មនុស្សស្រីសម្ដីខ្លាំងប៉ុនណា ក៏នាងមិនដាច់ចិត្ត ឬខឹងនឹងអ្នកបានយូរនោះដែរ
មនុស្សស្រីសម្តីខ្លាំង ធ្វេីឫកក្អេងក្អាង ងក់ងរ ឆេវឆាវ រឿងច្រេីន ចង់តែឈ្នះម្នាក់នេះ តាមពិតទៅស្រឡាញ់អ្នកស្ទេីរស្លាប់ទៅហេីយ ខ្ញុំមិនបានរឹងមាំដល់ថ្នាក់ហ្នឹងទេ ខ្លាំងបានតែនឹងមុខ តែក្រោយខ្នងអ្នកខ្ញុំលួចយំយ៉ាងឯកាបំផុត។
តើអ្នកដឹងទេ ថាខ្ញុំខឹងអ្នកមិនដែលបានយូរទេ ពេលខ្ញុំយំ ខ្ញុំគ្រាន់តែចង់ឱ្យអ្នកចូលមកឱបខ្ញុំបន្តិច មិនបាច់និយាយអី ក៏ខ្ញុំទទួលដឹងពីក្តីស្រឡាញ់របស់អ្នក ដែលបង្ហាញថា អ្នកនឹងឱ្បខ្ញុំមិនឱ្យទៅណាចោលអ្នក ការឱបរបស់អ្នក គឺជាការផ្ដល់អារម្មណ៍កក់ក្ដៅបំផុតមកឱ្យខ្ញុំ។
ខ្ញុំតែងតែព្រមអភ័យ ព្រមស្តាប់ពាក្យសុំទោសម្តងហេីយម្តងទៀត ទទួលយកនូវកំហុសដដែលៗរបស់អ្នក តែមិនមែនមាន័យថាខ្ញុំល្ងង់នោះទេ តែព្រោះតែក្ដីស្រឡាញ់ ហេីយព្រមផ្តល់ឱកាសឱ្យអ្នកជានិច្ច រង់ចាំថ្ងៃដែលអ្នកភ្ញាក់រឭក អ៊ីចឹងហេីយកុំបំបាក់ទំនុកចិត្តមនុស្សដែលមិនដែលទៅចោលអ្នក ទោះអ្នកខុសប៉ុន្មានដងក៏ដោយ។
អ្នកត្រូវដឹងថា បេីគេឆ្អែត អ្នកនឹងមិនបានបេះដូងគេត្រឡប់ទៅវិញម្តងទៀតទេ ប្រាកដណាស់ កុំចាំដល់បាត់បង់ទេីបបេះដូងចេះស្រឡាញ់ ថែរក្សារបស់ដែលយេីងកំពុងមានឱ្យល្អ កុំធ្វេីឱ្យវាក្លាយជារបស់ដែលធ្លាប់មានឱ្យសោះ។
មនុស្សស្រីម្នាក់ បោះទោះបីជានាងស្រឡាញ់អ្នកខ្លាំងយ៉ាងណាក៏ដោយ ក៏នាងមិនអាចឱ្យឱកាសដល់អ្នក អភ័យនូវកំហុសដដែលៗរបស់អ្នករហូតនោះឡើយ ដូច្នេះហើយ ត្រូវរៀនឱ្យតម្លៃមនុស្សក្បែរខ្លួន មើលថែមនុស្សដែលស្រឡាញ់អ្នកឱ្យបានល្អ ព្រោះបើនាងចាកចេញ នាងគ្មានថ្ងៃត្រឡប់មកត្រូវនឹងអ្នកវិញជាដាច់ខាត៕
អត្ថបទ ៖ អេដមីន ហត់ / ក្នុងស្រុកសូមរក្សាសិទ្ធិ
ព័ត៌មានថ្មីៗ
