កាត់ក្ដីឲ្យប្រកួតមួយស្មើគ្នា០-០អាជ្ញាកណ្ដាលហ្គាណា៣នាក់ត្រូវអ្នកគាំទ្រទាំងហ្វូងដេញវ៉ៃ បែកឈាមពេញមាត់(មានវីដេអូ)
រឿងគឺវាអញ្ចេះ! អ្នកគាំទ្រក្លិបម្ចាស់ផ្ទះ Wanamafo Mighty Royals បានសម្រុកចូលទីលានដេញវ៉ៃអាជ្ញាកណ្ដាលទាំងបីបន្ទាប់ពីពួកគាត់ទទួលកាត់ក្ដីការប្រកួតក្នុងក្របខ័ណ្ឌ Ghana Division One League សប្ដាហ៍ទី១៤ទល់និងក្រុមភ្ញៀវ Bofoakwa Tano កាលពីថ្ងៃអាទិត្យកន្លងទៅ។
លោក Niatire Suntuo Aziz អាជ្ញាកណ្ដាលដឹកនាំការប្រកួត រួមជាមួយជំនួយការរបស់គាត់២នាក់ទៀតលោក Suleman Mohammed និង Yakubu Abdul Rahmanត្រូវបានអ្នកគាំទ្រក្រុមម្ចាស់ផ្ទះ Wanamafo Mighty Royals ខឹងសម្បារយ៉ាងខ្លាំងបន្ទាប់ពីលោកផ្លុំកញ្ចែរបញ្ចប់ការប្រកួតភ្លាមៗ។
លើសពីនេះមន្រ្តីទី៤លោក Hasim Yakubu ក៏ត្រូវអ្នកគាំទ្រទាំងនោះវាយឲ្យរបួសផងដែរ។តាមរយៈរបាយការណ៍អ្នកគាំទ្រក្រុមម្ចាស់ផ្ទះបានសម្រុកចូលទីលានទាំងកម្រោលសម្ដៅទៅអាជ្ញាកណ្ដាលបន្ទាប់ពីចប់ការប្រកួតដែលលទ្ធផលស្មើគ្នា០ទល់០។
រឿងដែលងាយកើតឡើងគឺអ្នកគាំទ្រទាំងនោះអង្គុយជិតតំបន់របស់អាជ្ញាកណ្ដាលហើយគ្រាន់តែចប់ភ្លាមសម្រុកទៅតែម្ដង។ អ្នកគាំទ្រទាំងនោះទេបាននិយាយថាក្រុមរបស់គេសមតែឈ្នះការប្រកួតនេះហើយអាជ្ញាកណ្ដាលកាត់សេចក្ដីមិនយុត្តិធម៌៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
