ងាយៗនរណាក៏អាចសាកបាន នេះអត្ថប្រយោជន៍ធំ ៤ ពីការដាក់ខ្ទឹមសក្រោមក្បាលដំណេក
ខ្ទឹមសអាចផ្តល់អត្ថប្រយោជន៍ច្រើនណាស់ នៅពេលដែលយើងទទួលទានវា ហើយជារឿយៗក៏ជឿថាមានមនុស្សជាច្រើនបានដឹងខ្លះៗរួចមកហើយ។ យ៉ាងណាពាក់ព័ន្ធនឹងការប្រើប្រាស់លើរបៀបមួយផ្សេងទៀត គឺយកវាមកដាក់ក្រោមខ្នើយ តើអ្នកធ្លាប់បានដឹងហើយឬនៅ ថាផ្តល់អត្ថប្រយោជន៍អ្វីខ្លះ?
តាមរយៈអត្ថបទនេះ ក្រោយដឹងពីប្រយោជន៍ធំៗទាំង ៤ ហើយ ប្រិយមិត្តអាចសាកល្បងទៅរកខ្ទឹមសមកដាក់នៅក្រោមខ្នើយក្បាលដំណេកបាន៖
៤) ល្អបំផុតសម្រាប់អ្នកហៀរសំបោរឬតឹងច្រមុះ
អ្នកខ្លះមានច្រមុះខ្សោយ ឆាប់អាឡែរហ្សី បណ្តាលឲ្យងាយកណ្ដាស់ ឬហៀរសំបោរជាដើម ពិតជារំខានដល់ការចូលដំណេកខ្លាំងណាស់។ បែបនេះការជ្រើសរើសខ្ទឹមសយកមកដាក់នៅក្រោមខ្នើយ គឺពិតជាអាចជួយអ្នកបាន។
ដោយសារវាមានអង់ទីប៊ីយូទិកដ៏មានឥទ្ធិពលឲ្យឈ្មោះថា អាលីស៊ីន ដែលនៅពេលវាហួតបន្តិចម្តងៗ វាអាចសម្លាប់មេរោគឬការបង្ករោគដែលបណ្តាលឲ្យប៉ះពាល់ដល់ច្រមុះរបស់អ្នក។ ជាងនេះខ្ទឹមស វាក៏អាចជួយជម្រះនៅការរំលាយទឹករំអិលនៃសំបោរ ហើយដំណើរនេះឆ្លងកាត់ពេលប៉ុន្មាននាទី នោះអ្នកនឹងលែងហៀរសំបោរ ហើយអាចដកដង្ហើមបានធូរវិញ។
៣) ជួយបង្កើនប្រព័ន្ធភាពសុាំឲ្យដំណើរការល្អ
ខ្ទឹមសក៏មានសមត្ថភាពអាចបំផ្លាញនៅបាក់តេរីអាក្រក់ទាំងឡាយ ដែលអាចរីកលូតលាស់ក្នុងខ្លួនរបស់មនុស្ស។ ប្រសិនអ្នកចាប់ផ្តើមទម្លាប់ដាក់ខ្ទឹមសនៅក្រោមខ្នើយ នោះអ្នកក្រោយភ្ញាក់ពីគេងនឹងចាប់អារម្មណ៍ថា កម្រកើតមានការចុកខ្លួនឬឈឺជំងឺអ្វីមួយខ្លាំងណាស់។
២) អាចការពារសត្វល្អិតផ្សេងៗ
កន្លែងគេងរបស់យើង ពេលខ្លះមើលមិនអស់នោះទេ ក្រោមពូកក្រោមខ្នើយ ក៏រមែងមានសត្វល្អិតតូចៗវាចូលមកសម្ងំនៅទីនោះ ហើយពេលយើងគេងក៏វាពេលខ្លះអាចរត់ចូលត្រចៀកអីជាដើម។ ខ្ទឹមស គឺអាចបំពុលសត្វល្អិតទាំងនោះឲ្យចេញឆ្ងាយ ជាពិសេសគឺសត្វមូស ក៏មិនងាយនឹងហោះមកក្បែរយើងដែរ។
១) ជួយឲ្យអ្នកគេងលក់ស្រួល
ខ្ទឹមសសំបូរទៅដោយជាតិវីតាមីន B1 ដែលវាជួយប្រឆាំងនឹងការគេងមិនលក់ ហើយលើសពីនេះវាក៏ មានវីតាមីន B6 ដែលជួយបង្កើនជាតិមេឡាទីន ដោយវាមានឥទ្ធិពលវិជ្ជមានសម្រាប់ប្រព័ន្ធប្រសាទ នាំឲ្យអ្នកមានអារម្មណ៍ស្ងប់ហើយឆាប់បានគេងលក់៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
