AC Milan ចង់ឱ្យ Dalot បន្តស្នាក់នៅជាមួយខ្លួន: តើ Solskjaer អនុញ្ញាតឱ្យគាត់នៅទេ?
របាយការណ៍ថ្មីៗពី The Sun បានលើកឡើងថាក្លិប AC Milan ចាប់អារម្មណ៍ចង់ឱ្យ Diogo Dalot បន្តការស្នាក់នៅជាមួយក្លិប ដោយភាគីអ៊ីតាលីបានផ្តល់ប្រាក់ប្រមាណ ១២ លានផោនសម្រាប់តម្លៃទិញផ្ដាច់កុងត្រាខ្សែការពារស្លាបជម្រើសជាតិព័រទុយហ្កាល់រូបនេះ។
របាយការណ៍បានបញ្ជាក់បន្ថែមទៀតថា Diogo Dalot បើកចំហចំពោះលទ្ធភាពគ្រប់បែបយ៉ាង ដោយសារគាត់សប្បាយចិត្តនៅអ៊ីតាលី ទោះយ៉ាងណាលោក Ole Gunnar Solskjaer ប្រហែលជាចង់ឱ្យគាត់វិលត្រឡប់ទៅប្រទេសអង់គ្លេសវិញក្រោយរដូវកាលនេះបញ្ចប់។
គ្រូបង្វឹកជនជាតិន័រវេសបាននិយាយកាលពីដើមខែនេះថា៖ «នៅទីនេះ( Man Utd)គាត់មិនដែលបានទទួលភាពរឹងមាំ(Fit) ដើម្បីចូលលេងនោះទេ ហើយជាអកុសលដោយមានរបួសញឹកញាប់ផង។ ឥឡូវគាត់រឹងមាំណាស់ហើយគាត់មានវត្តមានក្នុងការប្រកួតជាមួយពួកគេ” ។
"គាត់កំពុងលេងនៅក្នុងក្លិបធំលើសពីការរំពឹងទុក ជាមួយក្លិបមួយដែលមានប្រវត្តិសាស្រ្តធំធេងហើយនេះពិតជាល្អសម្រាប់គាត់។ដូច្នេះខ្ញុំពិតជាពេញចិត្តចំពោះការអភិវឌ្ឍរបស់គាត់នៅរដូវកាលនេះ ហើយគាត់គឺជាកីឡាកររបស់យើង ហើយយើងទន្ទឹងរង់ចាំទទួលគាត់ត្រឡប់មកវិញ។ "
វាជារឿងដែលត្រឹមត្រូវ នៅពេលដែលយើងនិយាយថាការផ្លាស់ទៅលេងនៅកីឡដ្ឋាន San Siro របស់ Dalot ក្នុងរដូវកាលនេះគឺពិតជាជោគជ័យ។ ពិតណាស់! ជាមួយ AC Milan រូបនេះកាលនេះខ្សែការពារស្លាបស្ដាំរបស់ Man Utd រូបនេះបង្ហាញខ្លួនបាន២៥ប្រកួត និងរកបាន២គ្រាប់ ក្រោមការដឹកនាំរបស់លោក Stefano Pioli ។
គាត់បានគ្រប់គ្រងស្ថិតិលេងដ៏សមរម្យមួយចំនួននៅនៅរដូវកាលនេះ។ កីឡាករវ័យ ២២ ឆ្នាំរូបនេះបានអភិវឌ្ឍន៍ខ្លួនពីខ្សែការពារស្លាបស្ដាំទៅជាខ្សែបម្រើការពារស្លាបស្ដាំនិងជាជំនួយក្នុងតំបន់ប្រយុទ្ធស្លាបស្ដាំ ដែលទាំងនេះជាអ្វីដែល Solskjaer មិនមានហើយ Aaron Wan-Bissakaធ្វើមិនបាន។
នៅខែធ្នូឆ្នាំ ២០២០ ESPN បានផ្សព្វផ្សាយរបាយការណ៍មួយនៅលើគេហទំព័ររបស់ពួកគេ ដោយអះអាងថាក្រុមប្រឹក្សាភិបាលរបស់ក្លិបនឹងផ្តល់អាទិភាពដល់ផ្នែកខាងការពារស្តាំនៃក្រុមរបស់លោក Ole Gunnar Solskjaer សម្រាប់ពង្រឹងនៅក្នុងប្រព័ន្ធដោះដូរកីឡាករបន្ទាប់ ដើម្បីដោះស្រាយបញ្ហាខ្វះខាតនៅក្នុងការប្រកួតដែលមាន Aaron Wan-Bissaka លេង។ ក្នុងកាលៈទេសៈបែបនេះ ការវិលត្រឡប់របស់ Diogo Dalot នឹងធ្វើឱ្យប្រសើរឡើងនូវការប្រកួតរបស់ក្លិបអង់គ្លេសមួយនេះ ដែលស្រដៀងនឹងការប្រកួតប្រជែងរបស់ Alex Telles ជាមួយ Luke Shaw ។
តើ Diogo Dalot នឹងបន្ថែមអ្វីខ្លះទៀតក្នុងក្រុមរបស់លោក Solskjaer?
ទោះយ៉ាងណា Aaron Wan-Bissaka មិនមានអ្វីគួរឱ្យកត់សម្គាល់ទេសម្រាប់ក្រុម Manchester United ចាប់តាំងពីគាត់បានផ្លាស់មកលេងនៅ Old Trafford បន្ទាប់ចាកចេញពីក្លិប Crystal Palace កាលពីរដូវក្តៅមុន។ ទោះយ៉ាងណាក៏ដោយ!មនុស្សម្នាក់មិនអាចបដិសេធភាពខ្វះខាតនៃកីឡាករក្នុងជម្រើសបម្រុងទុកនៅក្នុងតំបន់របស់ខ្លួននោះទេ។
ការត្រឡប់មកវិញរបស់ Dalot មិនត្រឹមតែជំរុញឲ្យ Aaron ប្រឹងទ្វេរឡើងនោះទេ ថែមទាំងក្លិបមានជម្រើសច្រើនក្នុងការលេងបើកីឡាករណាម្នាក់ក្នុងចំណោមពួកគេរបួស ហើយវាជាកត្តាមួយដែលមិនឲ្យក្លិបចំណាយលុយទិញកីឡាករថ្មី៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
