មនុស្សប្រុសមានផ្នែកទាំង 4 នេះធំ ភាគច្រើនជាបុរសជោគជ័យ ហើយសំណាងតែងតែរង់ចាំនៅនឹងមុខ
តាមតំណាលតគ្នាពីចាស់បុរាណនិយាយថា បើស្រ្តីណាដែលបានបុរសមានផ្នែក ៤ នេះ មានទំហំធំ នោះរមែងទទួលបានក្តីសុខ និងជោគជ័យចម្រុងចម្រើនក្នុងជីវិត ហើយក៏មិនងាយមានការប៉ះទង្គិចទាស់ពាក្យទាស់សម្តីគ្នានោះដែរ។
៤) រន្ធច្រមុះធំ
បុរសដែលមានរន្ធច្រមុះធំ គឺជាមនុស្សដែលសកម្មក្នុងការប្រាស្រ័យទាក់ទង ហើយតែងតែដឹងអំពីរបៀបបង្កើតទំនាក់ទំនងល្អជាមួយមនុស្សជុំវិញខ្លួន។ ពួកគេឆ្លាត រហ័ស ហើយមិនងាយឲ្យឱកាសល្អរបូតចេញពីដៃឡើយ។
ជាពិសេសពួកគេពូកែរកលុយចូលផ្ទះបានច្រើនណាស់ ហើយជាងនេះក៏មានភាពស្មោះត្រង់នឹងគ្រួសារ ប្រពន្ធកូនថែមទៀត។
៣) មុខធំ
មនុស្សមានទម្រង់មុខធំបែបនេះត្រូវបានគេសម្គាល់ថាជាមនុស្សអាយុវែង ហើយត្រង់ផ្នែកត្រចៀកបើមានទំហំធំដែរ និងមានដុះរោមក្នុងផ្នែកត្រចៀក នោះគឺមិនងាយមានជំងឺអ្វីមកបៀតបៀនបានឡើយ។ ដោយឡែករោមចិញ្ចឹមក៏ដូចជាគ្នា កាន់តែក្រាស់និងវែង ក៏សម្គាល់ពីអាយុកាលវែងរបស់មនុស្សផងដែរ។
២) ដៃធំ
បុរសដែលមានដៃធំត្រូវបានគេសម្គាល់ថា រមែងទទួលបានការជួយជ្រោមជ្រែងពីអ្នកខ្ពង់ខ្ពស់ច្រើន។ គ្រប់ពេលវេលាលំបាក ពួកគេមិននៅតែឯងនោះទេ និងរមែងមានមនុស្សល្អៗមកជួយជំរុញ និងជួយលើកឡើងមកវិញរហូត។
១) ជើងធំ
ជើងធំគឺជានិមិត្តរូបតំណាងឲ្យភាពរឹងមាំនិងនឹងថ្កល់នៃអនាគតរបស់ពួកគេ។ បុរសប្រភេទនេះបើមានគ្រួសារ គឺរមែងស្រលាញ់ប្រពន្ធកូនខ្លាំងណាស់ ហើយមិនឲ្យពួកគេទទួលរងការឈឺចាប់ ឬជួបការលំបាកដោយងាយៗឡើយ។
ជោគវាសនារបស់ពួកគេមិនត្រឹមតែមានទ្រព្យច្រើនប៉ុណ្ណោះទេ ជាងនេះក្តីសុខ សុភមង្គលក្នុងផ្ទះក៏ហូរហៀរច្រើនដូចគ្នា៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
