Keisuke Honda ថា៖ Balotelli ជាកីឡាករមានទេពកោលស្យតែមិនអភិវឌ្ឍន៍ខ្លួនបន្ថែម ហើយខ្ជិលហាត់
Keisuke Honda បាននិយាយអំពីអតីតមិត្តរួមក្រុមសញ្ជាតិអ៊ីតាលី Mario Balotelli កាលនៅលេងជាមួយគ្នាក្នុងក្លិប AC Milan ថាកីឡាកររូបនេះមានទេពកោសល្យប៉ុន្តែមិនអភិវឌ្ឍន៍ខ្លួនឲ្យកាន់តែប្រសើរឡើងជាលំដាប់នោះទេ។
Balotelli បានស៊ូទ្រាំនឹងអាជីពបាល់ទាត់ដ៏ច្របូកច្របល់អស់រយៈពេល ១៥ ឆ្នាំដែលរួមបញ្ចូលទាំងអាជីពជោគជ័យនៅ Inter Milan, Manchester City, អាជីពធ្លាក់ជើងខ្លាំងនៅ Liverpool និង Milan ហើយក្រោយៗមកទេពកោសល្យបាល់ទាត់របស់គាត់មិនអាចយោងភាពខ្ជិលច្រអូសនៃការហ្វឹកហាត់បានទេ។
Honda បានឃើញអំពីទំនោរបំផ្លិចបំផ្លាញខ្លួនឯងរបស់ខ្សែប្រយុទ្ធជនជាតិអ៊ីតាលីរូបនេះ ពេលពួកគេលេងជាមួយគ្នាក្នុងក្រុម AC Milan ហើយជឿជាក់ថាវិធីសាស្រ្តខ្វះខាតការប្រឹងប្រែងរបស់គាត់គឺជាឧបសគ្គរារាំងគាត់មិនឱ្យបំពេញសក្តានុពលរបស់គាត់ដែលមានស្រាប់។
អតីតខ្សែបម្រើក្លិប Milan រូបនេះបានប្រាប់គេហទំព័រ Gazzetta Dello Sport ដោយនិយាយអំពី Balotelli ថា៖“ គាត់ជាមនុស្សម្នាក់ដែលមានទេពកោសល្យដ៏អស្ចារ្យមួយ ប៉ុន្តែគាត់មិនបានធ្វើអ្វី ដើម្បីឱ្យប្រសើរឡើងទេ។ ខ្ញុំចង់ផ្លាស់ប្តូរទម្លាប់ប្រចាំថ្ងៃរបស់គាត់ ដោយប្រាប់គាត់ថា Mario ជឿទុកចិត្តលើខ្ញុំ ប្រសិនបើអ្នកចង់ក្លាយជាអ្នកពូកែអ្នកត្រូវតែខិតខំហ្វឹកហាត់។ '
"គាត់បានមើលមកខ្ញុំដោយទឹកមុខស្មើ! ហើយនៅថ្ងៃបន្ទាប់គាត់បានបង្ហាញខ្លួននៅឯកន្លែងហាត់ប្រាណ ៤០ នាទីមុនពេលចូលហ្វឹកហាត់ជាមួយក្រុម។ នៅថ្ងៃបន្ទាប់គាត់ហាត់ធម្មតា ហើយថ្ងៃទី ៣ គាត់បានបង្ហាញភាពធុញទ្រាន់រួចលែងទៅហាត់បាត់ទៅហើយ។ នោះហើយជា Mario "។
Balotelli គឺជាកីឡាករដ៏ល្អម្នាក់ពេលលេងនៅ Inter Milan លើកដំបូងដោយស៊ុតបញ្ចូលទី២៨គ្រាប់ក្នុង៨៦ប្រកួតគិតគ្រប់ពានរង្វាន់ហើយក៏មានឱកាសផ្ទេរទៅលេងនៅ Manchester City ក្នុងតម្លៃ២០លានអឺរ៉ូក្នុងខែមករាឆ្នាំ២០១៣។ កីឡាករជម្រើសជាតិអ៊ីតាលីស៊ុតបញ្ចូលទី២៦គ្រាប់ក្នុង៤៨ប្រកួតឲ្យ City ហើយក៏ត្រឡប់មកលេងនៅ AC Milan ដោយស៊ុតបញ្ជូលទី២៦គ្រាប់ក្នុង៤៣ប្រកួត។
Liverpool ឃើញលេងល្អក៏ទិញយកទៅលេងតែរូបគេបានធ្លាក់ទម្រង់លេងរួចទៅហើយដោយបង្ហាញខ្លួន១៦ប្រកួតរកបាន១គ្រាប់ដោយការស៊ុតបាល់ប៉េណាល់ទីហើយក៏ត្រឡប់មកលេងខ្ចីជើងនៅ Milan វិញដោយលេងបាន២០ប្រកួតរកបានមួយគ្រាប់ទៀត។
ចាប់តាំងពីពេលនោះមករូបគេធ្លាក់ខ្លួន អស់ភាពល្បីល្បាញបាត់ឈ្មោះពីជម្រើសជាតិហើយបច្ចុប្បន្នលេងឲ្យក្លិប Monza ក្នុងលីគទី២អ៊ីតាលីដោយបង្ហាញខ្លួន៧ប្រកួតរកបាន២គ្រាប់៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
