំចាំដល់បាត់បង់ទេីបបេះដូងចេះស្រឡាញ់... ។
ជាសង្សារត្រូវផ្តល់ក្តីស្រឡាញ់ឱ្យគ្នា មិនមែនជាដៃគូជម្លោះត្រូវទាមទារភាគហ៊ុនខ្ពស់ទាបទេនោះឡើយ បើនៅតែប្រកែកគ្នាមិនចេះចប់ មានតែពិបាករៀងខ្លួន ព្រោះចូលចិត្តដណ្តេីមគ្នាឈ្នះនឹងខ្លាំងពេក ឥឡូវសាកដណ្តេីមគ្នាចាញ់ម្តងទៅ គ្មានពាក្យថាថោកទាបទេសម្រាប់មនុស្សដែលយើងស្រឡាញ់។
ចុងក្រោយយេីងក៏ត្រូវរស់នៅជាមួយមនុស្សយេីងស្រឡាញ់ មិនមែនកិត្តិយស គ្រាន់ចង់បានស្នេហាបែបងាយៗ មិនហត់ មិនបាច់ប្រឹង ធម្មតាៗ សប្បាយៗ ធម្មជាតិៗ ខ្ញុំស្រឡាញ់អ្នក អ្នកស្រឡាញ់ខ្ញុំ យេីងស្រឡាញ់គ្នា ក្នុងទំនាក់ទំនងស្នេហាយេីងមានតែអ្នក និងខ្ញុំ កុំឱ្យមានអ្នកទីពីរទីបីចូលមកជ្រៀតជ្រែក សុំតែប៉ុណ្ណឹង ធ្វើបានទេ?
អត្ថបទ ៖ អេដមីន ហត់ / ក្នុងស្រុកសូមរក្សាសិទ្ធិ
ព័ត៌មានថ្មីៗ
