ដល់ពេលដល់វេលាដែលសក្តិសម យើងប្រាកដជាបានជួបស្នេហាពិត ជួបមនុស្សដែលស្រឡាញ់យើងពិតមិនខាន
អតីតកាលខ្ញុំធ្លាប់ឈឺចាប់ច្រេីនដងណាស់ បេីឱ្យរាប់នឹងដៃ ប្រហែលជាមិនអស់ទេដឹង ប្រហែលជាត្រូវយកម៉ាស៊ីនគិតលេខមកប្រេីទេីបអាចដឹងពីចំនួនដងនៃការខូចចិត្តរបស់ខ្ញុំកន្លងមកនេះ។
ព្រោះតែហេតុផលនេះហើយ ដែលជាហេតុផលធ្វើឱ្យខ្ញុំសុខចិត្តនៅទំនេរ មិនទាន់ហ៊ានបេីកបេះដូងទទួលយកអ្នកណានៅឡេីយ ដោយសារតែខ្ញុំមិនចង់ត្រឡប់ទៅស្ថិតក្នុងស្ថានភាពក្លាយជាទាសករស្នេហារបស់អ្នកណាទៀត។
អ្នកណាថាខ្ញុំនៅនឹកអាឡោះអាល័យសង្សារចាស់ ដែលធ្លាប់បោះបង់មនុស្សស្រីស្មោះត្រង់ដូចខ្ញុំ ទេីបខ្ញុំមិនមានសង្សារ គិតខុស៣៦០ដឺក្រេហេីយ ខ្ញុំសុខចិត្តនៅឯកា មិនទទួលយកស្នេហាពីអ្នកណា ព្រោះខ្ញុំភ័យខ្លាចត្រូវជួបមនុស្សដូចពួកគេទៅវិញទេ។
គ្មានពាក្យថាហួសពេលនោះទេសម្រាប់ស្នេហ៍ពិត ស៊ូរង់ចាំយូរបន្តិចក៏ប្រសេីរជាងទៅចំណាយពេលវេលា ចំណាយក្តីស្រឡាញ់ ទៅលេីមនុស្សខុសម្ដងហើយម្ដងទៀត វាពិតជាមិនគប្បីនឹងខ្លួនឯនោះឡើយ។
ជារឿយៗមនុស្សស្មោះត្រង់ដូចយេីង ក៏នឹងត្រូវទទួលរបស់ថែមពីគេនោះគឺ ទឹកភ្នែកហ្នឹងឯង បែបនេះហេីយ ទេីបខ្ញុំមិនរត់ដេញតាមស្នេហ៍ពិតទៀតទេ មនុស្សពិត ស្នេហ៍ពិតនឹងមករកយេីងដោយឯកឯងក្នុងពេលវេលាមួយដែលសក្តិសមបំផុត៕
អត្ថបទ ៖ អេដមីន ហត់ / ក្នុងស្រុកសូមរក្សាសិទ្ធិ
ព័ត៌មានថ្មីៗ
