ជីវិតអ្នកកំពុងជួបការសម្រេចចិត្តដ៏លំបាកមែនទេ? ជ្រើសរើសកាតមួយ ដើម្បីទទួលយកសារណែនាំដ៏ល្អបំផុត
ពេលខ្លះយើងពិបាកក្នុងការសម្រេចចិត្តលើរឿងរ៉ាវអ្វីមួយខ្លាំងណាស់ ដោយរឿងខ្លះបើដើរតាមបេះដូង គឺត្រូវក្បត់នឹងខួរក្បាលខ្លួនឯង ហើយខ្លះទៀតបើប្រើខួរក្បាលសម្រេចចិត្ត គឺត្រូវលះបង់អស់ហើយនូវមនោសញ្ចេតនាទាំងឡាយដែលមាន។
ពេលគិតអំពីបញ្ហាទាំងនោះម្តងៗ វាធ្វើឲ្យជីវិតយើងមើលទៅស្មុគស្មាញ មិនដឹងគួរដើរផ្លូវណាឲ្យត្រូវនោះទេ។ យ៉ាងណាអត្ថបទនេះ Knongsrok សូមលើកការតេស្តបែបវិទ្យាសាស្រ្តមួយមកបង្ហាញអ្នករាល់គ្នា ដោយក្នុងចំណោមកាត ៤ សន្លឹក ចូរជ្រើសរើសមួយ ដើម្បីទទួលយកសារណែនាំដ៏ល្អដូចខាងក្រោម៖
កាតទី ១
បញ្ហារបស់អ្នក អាចនឹងត្រូវបានបំភ្លេចបាត់ចេញពីខួរក្បាលនៅពេលឆាប់ៗនេះហើយ ចូរសម្រាកបន្តិច ព្រោះការប្រញាប់ប្រញាល់ខ្លាំងពេកមិនល្អនោះទេ ដោយវាកាន់តែដាក់សម្ពាធទៅលើខួរក្បាល ហើយអាចធ្វើឲ្យអ្នកសម្រេចចិត្តខុស។
ចូរបិទភ្នែកហើយគិតមើលបន្តិច ថាអ្វីដែលល្អបំផុតសម្រាប់ជីវិតអ្នក ក៏ជ្រើសរើសផ្លូវហ្នឹងចុះ ដោយតាមការជ្រើសរើសកាតនេះ បង្ហាញថា ពេលខាងមុខការជ្រើសរើសមួយរបស់អ្នកនឹងនាំផ្លែផ្កាធំត្រលប់មកវិញ។
កាតទី ២
ពេលវេលានេះ មានទ្វារជាច្រើនបើករង់ចាំអ្នក ហើយអ្នកមានសិទ្ធក្នុងការជ្រើសរើស ដើម្បីសេរីភាពនិងភាពស្រស់បំព្រងនៃជីវិត។
អ្នកត្រូវចាំថា ទោះការសម្រេចចិត្តបែបណា ក៏អ្នកត្រូវតែខិតខំបន្តទៅទៀត ដោយសត្រូវពេលខ្លះអាចយកឈ្នះអ្នកមួយពេលបាន តែគេមិនអាចគ្រប់គ្រងឆន្ទៈ និងមហិច្ឆតារបស់អ្នកអស់មួយជីវិតបានឡើយ។
កាតទី ៣
អ្នកប្រហែលកំពុងជាប់គាំងនូវបញ្ហាអាជីវកម្មណាមួយ តែកំហុសរបស់អ្នកកន្លងមក គឺបើកចំហឲ្យគេដឹងពីផែនការណ៍របស់អ្នកច្រើនពេក ព្រោះរឿងខ្លះដឹងច្រើន លឺច្រើន អាចធ្វើឲ្យផែនការណ៍ធំបរាជ័យ។
អ្នកមិនជឿទុកចិត្តមនុស្សជុំវិញខ្លួនពេកនោះទេ ព្រោះពួកគេជាច្រើនមានភាពឈ្លាសវៃ និងប៉ិនប្រសព្វខ្លាំងណាស់។ ទោះការសម្រេចចិត្ត គិតលើរឿងអ្វីក៏ដោយ ចូរធ្វើវាដោយស្ងាត់ស្ងៀម ហើយសឹមចេញផ្លែផ្កាចាំបង្ហាញចេញមកតែម្តងក៏មិនហួសពេលដែរ។
កាតទី ៤
មានរឿងជាច្រើនពេលនេះ ដែលអ្នកកំពុងជាប់ទើរ គឺដោយសារវាត្រូវការផ្អែកលើផ្នែកហិរញ្ញវត្ថុ។ យ៉ាងណាអ្នកត្រូវតែជឿជាក់លើគោលដៅ និងមានទំនុកចិត្តលើខ្លួនឯងជាមុនសិន សឹមបោះជំហានទៅមុខបន្តទៀត។
អ្វីដែលសំខាន់បំផុតនោះ កុំវង្វេងខ្លួនឯង កុំបាត់បង់គោលដៅធំ ដោយសារតែផលប្រយោជន៍បន្តិចបន្តួច៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
