« រមណីយដ្ឋាន កំពង់ស្រឡៅ » បើមានឱកាស កុំភ្លេចមកកម្សាន្តលេងផង
ខេត្តព្រះវិហារ ស្ថិតនៅក្នុងភូមិសាស្រ្តទិសឧត្តរនៃព្រះរាជាណាចក្រកម្ពុជា ដែលមានចម្ងាយពីរាជធានីភ្នំពេញ ប្រមាណចំងាយ ២៩៤គីឡូម៉ែត្រ ជាខេត្តស្ថិតនៅតំបន់ខ្ពង់រាប តំបន់ព្រៃភ្នំ ភូមិសាស្ត្រដែលមានភាពទូលាយ សំបូរព្រៃឈើធំៗជាជំរកសត្វព្រៃគ្រប់ប្រភេទ រ៉ែ ធនធានធម្មជាតិ និងសំនង់ប្រវត្តិសាស្ត្រ ប្រាសាទបុរាណ។ ព្រំប្រទល់ខាងជើងទល់នឹងប្រទេសថៃ និងប្រទេសឡាវ ប៉ែកខាងត្បូងទល់នឹងខេត្តកំពង់ធំ ប៉ែកខាងលិចទល់នឹង ខេត្តសៀមរាប និងឧត្តរមានជ័យ ប៉ែកខាងកើតទល់នឹង ខេត្តស្ទឹងត្រែង។
ដោយសារតែសម្បូរនូវភោគទ្រព្យធម្មជាតិបែបនេះហើយ បានធ្វើឱ្យខេត្តព្រះវិហារ មានតំបន់កម្សាន្តបែបធម្មជាតិជាច្រើនមើលទៅគួរឱ្យមនោរម្យខ្លាំង ក្នុងនោះ មានរមណីយដ្ឋានមាត់ទឹកមួយកន្លែងកំពុងតែល្បីល្បាញពេញបណ្តាញសង្គមថាមានទេសភាពស្រស់ត្រកាលណាស់ នោះគឺ « រមណីយដ្ឋាន កំពង់ស្រឡៅ »។ ដោយរមណីយដ្ឋាននេះ មានកញ្ចុះអង្គុយលេង និងទទួលទានអាហារយ៉ាងត្រជាក់ទាំងនៅមាត់ទឹក និងនៅកណ្តាលទឹក ធ្វើឱ្យអារម្មណ៍អ្នកមកកម្សាន្តហាក់រីករាយប្លែកផងដែរ។
គួរឱ្យដឹងផងដែរថា « រមណីយដ្ឋាន កំពង់ស្រឡៅ » មានទីតាំងនៅ ភូមិកំពង់ស្រឡៅ ឃុំកំពង់ស្រឡៅ១ ស្រុកឆែប ខេត្តព្រះវិហារ។ ប្រសិនជាមានឱកាសកុំភ្លេចមកកម្សាន្តលេងផង៕
អត្ថបទ៖ ក្នុងស្រុក
រូបភាព៖ Bro Ly
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ Writers
Tel:
ព័ត៌មានថ្មីៗ
