មុនយកធ្វើប្រពន្ធ ត្រូវមើលឲ្យមែនទែន! បុរសៗដឹងតែស៊យធំហើយ បើជួបមនុស្សស្រី ៣ ប្រភេទនេះ
ការសម្រេចចិត្តយកនរណាម្នាក់មកធ្វើជាគូស្រករទៅថ្ងៃមុខ គឺត្រូវរើសណាស់ មិនថាតែស្រ្តីឬបុរសទេ ព្រោះបើជាប្រភេទមនុស្សដែលមិនត្រូវគ្នានឹងយើង ហើយមានការគិតឆ្គងគំនិតគ្នាច្រើន ក៏មិនអាចរស់នៅជាមួយគ្នាបានយូរអង្វែងដែរ។
ជៀសវាងទៅថ្ងៃមុខទឹកភ្នែក និងចុងក្រោយសល់តែរឿងសោកសៅជាប់ទ្រូង សម្រាប់បុរសៗត្រូវប្រយ័ត្នឲ្យមែនទែន មុនសម្រេចចិត្តយកនារីណាម្នាក់មកធ្វើជាភរិយា។ ដោយឡែកត្រូវតែជៀសឲ្យបាននូវមនុស្សស្រី ៣ ប្រភេទនេះ៖
៣) តែងតែប្រៀបធៀបប្តីខ្លួនឯងទៅនឹងប្តីអ្នកដទៃ
បើមានអ្វីចង់កែតម្រូវ ចង់ណែនាំ គួរតែនិយាយត្រង់ៗហើយប្រើប្រាស់សម្តីដែលអាចស្តាប់ចូលត្រចៀក។ ពេលខ្លះទើសទាល់អារម្មណ៍បន្តិច នាងតែងតែលើកយកប្តីមិត្តភ័ក្ដិនាង ប្តីអ្នកជិតខាងមកជាគំរូ ហើយនិយាយថា ប្តីគេអ៊ីចេះ ប្តីគេអ៊ីចុះ គឺបំបាក់ទឹកចិត្តមួយទំហឹងតែម្តង។
ពេលខ្លះអ្នកជាបុរសដែលពូកែរកលុយ តែមិនប្រាកដជាពូកែផ្តល់ក្តីសុខឲ្យគ្រួសារ អ្នកខ្លះប្រសព្វខាងបង្កើតសុភមង្គល និងស្នាមញញឹម តែមិនសូវឆ្លាតវៃក្នុងការបង្កើតចំណូល។ ស្តាប់ទៅវាមានតែការប៉ះប៉ូវទៅមក និងខិតខំជាមួយគ្នាតែប៉ុណ្ណោះ ហើយបើបានប្រពន្ធមក អង្គុយចាំតែតិះដៀល ចាំតែមើលឃើញកំហុស នោះជីវិតគ្រួសារក៏មិនរីកចម្រើនទៅមុខកើតដែរ។
២) និយាយដើមប្តីខ្លួនឯងទៅប្រាប់អ្នកក្រៅ
មិនយល់ដែរ មនុស្សស្រីខ្លះពេលខឹងប្តី ឬអន់ចិត្តប្តី បែរជាយករឿងគ្រួសារឯងទៅបើកចំហឲ្យអ្នកក្រៅដឹង។ ជាស្រ្តីខ្លះ មានទាំងបង្ហោះហែកហួរពេញបណ្តាញសង្គមទៀតក៏មាន ចុងក្រោយសួរថានរណាចំណេញ នរណាខាត?
ចម្លើយគឺគ្មានអ្នកចំណេញទេ ពាក្យអ្នកក្រៅបានត្រឹមតែនិយាយ ក្តីសុខឬការលំបាក អ្នកទាំងពីរខ្លួនឯងផ្ទាល់ជាអ្នករ៉ាប់រង ហើយបើមានកូនក្នុងបន្ទុកទៀត មានតែធ្វើឲ្យខូចអារម្មណ៍របស់ពួកគេ និងប៉ះពាល់កិត្តិយសខ្លួនឯងទៅថ្ងៃមុខទៀតផង។
១) ដើរជាប់បំណុលនៅខាងក្រៅ ហើយទុកឲ្យប្តីរ៉ាប់រង
ស្រ្តីខ្លះល្អតែនៅនឹងមុខប្តី តែមានលួចចំណាយលុយលើការលេងល្បែង ដោយក្នុងចិត្តពោរពេញដោយភាពចង់មានចង់បាន និងមិនឆ្លងកាត់ការខិតខំ។ ចុងក្រោយសល់តែបំណុលជុំទិស ហើយឲ្យប្តីចេញមុខរ៉ាប់រង បើទោះមានលុយសងគេ ក៏ស្អុយឈ្មោះឥតអំពើដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
